Esdras 5:11 - Bible in Tzeltal Bachajón

¹¹ Pero hich la suhtic te jc'opcotic: Ho'otcotic, a'batotcotic yu'un te Dios yu'un te ch'ulchan soc bahlumilal, soc yac jcha'pasbelcotic te Templo te ayix bayel ha'bil la yich' pasel, te hu' yu'un spasel jtuhl ajwalil yu'un Israel.

Bible in Tzeltal de Oxchuc y Tenejapa

¹¹ Ja'uc me to la yalbotic te ja' xch'uunejic te Dios yu'un ch'ulchan balumilale, soc yacalic ta xcha'pasel xan te templo ayix bayal ja'wil te mero ju'em ta pasel yu'un te jtul mero muc' ajwalil yu'un te Israele.

Esdras 5:11 Referans Kwoze

Gálatas 6:14

Pero ma jaymehluc te ay bin ya cal yutsil jc'oblal yu'une, ha nax ya calbe yutsil sc'oblal te cruz yu'un te Cajwaltic Jesucristo, te ha ta scuenta te laj sc'oblal ta co'tan te bahlumilal soc te ha nix hichon lajon ta stojol te bahlumilale.

Romanos 6:16

¿Ma bal ana'ojic teme yac awac' abahic ta mosohil yu'un yan scuenta yu'un yac ach'uhumbeyic smandar, te ha smosohex te mach'a yac ach'uhumbe smandar, teme ha te mulil te ya yac' lajel o teme sch'uhunel mandar te ya yac' te toj ya x'ilot yu'un Dios?

Romanos 1:16

Ma xq'uexawon yu'un te lec yach'il c'op, como ha yu'el Dios yu'un ya xcolic spisil mach'atic ya sch'uhunic, ha nahil te judío soc ha nix hich te griego,

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

San Lucas 12:8

Ya calbeyex te spisil mach'a jamal ya yal ta stojol ants-winiquetic te ya sna'bon jba, ha nix hich te Nich'anil ay ta scuenta winic jamal me ya yal ta stojol te ch'ul a'batetic yu'un Dios te ya sna'be sba ec.

San Mateo 10:32

Mach'ayuc a te ya yal ta stojol ants-winiquetic te ya sna'bon jba, ha nix hichon ya cal ta stojol te Jtat ay ta ch'ulchan te ya jna'be sbahe.

Jonás 1:9

La sjac' te Jonás: Te ho'one hebreohon, quich'oj ta muc' te Jehová te Dios ta ch'ulchan, te la spas te mar soc te lumq'uinal, xchi.

Daniel 3:26

Hich te Nabucodonosor nopoj bahel ta sti'il te horno banti yac ta tihlel c'ahc', hich la yawtay: Sadrac, Mesac, Abed-nego, a'batex yu'un te Dios te mero toyol ay, la'ic, loc'anic talel, xchi. Hich te Sadrac, Mesac soc Abed-nego loq'uic talel ta yohlil te c'ahc'.

Salmos 119:46

Ya me cal ta stojol ajwaliletic te testigo-c'op awu'un, ma ba ya xq'uexawon yu'un;

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

1 Reyes 6:38

Ta sbuluchebal (11) ha'bil, ta u Bul, ha te swaxaquebal u, hu' ta pasel te Na soc bintic ay tey a, hich te bin ut'il chapal ta pasel. Huqueb ha'bil la spas te templo.

Esdras 5:10

Soc la joc'obecotic sbihilic scuenta yu'un hich ya xhu' ya ca'batcotic ana' ta hun te sbihil te winiquetic te jucbilic yu'un.

Salmos 136:26

¡Halbeyahic wocol te Dios yu'un te ch'ulchan, como sbahtel q'uinal ay te sc'uxul yo'tane!

Génesis 24:3

ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

1 Reyes 9:10

C'alal ts'acay jtahb (20) ha'bil hu'ix ta pasel yu'un a te Salomón schebal te nahetic, ha te sna Jehová soc te sna ajwalil,