Esdras 5:12 - Bible in Tzeltal Bachajón

¹² Pero ta patil te jme'jtatcotic la yaq'uic ilinuc te Dios yu'un te ch'ulchan, ha la ya'be ta sc'ab Nabucodonosor ajwalil yu'un Babilonia, te caldeo-winic, te ha la sjin te Templo ini soc la yic'ticlan bahel ta chuquel te pueblo ta Babilonia.

Bible in Tzeltal de Oxchuc y Tenejapa

¹² Soc la yalix xan te ja' te antiguo sme'-static te la yaq'uic ilinuc yo'tan te Dios yu'un te ch'ulchane, soc te ja' ac'otic ta sc'ab Nabucodonosor muc' ajwalil yu'un Babilonia te caldeo-winic, soc te ja' la sjin te templo. Jich ora loq'uesotic bael ta slumalic, bajt'ic ta Babilonia.

Esdras 5:12 Referans Kwoze

Daniel 9:5

La jta jmulcotic, la jpascotic te bintic chopol, la jpascotic te bin ma lecuc, la jtoy jbahcotic soc la jquihquitaycotic hilel te mandariletic awu'un soc te bin awaloj ta mandar.

2 Reyes 24:2

Te Jehová la sticon bahel ta scontrahinel te Joacim te caldeohetic, siriahetic, moabetic soc amonetic. La sticonlan ta scontrahinel Judá yu'un ya slajinic, hich te bin ut'il yaloj te Jehová ta scuenta te jalwanejetic te a'batetic yu'une.

Jeremías 5:29

¿Ma bal yacuc ca'be castigo yu'un? xchi te Jehová. ¿Ma bal yacuc ca'be spacol te nación te hich yilel stalel?

Salmos 106:40

Ha yu'un tihl yilimba te Jehová ta stojol te pueblo yu'un, la sp'aj te bin ay yu'une;

2 Reyes 25:1

Ta baluneb ha'bil yochel ta ajwalil a te Sedequías, ta slajunebal c'ahc'al ta slajunebal u, te Nabucodonosor ajwalil yu'un Babilonia tal soc te soldadohetic yu'un ta ya'beyel guerra te Jerusalén. La sjoytay soc la spas smohibic ta sjoyobal te sts'ahcule.

Jueces 6:1

Te snich'nab Israel la spasic te bin chopol ta stojol Jehová. Ha yu'un te Jehová la ya'be ta sc'ab Madián huqueb ha'bil.

Jueces 4:2

Ha yu'un te Jehová la ya'be ta sc'ab Jabín ajwalil yu'un Canaán te la ya'iy cuentahinwanej ta Hazor. Te jtsobaw yu'un te soldadohetic yu'un, Sísara sbihil, nahinem ta Haroset-goim.

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Deuteronomio 32:30

¿Bin ut'il ya xhu' te jtuhl nax ya snuts bahel jmil ta tuhl, soc te cha'tuhl nax ya yac' ahnuc lajunmil, te manchuc chonotic yu'un te Muc'ul Ton, soc te ihquitayotic yu'un te Jehová?

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Jeremías 52:12

Ta slajunebal c'ahc'al yu'un te yo'ebal u ta sbalunlajunebal (19) ha'bil yochel ta ajwalil a te Nabucodonosor ajwalil yu'un Babilonia, tal ta Jerusalén te Nabuzaradán, capitán yu'un te soldadohetic te ya scanantayic ajwalil, soc ha a'bat yu'un te ajwalil yu'un Babilonia.

2 Crónicas 36:20

Te mach'atic colic ta espada ic'otic bahel ta chuquel ta Babilonia, ochic ta mosohil yu'un soc yu'un te yal-snich'nab, ha to c'alal tal te ajwalil yu'un te persiahetique;

Isaías 47:6

Ilinon ta stojol te pueblo cu'un, la jbohlobtesbe sc'oblal te bintic ay cu'un, la jcac' ochuc ta ac'ab, ma ba la ana'be yo'bolil sbahic; la awa'be ta stojol mamaletic te yugo awu'un te mero al.

Jeremías 51:59

Ha te c'op te ticombil yu'un te jalwanej Jeremías ta stojol te Seraías snich'an Nerías, snich'an Maasías, te c'alal la sjoquin bahel ta Babilonia te Sedequías, ajwalil yu'un Judá, ta schanebal ha'bil yochel ta ajwalil a. Te Seraías ha jtsobaw ta behel.