Esdras 5:7 - Bible in Tzeltal Bachajón

⁷ La sticombe carta te hich ts'ihbabil tey a: Ajwalil Darío, lamaluc me q'uinal ta atojol.

Bible in Tzeltal de Oxchuc y Tenejapa

^7-8 jich ya yal: “Muc' ajwalil Darío, ya jpatic awo'tan te bit'il muc' ajwalilat cu'untique, lamaluc me q'uinal ta atojol. Ya caltic ta atojol te c'o quiltiquix te sq'uinal Judá soc te templo yu'un te mero muc' Diose, te yacalic ta xcha'pasel xan ta niwac walubil tonetic. Yo'tic moemix ste'el, mero sujoj sbaic ta at'el, te yat'elique mero ora yac ta ju'el.

Esdras 5:7 Referans Kwoze

2 Tesalonicenses 3:16

Te Cajwaltic yu'un lamal q'uinal ac'a ya'beyex ta spisil ora te lamal q'uinale. Ac'a sjoquinex apisilic te Cajwaltique.

San Juan 14:27

Ya ca'beyex hilel lamal q'uinal; ya ca'beyex te lamal q'uinal cu'un; ma hichuc ya ca'beyex te bin ut'il ya yaq'uic te mach'atic ayic ta bahlumilal. Ma me xamel awo'tanic soc ma me xiwex.

Daniel 6:21

La sjac' te Daniel: ¡Sbahteluc q'uinal cuxulat, ajwalil!

Daniel 4:1

Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Daniel 3:9

Hich la yalbeyic te ajwalil Nabucodonosor: ¡Sbahteluc q'uinal cuxulat, ajwalil!

Esdras 4:17

Te ajwalil hich la sticombe bahel suhtib: Ya jpatbeyex awo'tanic soc lamaluc me q'uinal yac awa'iyic, gobernador Rehum, secretario Simsai soc te yantic amohloltac te nahinemic ta Samaria, soc te yantic te ayic ta jehch muc'ul-ha'.

Esdras 5:6

Hich ay te carta te la sticombeyic te ajwalil Darío te Tatnai gobernador yu'un te q'uinal ay ta jehch muc'ul-ha', soc te Setar-boznai soc te smohloltac ta gobernadoril te ayic ta jehch muc'ul-ha'.

Esdras 5:8

Ac'a sna' te ajwalil te bohotcotic ta sq'uinal Judá, ta sna te muc'ul Dios, te ya yich' pasel ta muc'ul tonetic. Yaquix ta ochel te ste'el te spahc'ule; sujoj sbahic ta a'tel, ora nax ta hu'el te a'tele.