Esdras 3:6 - Bible in Tzeltal Bachajón

⁶ Ta sba c'ahc'alil ta shuquebal u hahch yaq'uic te scohtol chic'bil mahtaniletic ta stojol Jehová, aunque ma to ba hahchem ta cha'pasel xan a te yich'o-ip te templo yu'un Jehová.

Bible in Tzeltal de Oxchuc y Tenejapa

⁶ C'alal ta sbabial c'aal sjajch'el a te sjuquebal u, jajch' xchic'beyic smajt'an te Cajwaltique, manchuc teme ma to ba jajch'em ta cha'pasel xan a te templo yu'un te Cajwaltique.

Esdras 3:6 Referans Kwoze

Esdras 3:5

soc la yaq'uic te scohtol chic'bil mahtaniletic yu'un jujun c'ahc'al, yu'un yach'il u, soc yu'un spisil te ch'ul q'uinetic yu'un Jehová, soc spisil mahtaniletic te ac'bilic scuenta sc'anojel yo'tanic ta stojol Jehová.

Esdras 3:7

La ya'beyic taq'uin te albañiletic soc te carpinterohetic, soc la ya'beyic we'el-uch'elil soc aceite te mach'atic yu'un Sidón soc Tiro scuenta yu'un ya yich'ic tal cedrohetic ta mar c'alal Líbano c'alal ta Jope, hich te bin ut'il la yal ta mandar te Ciro ajwalil yu'un Persia.

Levítico 23:24

Halbeya te snich'nab Israel: Ta sba c'ahc'alil ta shuquebal u ay me sc'ahc'alel cux-o'tan awu'unic, ha ch'ul tsoblej awu'unic te c'alal ya x'oc' xulubiletic.

Levítico 23:25

Ma me xapas awa'telic a, soc ya me awa'beyic chic'bil mahtanil te Jehová, xchi.

Números 29:1

Te sba c'ahc'alil yu'un te shuquebal u, ay me ch'ul tsoblej awu'unic, ma me xapas awa'telic a; ha sc'ahc'alel te ya yich' oq'uesinel te xulubiletique.

Números 29:2

Ya me awaq'uic scuenta scohtol chic'bil mahtanil te sumet yic' ta stojol Jehová jcoht jcolel toro, jcoht tat tuminchij, soc huqueb tuminchijetic te jujun ya'bilal te mayuc bin jihnem yu'unic,