Esdras 3:13 - Bible in Tzeltal Bachajón

¹³ Ma ba a'iybaj q'uinal te pueblo yu'un tulan aw yu'un yutsil q'uinal soc te aw yu'un oq'uel, como yaquic ta aw te pueblo, namal chican ta a'iyel.

Bible in Tzeltal de Oxchuc y Tenejapa

¹³ Ma'yuc mach'a ya xju' yu'un sna'el te awetic swenta sbujts' yo'tanique, soc te yoq'uelique, yu'un mero tulan te yawique, c'ubul chican ta aiyel stojol.

Esdras 3:13 Referans Kwoze

1 Samuel 4:5

Te c'alal c'oht ta campamento te scaxahul te chapbil-c'op yu'un Jehová, spisil Israel hahchic ta tulan aw, la snihc sba te lum yu'un.

Zacarías 4:7

Ha'at muc'ul witsat, ¿mach'ayat a? Ya xc'atp'ujat ta spamlej ta stojol Zorobabel. Ha ya sloq'ues te ton te bayel sc'oblal te c'alal hich yacalic ta aw: ¡Mero t'ujbil! ¡Mero t'ujbil! te xchihique.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Salmos 5:11

Pero tse'eluc me yo'tanic spisil mach'atic ya smuc'ulinat yo'tanic; spisiluc ora ac'a c'ayojinuc soc yutsil yo'tanic, como ha'at yac acanantay; tse'el yo'tanic ta acuenta te mach'atic c'ux ta yo'tanic te abihile.

Nehemías 12:43

Ta hich ora la yaq'uic bayel milbil mahtaniletic, mero tse'el yo'tanic yu'un, como Dios ya'beyej bayel yutsil yo'tanic. Ha nix hich tse'el yo'tanic te antsetic soc te alaletic. Namal chican ta a'iyel xjuyetic ta Jerusalén.

1 Reyes 1:45

Soc te sacerdote Sadoc soc te jalwanej Natán la smalbeyic aceite scuenta otsesel ta ajwalil ta Gihón. Tey mohic bahel soc yutsil yo'tanic a, soc ha scuentahil te bayel xjuyetic ta pueblo. Ha te xjuyet te la awa'iyique.

1 Reyes 1:40

Patil spisil te pueblo la st'unic mohel, yacalic ta yoq'uesinel bahel flautas; bayel yutsil yo'tanic, hich ya'iyel te ya snic sba te lumq'uinal yu'un te yawique.

Jueces 2:5

Ha scuentahil Boquim c'oht sbihil yu'unic te lugar. Tey la ya'beyic milbil mahtaniletic te Jehová.

Esdras 3:12

Tsobol te sacerdotehetic, levitahetic soc jtsobawetic yu'un jujuchahp sna sme'stat, soc te mamaletic te la yilic te Templo te ay ta nahilal, tulan oq'uic te c'alal la yilic te yac ta ochel te yich'o-ip te Templo ini; pero tsobol yantic yacalic ta aw ta scuenta yutsil yo'tanic.

Esdras 4:1

Te c'alal la ya'iyic te scontratac te Judá soc Benjamín te yaquic ta scha'pasel te templo yu'un Jehová Dios yu'un Israel te mach'atic suhtemiquix tal ta chuquel,

Jeremías 50:4

Ta hich sc'ahc'alel, ta hich ora, xchi te Jehová, ya xtalic te yal-snich'nab Israel soc te yal-snich'nab Judá, yacalic ta oq'uel a ya xtal slehic te Jehová te Dios yu'unique.