Esdras 3:8 - Bible in Tzeltal Bachajón

⁸ Ta schebal u ta schebal ha'bil shulelic ta Jerusalén a, te Zorobabel snich'an Salatiel, Jesúa snich'an Josadac, soc te yantic yermanotac, ha te sacerdotehetic, levitahetic soc spisil te mach'atic bahemic ta chuquel te ayiquix ta Jerusalén, hahchic ta a'tel; la ya'beyic ya'tel te levitahetic te c'axemix jtahb (20) ya'bilal te ya scuentahinic te a'tel ta sna Jehová.

Bible in Tzeltal de Oxchuc y Tenejapa

⁸ Ja' yu'un ta xchebal u sjajch'el xchebal ja'wil sjulelic ta Jerusalén a, te Zorobabel snich'an Salatiel, soc Josué snich'an Josadac, te sjo'tac sacerdoteetic, te levitaetic, soc ta spisil te namey ic'otic loq'uel ta slumalic te sujt'ic xan tel ta Jerusalén, jajch'ic xan ta xcha'pasel te templo yu'un Dios. Ja' la yac'beyic swentain at'el te levitaetic c'axemix ta jtab ya'wilalique.

Esdras 3:8 Referans Kwoze

Esdras 4:3

Pero te Zorobabel, te Jesúa soc te yantic jtsobawetic yu'un jujuchahp sna sme'static ta Israel hich la yalic: Ma spas te ya joquin jbahtic ta spasel te sna te Dios cu'uncotic. Ta jtuquelcotic ya jpascotic te sna Jehová te Dios yu'un Israel, hich te bin ut'il la spasotcotic ta mandar te Ciro ajwalil yu'un Persia, xchihic.

1 Crónicas 23:4

Ay oxpic (24,000) te la scuentahin te a'tel ta sna Jehová, ho'lajunbahc' (6,000) gobernadoretic soc juecetic,

Números 4:3

te stahojic lajuneb scha'winic (30) ya'bilal c'alal ta lajuneb yoxwinic (50) ya'bilal, spisil mach'atic te ya xhu' ya x'ochic ta a'tel ta Nahilpac' Templo yu'un tahojibal.

Esdras 3:2

Te Jesúa snich'an Josadac soc te yermanotac sacerdotehetic, soc Zorobabel snich'an Salatiel soc te yermanotac, hahch spasic te scajtajib ta chiq'uel mahtanil yu'un te Dios yu'un Israel scuenta yu'un ya yich' aq'uel scohtol chic'bil mahtanil tey a hich te bin ut'il ts'ihbabil hilel ta ley yu'un Moisés te winic yu'un Dios.

Esdras 5:16

Ha yu'un tal te Sesbasar, la yotsesbe te yich'o-ip te sna Dios te ay ta Jerusalén. Ta hich ora soc c'alal ora ini yac ta pasel, pero ma to ba hu'em, xchihic.

Zacarías 4:9

Te sc'ab Zorobabel ya yotses te yich'o-ip te Na ini, soc ha nix te sc'ab te ya shu'tes. Hich yac ana'ic a te ticombilon yu'un te Jehová te scuentahinej spisil.

Zacarías 6:12

Hich me xawalbe: Hich yaloj te Jehová te scuentahinej spisil: Li' ay te jtuhl winic te Spuhl sbihil, ha ya xpuhlin loq'uel tal ta slohp', soc ya spas te templo yu'un Jehová.

1 Crónicas 3:17

Te sts'umbal Jeconías te baht ta chuquel: Salatiel,

Esdras 2:2

Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

Esdras 4:24

Hich quehchaj te a'tel ta sna Dios te ay ta Jerusalén, ha to c'alal ta schebal ha'bil ya'tel ta ajwalil a te Darío ajwalil yu'un Persia.

Esdras 5:2

Ha yu'un te Zorobabel snich'an Salatiel, soc Jesúa snich'an Josadac, hahchic ta scha'pasel xan te sna Dios te ay ta Jerusalén; soc joquimbilic yu'un te jalwanejetic yu'un Dios te coltayotic yu'unique.

Esdras 10:18

Te sacerdotehetic te yic'oj yihnaminic jyanlum-antsetic, hich ayic: Ta sts'umbal Jesúa snich'an Josadac soc te yermanotac: ha te Maasías, Eliezer, Jarib, soc Gedalías.

Hageo 1:1

Ta schebal ha'bil yochel ta ajwalil a te Darío, ta primero c'ahc'al ta swaquebal u, tal sc'op Jehová ta scuenta te jalwanej Hageo ta stojol Zorobabel snich'an Salatiel, gobernador yu'un Judá, soc ta stojol Josué snich'an Josadac, te muc'ul sacerdote.