Esdras 8:23 - Bible in Tzeltal Bachajón

²³ Ha yu'un la jcom jwe'eltic soc hich la jc'ambetic te Dios cu'untic; ha la ya'iybotic te jc'optique.

Bible in Tzeltal de Oxchuc y Tenejapa

²³ Ja' yu'un la jcom jwe'eltic, la caltic wocol ta stojol Dios yu'un spisil in to. Te Diose la yich'botic ta wenta te jc'optique.

Esdras 8:23 Referans Kwoze

Esdras 8:31

Hahchotic bahel ta ti'muc'ul-ha' Ahava ta slahchayebal (12) c'ahc'al ta shachel u, bohotic ta Jerusalén. Ay ta jtojoltic te sc'ab te Dios cu'untic, la scoltayotic ta sc'ab te contratac soc te j'eleq'uetic ta be.

Deuteronomio 4:29

Pero teme tey yac alehic a te Jehová te Dios awu'unic, ya me atahic, teme ta spisil awo'tan soc spisil ach'uhlel yac alehique.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

1 Crónicas 5:20

Coltayotic yu'un Dios ta ya'beyel guerra, hich och ta sc'abic spisil te agarenohetic soc te mach'atic sjoquinejic, como tulan la yalbeyic wocol te Dios ta yorahil te guerra, hich coltayotic yu'un, como ha smuc'ulinej yo'tanic.

Daniel 9:3

La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.

Isaías 19:22

Te Jehová ya me yehchentes te Egipto: ya yehchentes soc ya spoxtay. Ya me suhtes yo'tanic ta stojol Jehová, soc te Jehová ya me sna'be yo'bolil sbahic soc ya me spoxtaylan.

Hechos 10:30

La sjac' te Cornelio: Ayix ta schanebal c'ahc'al ta hichilan ora yacon ta sc'oponel Dios ta jna, ta oxeb ora suhtel c'ahc'al a la jquil te hul stehc'an sba ta jtojol jtuhl winic te ay sts'anabul sc'u' spac',

San Lucas 2:37

hil ta me'ba'antsil, ayix chaneb yo'winic (84) ha'bil. Spisil ora ay ta Templo, c'ahc'al ahc'abal la sch'uhuntay te Dios ta scuenta sc'oponel Dios soc scomel swe'el.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

Génesis 25:21

Te Isaac la sc'opombe te Jehová yu'un te yihnam te ma x'alaj. Tsacbot sc'op yu'un Jehová, hich hahch yal te Rebeca te yihnam.

2 Reyes 13:4

Te Joacaz la sc'opon te Jehová, a'iybot sc'op yu'un, como la yilbe swocol Israel te a'botic yu'un te ajwalil yu'un Siria.

Proverbios 3:5

Jc'axel ac'a smuc'ulin awo'tan te Jehová, ma me xawich' aba ta cuenta yu'un te bin anopoj.