Esdras 9:1 - Bible in Tzeltal Bachajón

¹ C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.

Bible in Tzeltal de Oxchuc y Tenejapa

¹ C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.

Esdras 9:1 Referans Kwoze

Nehemías 9:2

Parte yac'ojix sbahic a te sts'umbal Israel ta stojol spisil te jyanlumetique; teq'uelic a la yalic ta jamal te smulic soc te smul te sme'statique.

Éxodo 33:16

¿Bin ut'il ya xchicnaj teme lec c'ohemon ta atojol soc te pueblo awu'une? ¿Ma bal ha'uc ya xchicnaj yu'un te ha'at yac ajoquinon bahel, soc te bin ut'il te ho'on soc te pueblo awu'un parte ac'bilotcotic ta yohlil spisil te yantic pueblohetic ta swohlol bahlumilal? xchi.

Jeremías 26:16

Te príncipaletic soc spisil te pueblo hich la yalbeyic te sacerdotehetic soc te jalwanejetic: Ma sc'an te ya x'ac'ot ta lajel te winic ini, como la sc'oponotic ta scuenta sbihil Jehová te Dios cu'untique, xchihic.

Jeremías 26:10

Te príncipaletic yu'un Judá, c'alal la ya'iyic, loq'uic tal ta sna ajwalil, bahtic ta sna Jehová, la shuhcan sbahic ta Yach'il Ochibal yu'un te sna Jehová.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Salmos 106:35

la scap sbahic soc te nacionetic soc la snopbeyic stalelic.

Nehemías 4:3

Tey ay ta sts'ehl a te Tobías te talem ta Amón, hich la yal: Te ts'ahc yac spasbelic ta ton, te yacuc xmo jcohtuc wax tey a ya xhemts'uj cohel yu'un te hichuque, xchi.

Esdras 10:8

Te mach'a ma ba ya xc'oht ta oxeb c'ahc'al, hich te bin ut'il schapojic te príncipaletic soc te mamaletic, ya sch'ay spisil sq'uinal soc ya yich' loq'uesel ta stojol te mach'atic suhtemic tal ta chuquel.

2 Crónicas 33:2

Pero chopol bin la spas ta stojol Jehová, hich te bin ut'il te bintic ilobtic sba la spasic te nacionetic loq'uesotic yu'un Jehová ta stojol te snich'nab Israel.

1 Reyes 11:1

Te ajwalil Salomón ma ha'uc nax c'ux ta yo'tan te yantsil-nich'an faraón, c'ux la ya'iy ta yo'tan bayel jyanlum antsetic te talemic ta Moab, Amón, Edom, Sidón, soc hetea-antsetic;

Deuteronomio 18:9

Te c'alal ya x'ochat bahel ta q'uinal te ya ya'bat Jehová te Dios awu'un, ma me xanop spasel te bin ihlaybil ya spasic te nacionetic tey a.

Números 23:9

C'alal ta sba tontiquil ya quil, c'alal ta tsehltsehltic ya xchicnaj cu'un: ha jun pueblo te parte nahinem, te ma ba jun ayic soc te yantic nacionetique.

Levítico 18:3

Ma me hichuc xapasic te bin ya spasic ta sq'uinal Egipto te banti nahinex; soc ma hichuc xapasic te bin ya spasic ta sq'uinal Canaán te banti ya quiq'uex bahel, ma me xat'umbeyic te bin ya spasique.

Éxodo 23:23

Te ch'ul a'bat cu'un ya xnahilij bahel awu'un soc ya yiq'uex bahel ta sq'uinal te amorreo, heteo, ferezeo, cananeo, heveo soc te jebuseo; ha'ic te jc'axel ya jlajinlan.

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Génesis 15:16

Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

Nehemías 4:7

Pero te c'alal la ya'iyic te Sanbalat, Tobías, te árabehetic, te amonetic soc te mach'atic ayic ta Asdod te xquechet ta cha'pasel xan te sts'ahcul te Jerusalén, te xquechet ta maquel banti jamajtic, bayel ilinic yu'un.

Nehemías 13:23

Soc ta hich ora la jquil te ay judiohetic te yic'oj yihnaminic antsetic te talemic ta Asdod, Amón soc Moab.

Malaquías 2:11

Judá ma junuc yo'tan ta stojol Dios, la spas te bin ilobtic sba ta Israel soc ta Jerusalén, como te Judá la sbohlobtesbe sc'oblal te ch'ul awilal yu'un Jehová te c'ux ta yo'tan, te bin ut'il nuhpun soc yantsil-nich'an jun dios yu'un jyanlumetic.

Números 25:6

Ay jtuhl israel-winic te baht yic' tal jtuhl madianita-ants ta banti ay te yermanotac, ta sit Moisés soc spisil te pueblo Israel, te c'alal yaquic ta oq'uel a ta yochibal te Nahilpac' Templo yu'un tahojibal.

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

Deuteronomio 23:8

Te yoxcajal patil al-nich'anetic yu'unic ya xhu' ya x'ochic ta tsoblej yu'un Jehová.

Josué 23:12

Como teme ya suhtex bahel ta apatic, teme jun ya xc'ohex soc te nacionetic te hilemic ta awohlilic, teme ya xnuhpunex soc, teme yac acap abahic soque,

2 Crónicas 8:7

Spisil te mach'atic hilemic yu'un te hitita, amorreo, ferezeo soc te jebuseohetic, te ma ha'uc israeletic,

Esdras 10:2

Ha yu'un te Secanías snich'an Jehiel, te ha sts'umbal Elam, hich la yalbe te Esdras: Te ho'otcotic ma junuc co'tancotic ta stojol te Dios cu'untic, la jquic' quihnamincotic jyanlum-antsetic. Aunque hich ay, ay to bin ya xhu' ta pasel ta stojol Israel.