Esdras 7:16 - Bible in Tzeltal Bachajón

¹⁶ soc yu'un yac awich' bahel spisil te plata soc oro te ya xhu' yac atsob ta spisil te sq'uinal Babilonia, soc te mahtaniletic te ta sc'anojel yo'tanic ya yaq'uic te pueblo soc te sacerdotehetic yu'un te sna te Dios awu'un te ay ta Jerusalén.

Bible in Tzeltal de Oxchuc y Tenejapa

¹⁶ soc ta spisil te plata soc oro te ya xju' ya ata ta spisil ta sq'uinal Babilonia, soc xan te staq'uinic te spasemal yo'tanic ya yaq'uic yu'un te templo yu'un Dios ta Jerusalén te yantic judioetic, soc te sacerdoteetique.

Esdras 7:16 Referans Kwoze

1 Crónicas 29:6

Ha yu'un te jtsobawetic yu'un te jujuchahp na, te príncipaletic yu'un te chahpalchahp sts'umbal Israel, te jtsobawetic yu'un jujumil (1,000) soc ta ho'ho'winic (100) soldadohetic, soc te mach'atic scuentahinejic te q'uinal yu'un te ajwalil, la yaq'uic mahtanil ta sc'anojel yo'tanic.

Esdras 1:6

Spisil te spat-xuhquic la scoltayic ta plata, oro soc spisil biluc, chambahlametic soc biluquetic te t'ujbilic te bayel stojol, soc yantic mahtaniletic te la yaq'uic scuenta sc'anojel yo'tanic.

Esdras 1:4

Soc spisil te mach'atic hilemic, bayuc lugaril te nahinemic, ac'a scoltayic ta oro, biluquetic, chambahlametic, soc mahtaniletic scuenta sc'anojel yo'tanic yu'un te sna Dios te ay ta Jerusalén, xchi.

1 Crónicas 29:9

Tse'el yo'tanic te pueblo yu'un te la yaq'uic bayel mahtaniletic ta sc'anojel yo'tanic, como ta spisil yo'tanic la ya'beyic te Jehová; soc mero tse'el yo'tan te ajwalil David yu'un.

2 Corintios 9:7

Jujutuhl ac'a yac' ha chican te hich yipal snopoj ta yo'tan te ya yaq'ue, ma ta scuentahuc mel-o'tan o ta sujel, como c'ux ta o'tanil yu'un Dios te mach'a tse'el yo'tan ya yaq'ue.

2 Corintios 8:12

Como teme nahil ay sc'anojel awo'tanic te yac awaq'uic te mahtanil, ay ta cuenta te bin ay awu'unic, ma ha'uc te bin mayuc awu'unique.

1 Crónicas 29:17

Ya jna', Dios cu'un, te yac ana'ticlan o'taniletic soc te yac amulan te bin stojil. Ha scuentahil te ta scuenta stojil co'tan soc ta sc'anojel co'tan la jca'bat spisil ini, soc yo'tic tse'el co'tan la jquilix te pueblo awu'un te stsoboj sbahic ta ora ini, te la ya'bat soc yutsil yo'tanic.

2 Crónicas 6:2

Pero la jpasbatix ana, te banti ya xnahinat scuenta sbahtel q'uinal, xchi.

2 Crónicas 6:5

Ha to te bin ora la jloq'ues tal ta Egipto te pueblo cu'un, mayuc yan pueblo ta yohlil spisil ta chahp yu'un Israel te banti jtsahoj yu'un ya yich' pasel Na banti ya x'ayin te jbihile, soc mayuc yan winic te jtsahoj te ha príncipal ya xc'oht yu'un Israel te pueblo cu'un;

2 Crónicas 6:6

ha jtsahoj te Jerusalén scuenta yu'un tey ya x'ayin a te jbihil, soc jtsahoj te David yu'un ya scuentahin te pueblo Israel cu'un, xchi te Jehová.

2 Crónicas 31:14

Te levita Coré snich'an Imna, te jcanan-ti'nahil ta stojol banti ya xloc' tal c'ahc'al, scuentahinej te mahtaniletic yac'ojic ta sc'anojel yo'tanic ta stojol Dios, soc scuentahinej spuquel te mahtaniletic ac'bilic ta stojol Jehová soc te bintic ch'ultesbilique.

Salmos 135:21

C'alal Sión ac'a yich' halbeyel yutsil sc'oblal te Jehová, te mach'a nahinem ta Jerusalén. ¡Aleluya!