Esdras 3:7 - Bible in Tzeltal Bachajón

⁷ La ya'beyic taq'uin te albañiletic soc te carpinterohetic, soc la ya'beyic we'el-uch'elil soc aceite te mach'atic yu'un Sidón soc Tiro scuenta yu'un ya yich'ic tal cedrohetic ta mar c'alal Líbano c'alal ta Jope, hich te bin ut'il la yal ta mandar te Ciro ajwalil yu'un Persia.

Bible in Tzeltal de Oxchuc y Tenejapa

⁷ Jajch' yac'beyic taq'uin te albañiletic, soc te carpinteroetic. Soc te winiquetic ta Tiro soc ta Sidón la yac'beyic swe'el yuch'elic soc aceite, swenta yu'un ya me yich'ic jajch'el cedroetic ta Líbano, ya me yich'ic bael ta mar c'alal ta Jope, jich te bit'il ac'botic permiso yu'un Ciro te muc' ajwalil ta Persia.

Esdras 3:7 Referans Kwoze

1 Reyes 5:6

Pasa mandar hiche te ya sts'etbonic cedrohetic yu'un Líbano. Te a'batetic cu'un ya sjoquinic te a'batetic awu'une, soc ho'on ya jtojbat te a'batetic awu'un te jayeb yac awal. Como ha'at ana'oj te mayuc mach'a ya sna' sts'etel te' hich te bin ut'il te sidonetique, xchi.

Hechos 12:20

Te Herodes ilinem ta stojol te mach'atic ayic ta Tiro soc Sidón; ha yu'un la schap sc'opic, bahtic ta stojol Herodes. Hu' yu'unic te lec c'ohtic ta stojol te Blasto, te tulan ya'tel ta stojol te ajwalil, la sc'anic te yacuc xlahmaj q'uinal, yu'un tey ya sta swe'elic tey ta sq'uinal te ajwalile.

Hechos 9:36

Ta Jope ay jtuhl ants te ha jnopojel, Tabita sbihil, (Dorcas, xchi te c'asesbile). Bayel la spas lequil a'teliletic soc la yac'ticlan ta mahtanil staq'uin.

Jonás 1:3

Pero te Jonás loc' ta ahnel ta stojol Jehová, ya c'an bahtuc ta Tarsis. Hich co bahel ta Jope banti la sta jun barco te ya xbaht ta Tarsis. La stoj spasaje, och ta barco, yu'un ya sjoquin bahel ta Tarsis, namal ta stojol te Jehová.

Ezequiel 27:17

Te Judá soc te sq'uinal Israel la ya'iyic mambajel chombajel ta atojol, la sjelbat abiluc ta trigo yu'un Minit, pastel, chab, aceite soc bálsamo-te'.

Hechos 9:38

Te bin ut'il nopol yiloj sba soc Jope te Lida, la ya'iyic te jnopojeletic te tey ay a te Pedro, ha yu'un la sticonic bahel cheb winiquetic ta yalbeyel wocol: Ora me xtalat, xchihic c'ohel.

Hechos 9:43

Te Pedro bayel c'ahc'al halaj ta Jope ta sna Simón te ya'telinej sc'a'tesel nuhcul.

2 Samuel 5:11

Te Hiram ajwalil yu'un Tiro la sticon bahel winiquetic ta stojol David, soc la sticon bahel cedro, carpinterohetic soc albañiletic te la spasbeyic sna te David.

Esdras 3:6

Ta sba c'ahc'alil ta shuquebal u hahch yaq'uic te scohtol chic'bil mahtaniletic ta stojol Jehová, aunque ma to ba hahchem ta cha'pasel xan a te yich'o-ip te templo yu'un Jehová.

2 Reyes 12:10

C'alal la yilic te ayix bayel taq'uin ta caja, tal te secretario yu'un te ajwalil soc te muc'ul sacerdote, la yahtayic te taq'uin te ay ta templo yu'un Jehová, soc la sq'uejic.

2 Reyes 12:13

Pero te taq'uin la yich'ic talel ta sna Jehová, ma ba tuhun yu'un spasel tazahetic ta plata, set'ojbil sc'ahq'uemal mecha, muc'ul tazahetic, cornetahetic, o yantic bintic ya xtuhun ta templo yu'un Jehová te pasbil ta oro soc ta plata,

2 Crónicas 34:10

La ya'beyic te mach'atic scuentahinejic te a'tel ta sna Jehová. Ha'ic la ya'beyic te mach'atic ya x'a'tejic ta schahpanel xan te Templo.