Esdras 4:12 - Bible in Tzeltal Bachajón

¹² Ac'a sna te ajwalil te bin ut'il te judiohetic te loq'uic tal te atojol, te hulic tal ta jtojolcotic, c'ohtic ta Jerusalén soc yac scha'pasbelic xan te pueblo te stoyoj sba soc te chopole. Yac shachbelic te ts'ahquetic soc yac scha'pasbelic te yich'o-ip.

Bible in Tzeltal de Oxchuc y Tenejapa

¹² “Ya caltic ta atojol te ja'at te muc' ajwalilate: Yu'un te judioetic jajch'ic tel ta atojol te julic tel ta jtojoltique, c'otic ta Jerusalén. Yacalic ta xcha'pasel xan te lum, mero bayal stoybail soc mero amen. La sjachic spasel xan te xjajch'ibal yiptajib soc te sjoyob ts'ajc'ule.

Esdras 4:12 Referans Kwoze

Esdras 5:9

Ha yu'un hich la joc'obecotic te mamaletic: ¿Mach'a la spasex ta mandar te yac acha'pasic xan te Templo ini soc te sts'ahcule? xchihotcotic.

Esdras 5:3

Ta hich ora te Tatnai gobernador yu'un te q'uinal ay ta jehch muc'ul-ha', soc te Setar-boznai soc te smohloltac hich la yalbeyic: ¿Mach'a la spasex ta mandar te yac acha'pasic xan te templo ini soc te sts'ahcule? xchihic.

2 Crónicas 36:13

Ha nix hich la stoy sba ta scontrahinel Nabucodonosor, te la yal ta jamal ta stojol Dios te junuc me yo'tan ta stojol. Tulanij yo'tan, ma ba la sc'an la suhtes yo'tan ta stojol Jehová te Dios yu'un Israel.

1 Tesalonicenses 5:22

Coma abahic yu'un spisil bintic chopol.

Hechos 24:5

La jtahcotic te winic ini te ya yac' wocol soc bayel ya shach c'op ta stojol spisil judíohetic ta swohlol bahlumilal, soc ha jolal yu'un te jchahp nazarenohetic.

San Lucas 13:34

¡Jerusalén, Jerusalén, te yac amil te jalwanejetic soc te yac ach'oj ta ton te mach'atic ticombilic ta atojole! ¡Bayel buelta hich ya c'an jtsob te awal-anich'nab te bin ut'il ya stsob yalatac ta ye'tal xic' te me'mut, pero ma ba la ac'an!

Daniel 9:25

Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Jeremías 52:3

Ta scaj te yilimba Jehová ta stojol Jerusalén soc Judá la sloq'ueslan ta stojol. Te Sedequías la stoy sba ta scontrahinel te ajwalil ta Babilonia.

Nehemías 1:3

Hich la yalbonic: Te mach'atic te hilemic, te colemic tal ta chuquel, te ayic ta sq'uinal Judea, ay swocolic soc ayic ta q'uexlal. Te sts'ahcul te Jerusalén jihnem, lajem ta c'ahc' te puertahetic yu'une, xchihic.

Esdras 4:19

La jcal mandar te ya yich' lehel ta antiguo hunetic, la yich' tahel te ta namey tal la stoy sba soc la shach c'op ta stojol ajwaliletic te pueblo ini.

Esdras 4:15

scuenta yu'un ya yich' lehel ta libro yu'un sna'ojibal te ame'atatique. Tey ta libro yu'un te sna'ojibal ya me ata te ha stoyoj sba te pueblo, te ya yuts'in te ajwaliletic soc te yantic jsehp q'uinaletic, soc ta namey tal tey hahchem a te toybahile. Ha scuentahil te la yich' jinel yu'un.

2 Reyes 24:1

Te c'alal ay ta ajwalil a te Joacim, te Nabucodonosor ajwalil yu'un Babilonia tal yochintay te q'uinale. Te Joacim ha a'bat c'oht yu'un oxeb ha'bil, patil la stoy sba ta scontrahinel.

2 Reyes 18:20

Hich yac awal (pero tojol bin yac awal): Ay bin jnopoj soc ay quip yu'un guerra, xchihat. Pero ¿bin smuc'ulinej awo'tan te atoyoj aba ta jtojol a?

Esdras 4:11

Hich ya yal te carta te la sticonic bahel: Ajwalil Artajerjes, ya spatbat awo'tan te a'batetic awu'un ta jehch muc'ul-ha'.

Ester 3:8

Te Amán hich la yalbe te ajwalil Asuero: Ay jun pueblo te puhquemic ta yohlil te pueblohetic ta spisil ta jujusehp q'uinal te ban c'alal acuentahinej, te leyetic yu'unic ma pajaluc soc te leyetic yu'un te yantic pueblohetic, soc ma ba ya sch'uhunic spasel te leyetic yu'un te ajwalil. Mayuc bin ya xtuhun yu'un te ajwalil teme cuxul ya xhilic.

Daniel 3:8

Ta hich ora ay caldeo-winiquetic te tal slehbeyic smul te judiohetique.

Nehemías 6:6

te hich ts'ihbabil tey a: Chicnaj ta yantic nacionetic, soc hich nix ya yal te Gesem, te ha'at soc te judiohetic anopojic te yac atoy abahic, ha yu'un te yac acha'pas xan te ts'ahque. Soc chican ta halel te ha'at ya x'ochat ta ajwalil yu'unic;