Esdras 8:18 - Bible in Tzeltal Bachajón

¹⁸ Te bin ut'il ay ta jtojoltic te sc'ab Dios, la yiq'uic tal te Serebías, jtuhl winic te ay sp'ijil yo'tan, te ha sts'umbal Mahli snich'an Leví, snich'an Israel, soc te snich'nab soc yermanotac te Serebías, waxaclajuntuhl (18);

Bible in Tzeltal de Oxchuc y Tenejapa

¹⁸ Wocol la yal te Diose, la yiq'uic tel te Serebías, ja' te winic te mero ya sna' at'el ta leque, te ja' sts'umbal te levita te Mahli sbiile, soc nix snich'nab soc yermanotac, waxaclajuneb ta spisilic.

Esdras 8:18 Referans Kwoze

Jeremías 3:15

Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Nehemías 2:8

soc carta yu'un Asaf, te jcanan-tohyem te'etic yu'un te ajwalil, scuenta yu'un ya ya'bon te' yu'un ya jpas xan te puertahetic yu'un te sts'ahcul te Templo, te sts'ahcul te pueblo soc te na banti ya xnahinon, xchihon. Te ajwalil la ya'bon te bin la jc'ambe, como ay ta jtojol te sc'ab te Dios cu'une.

Esdras 7:28

soc te la sc'uxultayon ta stojol te ajwalil, te j'ac'-o'taniletic yu'un soc spisil te príncipaletic te muc' ya'telic ta stojol te ajwalil. Hich la jta yip co'tan ta scuenta te la scanantayon te Dios cu'un, ha yu'un la jtsob te príncipaletic yu'un Israel scuenta yu'un ya sjoquinonic bahel ta Jerusalén.

Daniel 1:20

Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

Esdras 8:22

Como q'uexawon ta sc'ambeyel te ajwalil soldadohetic soc jmoheletic ta cawu te ya scoltayotic ta stojol te jcontratic ta be; como hich calbeyejtic te ajwalil: Te sc'ab te Dios cu'uncotic ay ta stojol spisil mach'atic ya slehic, pero te yu'el soc te yilimba ya scontrahin te mach'atic ya yihquitayic, xchihotcotic.

Esdras 7:6

hahch loq'uel ta Babilonia. Te Esdras p'ijuben ta lec yu'un te ley yu'un Moisés te a'bot yu'un Jehová te Dios yu'un Israel; soc ha a'bot yu'un te ajwalil spisil te bintic la sc'an, como te sc'ab te Jehová te Dios yu'un ay ta stojol te Esdras.

1 Crónicas 6:19

Te snich'nab Merari, ha te Mahli soc Musi. Ha'ic ini te sts'umbal Leví ta jujuchahp sna sme'static.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

Proverbios 24:3

Ta scuenta p'ijil-o'tanil ya yich' pasel te nahe, ya x'ipaj ta scuenta sna'beyel scuentahil;

Proverbios 3:6

Ta spisil te bintic yac apas, na'a me te Jehová, ha ya stojobtesbat te behetic awu'un.

Nehemías 12:24

Te príncipaletic yu'un te levitahetic: ha te Hasabías, Serabías, Jesúa snich'an Cadmiel soc te yermanotac sitinej sbahic soc, yu'un ya sc'ayojtaybeyic yutsilal soc yalbeyel wocol te Dios, chahpalchahp ya xc'axic, hich te bin ut'il yaloj David te winic yu'un Dios.

Nehemías 10:12

Zacur, Serebías, Sebanías,

Nehemías 8:7

Te levitahetic Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán soc Pelaía la ya'beyic sna' te pueblo bin ya yal te Ley; tey lamalic ta ya'iyel a te pueblohe.

Esdras 8:24

Parte la jcac' lahchaytuhl (12) príncipaletic yu'un te sacerdotehetic, ha te Serebías, Hasabías soc lajuntuhl yermanotac,

Esdras 8:16

Ha yu'un la jticonlan bahel te Eliezer, Ariel, Semaías, Elnatán, Jarib, Elnatán, Natán, Zacarías soc Mesulam, te príncipal winiquetic, soc te Joiarib soc Elnatán, te p'ijil winiquetic.

Números 3:20

Te snich'nab Merari ta jujuchahp sna: ha te Mahli soc Musi. Ha'ic te sts'umbal Leví ta scuenta jujuchahp sna te statique.

2 Crónicas 30:22

Te Ezequías la ya'be xan yip yo'tanic te levitahetic te la yaq'uic ta ilel te ay sp'ijil yo'tanic ta spasel te ya'tel te Jehová. Huqueb c'ahc'al la swe'ic te milbil mahtanil ac'bil yu'un te q'uin, la yaq'uic milbil mahtaniletic scuenta lamal q'uinal soc la yalbeyic wocol te Jehová te Dios yu'un te sme'statique.

Esdras 8:19

soc la yic'botic tal te Hasabías soc Jesaías, sts'umbal Merari, soc snich'nabic soc yermanotac, jtahb (20) ta tuhl.

1 Crónicas 6:1

Te snich'nab te Leví, ha te Gersón, Coat soc Merari.

1 Crónicas 6:4

Te Eleazar, ha snich'an te Finees; te Finees, ha snich'an te Abisúa;

Esdras 7:9

Ta sba c'ahc'alil yu'un te shahchibal u hahch loq'uel ta Babilonia, c'oht ta Jerusalén ta sba c'ahc'alil ta yo'ebal u, como ay ta stojol te sc'ab te Diose.