Esdras 7:13 - Bible in Tzeltal Bachajón

¹³ Hich la jcalix ta mandar: Spisil te mach'atic ayic ta cuentahinel cu'un te ha yu'un te pueblo Israel, soc te sacerdotehetic soc levitahetic yu'unic, te ya sc'anic ya sjoquinat bahel ta Jerusalén, ac'a bahtuc.

Bible in Tzeltal de Oxchuc y Tenejapa

¹³ “La calix mandal te spisil israeletic te ayic ta q'uinal te banti c'alal jwentainej te jo'on muc' ajwalilone, teme ya sc'anic ya sjoinat bael ta Jerusalén, ya xju' ya xbajt'ic, soc nix teme sacerdote o levita.

Esdras 7:13 Referans Kwoze

Esdras 6:1

Ha yu'un te ajwalil Darío la yal mandar ta lehel ta sq'uejojibal hunetic te banti ya yich' q'uejel te c'ulejalil tey ta Babilonia.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Filipenses 2:13

como ha nix te Dios te ya x'a'tej ta awo'tanic, te ya yac' te yac ac'anic soc te yac apasic te bin lec ya sc'an yo'tan stuquel.

Salmos 148:6

Ha la yac'ticlan ta yawilic scuenta sbahtel q'uinal; la yac'ticlambe mandar te ma ba ya yich' c'axuntayel.

Salmos 110:3

Te pueblo awu'un jun yo'tan ya yac' sba ta acuenta te bin c'ahc'alil yac awa'iy cuentahinwanej, ta scuenta ch'ultesel te ha t'ujbil. C'alal ta shahchibal te sacubel q'uinal yac awich' te sts'ujulel te aqueremil.

Ester 9:14

Te ajwalil la yal mandar te hich ya yich' pasele. La yich' halel ta mandar ta Susa, hich la sjihpambeyic sbaq'uetalic te lajuntuhl snich'nab Amán.

Ester 3:15

Te mach'atic yich'ojic te cartahetic loq'uic bahel ta scuenta smandar te ajwalil, soc la yich' aq'uel te mandaril ta Susa banti nahinem te ajwalil. Te ajwalil soc te Amán hucajtic ta uch'bajel, pero ta Susa ma ba la sna'ic bin ya spasic.

Esdras 5:13

Pero ta shahchel ha'bil ya'tel ta ajwalil te Ciro ajwalil yu'un Babilonia, ha nix la yal mandar te ya yich' cha'pasel xan te sna Dios.

Esdras 1:3

Mach'ayuc a ta awohlilic te ha pueblohex yu'un, Dios ac'a joquinotuc yu'un, mohan bahel ta Jerusalén te ay ta Judá, pasa te sna Jehová te Dios yu'un Israel, ha te Dios te ay ta Jerusalén.

2 Crónicas 30:5

Soc la snopic te ya yich' puhquel ta halel ta spisil Israel, c'alal Beerseba ha to ta Dan, te yacuc xtalic ta Jerusalén ta spasel te Q'uin Pascua yu'un Jehová te Dios yu'un Israel; como bayelix ha'bil te ma ba la yich' pasel te q'uin hich te bin ut'il ts'ihbabil hilel.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.