Esdras 9:3 - Bible in Tzeltal Bachajón

³ C'alal la jca'iy ini, la jch'i' te jmuc'ul c'u' soc te jnahtil-c'u' yu'un, soc la jbul loq'uel stsotsel jol soc quisim, la juhcan jba ta tulan mel-o'tan.

Bible in Tzeltal de Oxchuc y Tenejapa

³ C'alal la caiy te c'op in to, la jch'i' jc'u' yu'un, la jbul stsotsil jol soc la jbul quisim swenta seña xc'uxul mel-o'tan, la jnajc'an jba, mero ayon ta mel-o'tan yu'un.

Esdras 9:3 Referans Kwoze

Nehemías 1:4

C'alal la jca'iy te c'opetic ini, la juhcan jba, oc'on yu'un. Hal c'ahc'al la jmel co'tan yu'un, la jcom jwe'el soc la jc'opon te Dios ta ch'ulchan.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Miqueas 1:16

Bula loq'uel, quits'a stsotsel ajol, yu'un te awal-anich'nab te c'ux ta awo'tane; t'axana ajol hich te bin ut'il sjol te hos, como namal ya xbahtic ta chuquel ta atojol.

Daniel 8:27

Ho'on, Daniel, laj quip la jca'iy yu'un, bayel c'ahc'al ayon ta chamel. Patil hahchon, cha'ochon xan ta spasel te a'tel yu'un te ajwalil. Pero ay xiwel ta co'tan ta scaj te nahalsit, ma ba la jna'be scuentahil.

Daniel 4:19

Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Ezequiel 7:18

Ya me slapic ch'ixal-pac' soc ya xmucotic yu'un tulan xiwel; ay q'uexlal ta spisil sit yelaw, soc quits'bil spisil stsotsel sjolic.

Ezequiel 3:15

C'ohon ta stojol te jchuqueletic te ayic ta Tel-abib, te nahinemic ta sti'il te muc'ul-ha' Quebar, la juhcan jba ta yohlilic. Tey hilon huqueb c'ahc'al a, ma ba la jna' bin ya jpas.

Jeremías 36:24

Te ajwalil soc te a'batetic yu'un te la ya'iyic spisil te c'opetic, ma ba xiwic yu'un, ma ba la sch'i' sc'u'ic yu'un.

Jeremías 7:29

¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Isaías 15:2

Te mach'atic yu'un Dibón mo bahel ta templo, ta toyol awilaletic yu'un ya x'oq'uic tey a; te Moab ya yoq'uetay te Nebo soc Medeba. Spisilic ya yich'ic loq'uesbeyel stsotsel sjolic soc ya yich'ic loq'uesbeyel spisil yisimic.

Salmos 143:4

Ya xlaj quip ya ca'iy; ma ba ya snihquix sba ya ca'iy te co'tane.

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Job 1:20

Ha yu'un te Job la stehc'an sba, la sch'i' snahtil-c'u', la sjoch stsotsel sjol yu'un, la squejan sba ta lum, la sch'uhuntay,

Nehemías 13:25

La jtijticlan ta c'op, la jcalbe chopol sc'oblalic, la jmajticlan, la jbulticlambe stsotsel sjolic, soc la jcaq'uic ta yalel ta jamal ta stojol Dios, soc hich la jcalbe: Ma me xawa'beyic te awantsil-nich'anic te snich'nabic, soc ma me xawic'beyic yantsil-nich'nabic yu'un te aquerem-nich'anic, soc ha nix hichex ma me xawiq'uic.

2 Reyes 18:37

Te mayordomo Eliaquim snich'an Hilcías, te Sebna te jts'ihbajel soc Joa te secretario talic ta stojol Ezequías, sch'i'ojix sc'u'ic a la yalbeyic ya'iy te bin la yal te mach'a tulan ya'tel.

Levítico 21:5

Ma me st'axan sjolic, ma me set' sni'il yisimic, soc ma me xyehchentes sbaq'uetalic.

2 Samuel 1:11

Ha yu'un te David la stsac sc'u', la sch'i'; hich nix la spasic te winiquetic sjoquinejic.

Salmos 119:53

Mero ilinon yu'un te mach'atic chopolic, te ya yihquitayic te ley awu'une.