Esdras 5:16 - Bible in Tzeltal Bachajón

¹⁶ Ha yu'un tal te Sesbasar, la yotsesbe te yich'o-ip te sna Dios te ay ta Jerusalén. Ta hich ora soc c'alal ora ini yac ta pasel, pero ma to ba hu'em, xchihic.

Bible in Tzeltal de Oxchuc y Tenejapa

¹⁶ Ja' yu'un, te c'alal c'ot te Sesbasar, la yac'bey jajch'el te xjajch'ibal yiptajib te templo yu'un Dios ta Jerusalene. Jich ora jajch' ta cha'pasel xan, pero ma to ba ju'em ta pasel.

Esdras 5:16 Referans Kwoze

Esdras 6:15

Te Templo hu' ta pasel ta yoxebal c'ahc'al ta u Adar, ta swaquebal ha'bil yochel ta ajwalil a te Darío ajwalil yu'un Persia.

Esdras 3:10

Te c'alal hahch yotsesic te yich'o-ip te templo yu'un Jehová te albañiletic, tal stehc'an sbahic te sacerdotehetic, slapojic c'u'ul scuenta sacerdotehil soc yich'ojic cornetahetic a, soc te levitahetic te sts'umbal Asaf, yich'ojic platillohetic scuenta sc'ayojtaybeyel yutsilal te Jehová, hich te bin ut'il la yal mandar te David ajwalil yu'un Israel.

Esdras 3:8

Ta schebal u ta schebal ha'bil shulelic ta Jerusalén a, te Zorobabel snich'an Salatiel, Jesúa snich'an Josadac, soc te yantic yermanotac, ha te sacerdotehetic, levitahetic soc spisil te mach'atic bahemic ta chuquel te ayiquix ta Jerusalén, hahchic ta a'tel; la ya'beyic ya'tel te levitahetic te c'axemix jtahb (20) ya'bilal te ya scuentahinic te a'tel ta sna Jehová.

Zacarías 4:10

Te mach'atic la sp'ajic te sc'ahc'alel te tut shahchibal te ya'tele, tse'el me yo'tanic yu'un c'alal ya yilic te plomo ta sc'ab te Zorobabel. (Te huqueb sit ini, ha sit te Jehová te ya yil spisil te q'uinale.)

Hageo 2:18

Ha yu'un yo'tic soc ta patil bahel, c'alal ta chaneb scha'winic (24) c'ahc'al ta swaxaquebal u, nopa ta awo'tanic te bin ora la yich' pasel te yich'o-ip te templo yu'un Jehová. Nopa ta awo'tanic:

Esdras 5:2

Ha yu'un te Zorobabel snich'an Salatiel, soc Jesúa snich'an Josadac, hahchic ta scha'pasel xan te sna Dios te ay ta Jerusalén; soc joquimbilic yu'un te jalwanejetic yu'un Dios te coltayotic yu'unique.

San Juan 2:20

La yalic te judíohetic: Waqueb yoxwinic (46) ha'bil a hu' ha'i Templo ini, ¿ha'at bal c'an hu'uc awu'un spasel xan ta oxeb nax c'ahc'al? xchihic.

Esdras 5:14

Soc te biluquetic pasticlambil ta oro soc ta plata ta sna Dios, te Nabucodonosor la sloq'ues ta Templo te ay ta Jerusalén, la yich' bahel ta templo ta Babilonia. Te ajwalil Ciro la sloq'ues ta templo ta Babilonia, la ya'be ta sc'ab te Sesbasar, te mach'a otsesot ta gobernador yu'un.

Esdras 5:15

Hich la yalbe: Ich'a bahel ta Templo te ay ta Jerusalén te biluquetic ini, soc ac'a yich' cha'pasel te na yu'un Dios ta yawil, xchi.

Zacarías 4:9

Te sc'ab Zorobabel ya yotses te yich'o-ip te Na ini, soc ha nix te sc'ab te ya shu'tes. Hich yac ana'ic a te ticombilon yu'un te Jehová te scuentahinej spisil.