Esdras 6:16 - Bible in Tzeltal Bachajón

¹⁶ Te snich'nab Israel, te sacerdotehetic, levitahetic soc te mach'atic suhtemiquix tal ta chuquel, mero tse'el yo'tanic la spasic q'uin yu'un yaq'uel ta stojol Dios te Templo.

Bible in Tzeltal de Oxchuc y Tenejapa

¹⁶ Te israeletic, te sacerdoteetic yu'unic soc te levitaetic yu'unic, soc te yantic sujt'emiquix te la yich'ic loq'uesel ta slumalique, bin nax yo'tanic la spasic q'uin yu'un te la yaq'uic ta sc'ab Dios te temploe.

Esdras 6:16 Referans Kwoze

2 Crónicas 7:5

Te ajwalil Salomón la ya'be cha'pic soc ho'lajunbahc' (22,000) torohetic, soc ho'lajunpic (120,000) tuminchijetic. Hich te ajwalil soc spisil te pueblo la yaq'uic ta stojol Dios te Templo.

1 Reyes 8:63

Te Salomón la yac' milbil mahtaniletic scuenta lamal q'uinal ta stojol Jehová cha'pic soc ho'lajunbahc' (22,000) ta coht torohetic soc ho'lajunpic (120,000) ta coht tuminchijetic. Hich te ajwalil soc spisil te snich'nab Israel la yaq'uic ta stojol Dios te na yu'un Jehová.

Filipenses 4:4

Spisiluc me ora tse'eluc awo'tanic ta stojol te Cajwaltique. Ya jcha'halbeyex xan: ¡Tse'eluc me awo'tanic!

San Juan 10:22

Ha yorahil te q'uin yu'un yaq'uel ta stojol Dios te Templo ta Jerusalén. Yorahil sic a,

Salmos 122:1

Tse'el co'tan yu'un te mach'atic hich la yalbonic: Conic ta sna te Jehová, te xchihique.

Esdras 6:22

Huqueb c'ahc'al mero tse'el yo'tanic la spasic te Q'uin yu'un Pan te ma ba yich'oj levadura, como te Jehová la yac'ticlambe tse'el yo'tanic, soc la ya'beyix lecub yo'tan ta stojol te ajwalil yu'un Asiria yu'un ya scoltay ta a'tel ta scha'pasel te sna Dios, ha te Dios yu'un Israel.

Nehemías 7:73

Te sacerdotehetic, levitahetic, jcanan-ti'nahiletic, jc'ayojetic, te mach'atic yu'un te pueblo, te a'batetic yu'un te Templo soc spisil Israel nahinic ta jujuntic pueblo yu'unic. Ta shuquebal u, te snich'nab Israel ayiquix ta pueblohetic yu'unic.

Esdras 4:1

Te c'alal la ya'iyic te scontratac te Judá soc Benjamín te yaquic ta scha'pasel te templo yu'un Jehová Dios yu'un Israel te mach'atic suhtemiquix tal ta chuquel,

2 Crónicas 30:26

Ay bayel yutsil yo'tanic ta Jerusalén, como ha to c'alal ta yorahil Salomón snich'an David, ajwalil yu'un Israel, mayuc hich c'ohem ta pasel ta Jerusalén.

2 Crónicas 30:23

Spisil te pueblo la snopic te ya spasic q'uin huqueb xan c'ahc'al; hich tse'el yo'tanic la spasic q'uin huqueb xan c'ahc'al.

1 Crónicas 15:28

Hich spisil Israel la yich'ic tal te scaxahul te chapbil-c'op yu'un Jehová soc yutsil yo'tanic soc ta sc'op xulubil, corneta, platillo, soc sc'op salterio soc arpa.

1 Crónicas 9:2

Te mach'atic nahil suhtic tal ta nahinel ta sq'uinal ta pueblohetic yu'unic, ha israeletic, sacerdotehetic, levitahetic, soc a'batetic ta templo.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Nehemías 12:43

Ta hich ora la yaq'uic bayel milbil mahtaniletic, mero tse'el yo'tanic yu'un, como Dios ya'beyej bayel yutsil yo'tanic. Ha nix hich tse'el yo'tanic te antsetic soc te alaletic. Namal chican ta a'iyel xjuyetic ta Jerusalén.

Nehemías 8:10

Patil la yalbeyic: Bahanic, we'anic lequil we'elil, uch'anic chi'il vino soc ticombeya swe'el te mach'atic mayuc bin chahpambil yu'unic; como ha ch'ul c'ahc'al yu'un te Cajwaltique. Ma me xamel awo'tanic, como ha awipic te stse'elil yo'tan te Jehová, xchi.

1 Reyes 8:62

Hich te ajwalil soc spisil Israel la yaq'uic milbil mahtaniletic ta stojol Jehová.

Daniel 5:13

Ha yu'un la yiq'uic tal ta stojol ajwalil te Daniel. Hich halbot yu'un te ajwalil: ¿Ha'at bal te Daniel te ic'otat loq'uel tal ta Judea yu'un te jtate?

2 Crónicas 29:30

Te ajwalil Ezequías soc te príncipaletic la yalbeyic te levitahetic te yacuc yalbeyic yutsil sc'oblal Jehová ta c'opetic yu'un David soc te jalwanej Asaf. Bayel yutsil yo'tanic c'ayojinic, la snijan sbahic ta sch'uhuntayel.

Nehemías 12:27

Scuenta yu'un ya yich' aq'uel ta stojol Dios te sts'ahcul Jerusalén, la slehic te levitahetic ta spisil lugaretic banti nahinemic, la yiq'uic tal ta Jerusalén scuenta yu'un ya spasic te q'uin yu'un yaq'uel ta stojol Dios te ts'ahc ta scuenta yalbeyel yutsilal soc c'ayojetic, platillo, arpa soc lirahetic.