Esdras 9:13 - Bible in Tzeltal Bachajón

¹³ Te c'alal c'ax spisil bintic c'oht ta jcuentacotic ta scaj te chopol ca'telcotic soc te muc'ul mulil cu'uncotic, ha'at, Diosat cu'uncotic, ma ba hich la awa'botcotic castigo te bin ut'il te jmulcotic, soc ay mach'atic la awihquitaybotcotic hilel hich te bin ut'il ini.

Bible in Tzeltal de Oxchuc y Tenejapa

¹³ “C'axix cu'untic spisil te bitic c'ot ta jwentatic ta scaj te amen cat'eltique, soc te mero tulan mulil cu'untique, manchuc me ma ba awac'ojbotic castigo te bit'il ya sc'an yu'un te jmultique, melel awac'ojotic ta libre in to.

Esdras 9:13 Referans Kwoze

Salmos 103:10

Ma ba la spasbotic hich te bin ut'il ya sc'an te bintic chopol jpasojtic, ma ba la ya'botic jtoj jmultic hich te bin ut'il ya sc'ane.

Lamentaciones 3:22

Ha ta scuenta sc'uxul yo'tan Jehová te ma ba lajemotic, como mayuc bin ora ya xlaj te sc'uxul yo'tane;

Job 11:6

soc ya yalbat bintic muquen ay yu'un te p'ijil-o'tanil, te wocol ta na'beyel scuentahil! Hich yac ana' a te ma hichuc la ya'bat castigo te Dios te bin ut'il ya sc'an te amule.

Gálatas 3:4

¿Tojol bal te c'axix bayel awocolic yu'une? teme melel tojol aye.

Habacuc 3:2

¡La jca'iybat ac'oblal, Jehová, xcham co'tan yu'un! Pasa xan awa'tel, Jehová, ta yorahil ayotcotic; ta yorahil ayotcotic ac'a ta na'el te awa'tele; aunque ilinemat, na'a me c'uxultayel.

Nehemías 9:32

Ha yu'un yo'tic, Dios cu'untic, muc' Diosat te ay awu'el, te ayat ta xi'el, te yac acanantay te chapbil-c'op soc te sc'uxul awo'tan, manchuc te peq'uel sc'oblal ta atojol spisil te wocol te c'ohtix ta stojol te ajwaliletic cu'uncotic, te príncipaletic, sacerdotehetic, jalwanejetic, jme'jtatcotic soc spisil te pueblo awu'un, c'alal ta yorahil te ajwaliletic yu'un Asiria ha to c'alal ta ora ini.

Nehemías 13:18

¿Ma bal hichuc la spasic te ame'atatic, ha yu'un te Dios cu'untic la yac' taluc spisil te wocol ini ta jtojoltic soc ta stojol te pueblo ini? ¿Ya bal awaq'uic tohyuc xan yilimba ta stojol Israel yu'un te yac abohlobtesbeyic sc'oblal te sc'ahc'alel cux-o'tan? la jcut.