Esdras 3:2 - Bible in Tzeltal Bachajón

² Te Jesúa snich'an Josadac soc te yermanotac sacerdotehetic, soc Zorobabel snich'an Salatiel soc te yermanotac, hahch spasic te scajtajib ta chiq'uel mahtanil yu'un te Dios yu'un Israel scuenta yu'un ya yich' aq'uel scohtol chic'bil mahtanil tey a hich te bin ut'il ts'ihbabil hilel ta ley yu'un Moisés te winic yu'un Dios.

Bible in Tzeltal de Oxchuc y Tenejapa

² Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Esdras 3:2 Referans Kwoze

San Lucas 3:27

snich'an Joana, snich'an Resa, snich'an Zorobabel, snich'an Salatiel, snich'an Neri,

Hageo 1:1

Ta schebal ha'bil yochel ta ajwalil a te Darío, ta primero c'ahc'al ta swaquebal u, tal sc'op Jehová ta scuenta te jalwanej Hageo ta stojol Zorobabel snich'an Salatiel, gobernador yu'un Judá, soc ta stojol Josué snich'an Josadac, te muc'ul sacerdote.

Esdras 2:2

Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

1 Crónicas 3:17

Te sts'umbal Jeconías te baht ta chuquel: Salatiel,

Zacarías 6:11

Ich'a te plata soc te oro, pasa corona a, a'beya ta sjol te muc'ul sacerdote Josué snich'an Josadac.

Zacarías 3:8

Muc'ul sacerdote Josué, ha'at soc te amohloltac te ya xhuhcajic ta atojol, te ha señahex yu'un te bin ya xc'oht ta pasel ta patil, a'iya me awa'iy: Ya quic' tal te ca'bat, ha te Spuhl.

Zacarías 3:1

Patil la ya'bon quil te muc'ul sacerdote Josué teq'uel ta stojol te ch'ul a'bat yu'un Jehová, soc te Satanás teq'uel ta swa'el-c'ab yu'un ya slehbe smul.

Hageo 2:23

Ta hich ora, xchi te Jehová, ya quic'at, Zorobabel snich'an Salatiel, a'batat cu'un, xchi te Jehová, hich ya cac'at te bin ut'il jch'ocow scuenta sello, como ho'on la jtsahat, xchi te Jehová te scuentahinej spisil.

Hageo 2:21

Hich xawalbe te Zorobabel, gobernador yu'un Judá: Ya cac' nihcuc te ch'ulchan soc te bahlumilale.

Hageo 1:14

Te Jehová la stijbe yo'tan te Zorobabel snich'an Salatiel, te gobernador yu'un Judá, soc la stijbe yo'tan te Josué snich'an Josadac, te muc'ul sacerdote, soc la stijbe yo'tanic te jayeb xan ants-winiquetique. Hich talic ta a'tel ta sna Jehová te scuentahinej spisil

Hageo 1:12

Hich te Zorobabel snich'an Salatiel, soc te Josué snich'an Josadac, te muc'ul sacerdote, soc jayeb xan te ants-winiquetic la sch'uhunic spasel te bin la yal te Jehová te Dios yu'unic soc te sc'op te jalwanej Hageo, hich te bin ut'il ticombil yu'un te Jehová te Dios yu'une. Xiw te pueblo ta stojol Jehová.

Salmos 78:68

ha la stsa te jchahp sts'umbal Judá, te Sión, te c'ux ta yo'tan.

Nehemías 12:8

Te levitahetic: ha te Jesúa, Binuy, Cadmiel, Serebías, Judá soc Matanías, te scuentahinejic soc yermanotac te c'ayojetic scuenta sc'ayojtaybeyel yutsilal te Diose.

Nehemías 12:1

Ha te sacerdotehetic soc levitahetic ini te suhtic tal soc Zorobabel snich'an Salatiel, soc Jesúa: ha te Seraías, Jeremías, Esdras,

2 Crónicas 6:6

ha jtsahoj te Jerusalén scuenta yu'un tey ya x'ayin a te jbihil, soc jtsahoj te David yu'un ya scuentahin te pueblo Israel cu'un, xchi te Jehová.

1 Crónicas 3:19

Te snich'nab Pedaías, ha te Zorobabel soc Simei. Te snich'nab Zorobabel, ha'ic te Mesulam soc te Hananías, soc te Selomit te yantsilelique.

Éxodo 27:1

Ya me apas scajtajib ta chiq'uel mahtanil ta acacia-te', ho'eb xuhc'ubil snahtil soc ho'eb xuhc'ubil sjamalil, pajal sp'isol te jujun xuhc, soc oxeb xuhc'ubil te stoyolile.

Esdras 3:8

Ta schebal u ta schebal ha'bil shulelic ta Jerusalén a, te Zorobabel snich'an Salatiel, Jesúa snich'an Josadac, soc te yantic yermanotac, ha te sacerdotehetic, levitahetic soc spisil te mach'atic bahemic ta chuquel te ayiquix ta Jerusalén, hahchic ta a'tel; la ya'beyic ya'tel te levitahetic te c'axemix jtahb (20) ya'bilal te ya scuentahinic te a'tel ta sna Jehová.

Esdras 5:2

Ha yu'un te Zorobabel snich'an Salatiel, soc Jesúa snich'an Josadac, hahchic ta scha'pasel xan te sna Dios te ay ta Jerusalén; soc joquimbilic yu'un te jalwanejetic yu'un Dios te coltayotic yu'unique.

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Números 28:2

Pasa ta mandar te snich'nab Israel: Ya me awil te yac awa'bonic ta mero yorahil te mahtaniletic cu'un, ha te mahtaniletic scuenta sumet yic' te ya yich' chiq'uel ta jtojol.

Jueces 6:24

Te Gedeón la spasbe scajtajib ta chiq'uel mahtanil yu'un Jehová tey a, soc la ya'be sbihilin Jehová-salom. Te scajtajib ta chiq'uel mahtanil tey ay a ta Ofra yu'un te abiezeretic c'alal ora.

1 Crónicas 23:14

Te snich'nab Moisés te winic yu'un Dios la yich'ic ahtayel soc te sts'umbal Leví.

Esdras 10:18

Te sacerdotehetic te yic'oj yihnaminic jyanlum-antsetic, hich ayic: Ta sts'umbal Jesúa snich'an Josadac soc te yermanotac: ha te Maasías, Eliezer, Jarib, soc Gedalías.

Esdras 10:20

Ta sts'umbal Imer: ha te Hanani soc Zebadías.

Esdras 10:21

Ta sts'umbal Harim: ha te Maasías, Elías, Semaías, Jehiel soc Uzías.

Esdras 10:22

Ta sts'umbal Pasur: ha te Elioenai, Maasías, Ismael, Natanael, Jozabad soc Elasa.