Esdras 7:25 - Bible in Tzeltal Bachajón

²⁵ Soc ha'at, Esdras, hich te bin ut'il te ay sp'ijil awo'tan te ya'beyejat te Dios awu'une, otsesa juecetic soc gobernadoretic te ya scuentahinic spisil te pueblo te ay ta jehch muc'ul-ha' Éufrates, ha spisilic te sna'ojic te leyetic yu'un te Dios awu'une. Te mach'atic ma sna'ic, a'beya snopic.

Bible in Tzeltal de Oxchuc y Tenejapa

²⁵ “Jichat uuc te ja'ate, Esdras, chican te bila sp'ijil awo'tan yac'ojbat te Dios awu'une, ac'beya yat'el juecetic soc jwentainwanejetic. Ac'a xchajbanic ta stojil ta spisilic te mach'atic ayic ta jpam q'uinal te ay ta stojol smalib c'aal yu'un te muc'ja' Eufrates, ja'ic ta spisilic te ya sna'ic te mandalil yu'un te Dios awu'une. Te mach'atic ma sna'ique, ac'beya snopic.

Esdras 7:25 Referans Kwoze

Esdras 7:10

Como te Esdras yac'oj yo'tan ta snopel te mandariletic yu'un Jehová soc ta spasel, soc ta yaq'uel ta nopel ta Israel te chahpambil mandariletic soc te bintic yaloj ta mandar te Diose.

Deuteronomio 16:18

Ta spisil te pueblohetic ya ya'bat te Jehová te Dios awu'un a'beya yich' ya'tel juecetic soc jcuentahinwanejetic scuenta chahpalchahp ats'umbal, te stojil ya schahpanic te pueblo.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Malaquías 2:7

Como te ye te sacerdotehetic ya sc'an ya scanantay te p'ijil-o'tanil, soc tey ya sle a te Ley te pueblohe; como te sacerdote ha jal-c'op yu'un Jehová te scuentahinej spisil.

Salmos 19:7

Mero lec te ley yu'un Jehová, ya x'ach'ub cuxlejalil yu'un. Te testigo-c'op yu'un Jehová ha smelelil: ya ya'be sp'ijil te mach'a mayuc bin ya sna'.

San Marcos 6:34

C'alal loc' ta barco te Jesús la yil tsobol mach'atic tey ayic a; la sna'be yo'bolil sbahic, como hich c'ohemic te bin ut'il tuminchijetic te mayuc jcanan yu'unique; hich bayel bin hahch ya'be snopic.

San Mateo 13:52

Ha yu'un spisil escribano te snopbeyej sc'oblal te cuentahinel yu'un te ch'ulchan hich c'ohem te bin ut'il jtuhl yajwal na te ya stsa loq'uel tal ta yawil te bin yach'il soc te bin poco'ix, xchi te Jesús.

Proverbios 6:23

Como ha tsumbil c'ahc' te mandariletic, ha sacal q'uinal te jnohptesel, soc ha sbehlal cuxlejal te tojobteseletic,

Proverbios 2:6

Como Jehová ya yac' te p'ijil-o'tanil, soc ya xloc' tal ta ye te p'ijil-o'tanil soc te bin ay ta na'el.

Nehemías 9:3

Tey nix tec'ajtic a, oxeb ora la yich' ilel te libro yu'un te ley yu'un Jehová te Dios yu'unic, soc oxeb ora la yalic ta jamal te smulic soc la sch'uhuntayic te Jehová te Dios yu'unique.

Esdras 7:14

Como te ajwalil soc te huctuhl j'ac'-o'tanil yu'un ya sticonat bahel ta Judá soc ta Jerusalén ta stsahtayel bin yilel, ha chican bin ya yal te ley yu'un te Dios awu'un te ay ta ac'ab;

Esdras 6:6

Ha yu'un, Tatnai, gobernador ta jehch muc'ul-ha', soc Setar-boznai soc amohloltac ta gobernadoril te ayex ta jehch muc'ul-ha', loc'anic bahel tey a.

1 Crónicas 23:4

Ay oxpic (24,000) te la scuentahin te a'tel ta sna Jehová, ho'lajunbahc' (6,000) gobernadoretic soc juecetic,

1 Crónicas 22:12

Te Jehová ac'a ya'bat snopojibal soc sna'ojibal awu'un, scuenta yu'un te c'alal ya x'ochat ta ajwalil ta Israel yac ach'uhun te mandariletic yu'un Jehová te Dios awu'une.

1 Reyes 3:28

Spisil Israel la ya'iy bin ut'il la schahpan te c'op te ajwalil. La yich'ic ta muc' te ajwalil como la yilic te ay sp'ijil Dios ta yo'tan ta chahpanwanej.

Colosenses 1:28

Ha yu'un ya calbecotic sc'oblal te Cristo; ta scuenta spisil p'ijil-o'tanil ya jtsitsbecotic soc ya jnohptescotic spisil ants-winiquetic, scuenta yu'un spisilic ay yipic a ya cac'cotic stehc'an sbahic ta stojol Cristo.

Génesis 41:38

Ha yu'un te faraón la yalbe te a'batetic yu'un: ¿Banti c'an jtatic te mach'a hich yo'tan te bin ut'il te winic ini, te yich'oj te espíritu yu'un te Diose? xchi.

Génesis 41:39

Te faraón la yalbe te José: Te bin ut'il Dios la ya'bat ana' spisil ini, mayuc mach'a hich ya sna' soc te hich ay sp'ijil yo'tan te bin ut'il te ha'ate.

2 Reyes 17:27

Ha yu'un te ajwalil yu'un Asiria hich la yal ta mandar: Ticonahic bahel jtuhluc sacerdote te tey nix la aloq'ues tal ta chuquel, ac'a nahinuc tey a soc ac'a yac' ta nopel te ley yu'un te Dios yu'un te q'uinale, xchi.

Esdras 10:4

Hahchan, como ha'at ay ta acuenta spasel, te ho'otcotic ya jcoltayatcotic. ¡Ac'a fuersa, pasa te a'tele! xchi.