Esdras 8:21 - Bible in Tzeltal Bachajón

²¹ La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Bible in Tzeltal de Oxchuc y Tenejapa

²¹ Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Esdras 8:21 Referans Kwoze

2 Crónicas 20:3

Te Josafat xiw yo'tan yu'un, la snop te ya sjoc'obe te Jehová; la yal mandar te ya scom swe'elic ta spisil Judá.

Joel 1:14

Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

1 Samuel 7:6

Ha yu'un la stsob sbahic ta Mizpa, la sliquic tal ha', la smalic ta stojol Jehová; ha nix sc'ahc'alel a la scom swe'elic, soc hich la yalic: La jta jmultic ta stojol Jehová, xchihic. Te Samuel ha juez yu'un te snich'nab Israel ta Mizpa.

Jonás 3:5

Te ants-winiquetic yu'un Nínive la sch'uhunic te Diose, la yalic mandar te ya scom swe'elic soc la slapic pac' scuenta mel-o'tan, muc' biq'uitetic.

Levítico 16:29

Ha mandaril awu'unic ini te ma xlaj sc'oblal: Ta lajuneb c'ahc'al yu'un te shuquebal u ya me acom abahic ta spasel te bin scuenta abaq'uetal, soc ma ba yac apas awa'telic a, te mach'a ha nix slumal soc te jyanlum nahinem ta awohlilique,

Levítico 23:29

Spisil mach'a ma ba ya scom swe'el a, ya me yich' loq'uesel ta stojol te slumale.

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Salmos 5:8

Tojobtesawon bahel, Jehová, ta scuenta stojil awo'tan, ta scaj te jcontratac; tojobtesa ta jtojol te be awu'une.

Esdras 8:15

La jtsobticlan ta ti'muc'ul-ha' te ya xbaht ta Ahava, tey halajotic oxeb c'ahc'al ta campamento. La jquil te ay sacerdotehetic, pero ma ba la jta jtuhluc levita.

Jeremías 10:23

Jna'oj, Jehová, te ants-winic ma ha'uc scuentahinej te be yu'une, ma ha'uc yu'un te ya yal banti ya xbehen.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Isaías 58:3

Hich ya yalic: ¿Bin yu'un ya jcom jwe'elcotic, pero ma ba yac awich' ta cuenta; ya jpehc'an jbahcotic pero mayuc ta cuenta awu'un? xchihic. Ilawil, ta sc'ahc'alel te yac acom awe'elic yac alehic bin yac amulanic soc yac atenic ta a'tel te j'a'teletic awu'unique.

Isaías 49:10

Ma ba ya ya'iyic wi'nal o taquinti'il, soc ma x'uts'inotic yu'un te c'ahc'al o q'uixin q'uinale, como te mach'a c'uxultayotic yu'un ya me stojobteslan bahel, soc ya me stojobteslan bahel ta sloq'uib-ha'etic.

Proverbios 3:6

Ta spisil te bintic yac apas, na'a me te Jehová, ha ya stojobtesbat te behetic awu'un.

Jueces 20:26

Ha yu'un spisil te pueblo Israel bahtic ta Bet-el. Tey oq'uic soc huhcajic ta stojol Jehová, la scom swe'elic c'alal yihc'ubel q'uinal soc la ya'beyic Jehová scohtol chic'bil mahtaniletic soc mahtaniletic scuenta lamal q'uinal.

Levítico 16:31

Ha sc'ahc'alel cux-o'tan awu'unic soc te yac acom abahic ta spasel te bin scuenta abaq'uetal; ha mandaril te ma xlaj sc'oblal.

Isaías 35:8

Soc ay me muc'ul be tey a, ha Ch'ul Be ya xc'oht te sbihile. Ma ba ya xc'ax jtuhluc tey a te bohloben sc'oblal, ha nax te mach'atic st'unojic te behe, ma ba ya xbehenic tey a te mach'atic ma sna'ic q'uinal.

Salmos 8:2

Ta scuenta bin ya yalic te alaletic, te alaletic te ya to schu'unic, la apas ahnibal ts'ahc ta scaj te acontratac, scuenta yu'un ya xch'ab te jcontrahinwanej soc te mach'a ya spac sc'abal.

Esdras 8:31

Hahchotic bahel ta ti'muc'ul-ha' Ahava ta slahchayebal (12) c'ahc'al ta shachel u, bohotic ta Jerusalén. Ay ta jtojoltic te sc'ab te Dios cu'untic, la scoltayotic ta sc'ab te contratac soc te j'eleq'uetic ta be.

Números 14:31

Pero te awal-anich'anic te la awalic te ya x'ochic ta c'abal, ha ya quic' ochel, ya me sna'beyic sba te q'uinal te ma ba lec la awilic te ha'exe.

Números 14:3

¿Bin yu'un te la yic'otic tal te Jehová li' ta q'uinal ini yu'un ya yac'otic ta milel ta espada, soc te ya x'och ta c'abal te quihnamtic soc cal-jnich'nabtique? ¿Ma bal ha'uc lec ya suhtotic bahel ta Egipto? xchihic.

Jonás 3:7

Hich la spuc ta halel ta Nínive: Ta scuenta smandar te ajwalil soc te mach'atic muc' ya'telic: Ma me ayuc mach'a ya xwe', ants-winiquetic, chambahlametic, wacaxetic soc tuminchijetic, ma me x'a'bot swe'elic o ha' te ya yuch'ique.

2 Crónicas 20:4

Te mach'atic yu'un Judá la stsob sbahic ta sc'anel coltayel yu'un te Jehová; talic ta spisil pueblohetic yu'un Judá.

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Salmos 5:9

Mayuc smelelil te bin ya yalic; nojel ta mulil te yo'tanique; ha jamal muquenal te yehic; ay bahba-c'op ta yehic.

Salmos 137:1

Ta ti' muc'ul-ha'etic ta Babilonia, la juhcan jbahtic soc la jcoq'uetay jbahtic te c'alal la jna'tic te Sión.

Jeremías 42:3

C'ambeya te Jehová te Dios awu'un te yacuc yac' jna'cotic banti ya sc'an ya xbohotcotic soc bin ya sc'an ya jpascotic, xchihic.

Daniel 9:3

La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.