Esdras 9:12 - Bible in Tzeltal Bachajón

¹² Ha yu'un ma me xawa'beyic te awantsil-nich'nabic te squerem-nich'nabic soc ma me xawa'beyic yic' te yantsil-nich'nabic te aquerem-nich'nabic, soc ma me xalehbe lamal q'uinal ta stojolic soc te bin lec ya xc'ohtic yu'une; scuenta yu'un tulan ya xc'ohex soc yu'un yac awe'ic te sit te c'ax lec ya yac' te q'uinal soc yac awa'be yich'ic hilel sbahtel q'uinal te ats'umbalique.

Bible in Tzeltal de Oxchuc y Tenejapa

¹² Soc la awalbotic te ma xju' ya jnujbin cantsil-nich'nabtic soc squerem-nich'nabic, soc ma xju' ya xnujbin jquerem-nich'nabtic soc yantsil-nich'nabic uuc. Soc la awalbotic te ma me ayuc bi ora ya xbajt' co'tantic ta slamantesel q'uinal ta stojolic, ni slebeyel yutsilalic te ants-winiquetic in to, swenta yu'un jich mero ya me jcanantay jbajtic a soc mero tulan ya x'ainotic a, soc ya me jwe'beytic te bitic lec ta q'uinale, soc ya me cac'beytic jilel yu'unin te jts'umbaltic ta sbajt'el q'uinale.

Esdras 9:12 Referans Kwoze

Deuteronomio 7:3

Ma me xnuhpunat soc, ma me xawa'be yic'bat awantsil-nich'nab te squerem-nich'nabic soc ma me xawa'be yic'bat aquerem-nich'nab te yantsil-nich'nabic,

Deuteronomio 23:6

Ma me xalehbe yutsil slequilic soc ma me xawac' lahmajuc q'uinal ta stojolic te jayeb c'ahc'al cuxulic ta q'uinal.

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

Isaías 1:19

Teme yac ac'anic soc teme yac ach'uhunique, ya me awe'ic te bintic lec ya xloc' ta q'uinal;

Proverbios 20:7

Te mach'a toj yo'tan mayuc bin ay ta scuenta, bayel yutsil te yal-snich'nab ta patil yu'un.

Esdras 9:2

Como yic'beyejic yihnaminic te yantsil-nich'nabic soc hich nix la spasic te snich'nabique. Hich la scap sbahic te ch'ultesbil ts'umbalil soc te ants-winiquetic ta q'uinal. Te mach'atic nahil la spasic te mulil ini, ha'ic te príncipaletic soc te gobernadoretic, xchihic.

Éxodo 23:32

Ma xachap ac'opic soc, o soc te diosetic yu'unique.

2 Crónicas 19:2

Te jalwanej Jehú snich'an Hanani loc' ta stahel, hich la sjoc'obe te ajwalil Josafat: ¿Ya bal acoltay te mach'a chopol, c'ux bal yac awa'iy ta awo'tan te mach'atic scontrahinejic te Jehová? Ha scuentahil te ilinem ta atojol te Jehová.

Deuteronomio 23:7

Ma me xawihlay te edometic, como awermanotac stuquelic. Ma me xawihlay te egipciohetic, como ha jyanlum ayinat ta sq'uinal.

1 Crónicas 28:8

Ha yu'un ta ora ini, ta stojol spisil Israel te pueblo yu'un Jehová, soc ta stojol Dios te yac ya'iybelotic, ch'uhunahic ta lec spisil te mandariletic yu'un Jehová te Dios cu'untic, scuenta yu'un yac awu'untayic te lequil q'uinal soc yac awa'beyic yich'ic ta patil te awal-anich'nabic ta sbahtel q'uinal.