Esdras 3:12 - Bible in Tzeltal Bachajón

¹² Tsobol te sacerdotehetic, levitahetic soc jtsobawetic yu'un jujuchahp sna sme'stat, soc te mamaletic te la yilic te Templo te ay ta nahilal, tulan oq'uic te c'alal la yilic te yac ta ochel te yich'o-ip te Templo ini; pero tsobol yantic yacalic ta aw ta scuenta yutsil yo'tanic.

Bible in Tzeltal de Oxchuc y Tenejapa

¹² Soc ay tsobolic te sacerdoteetic, levitaetic soc jwolwanejetic yu'un juju-jchajp na te mamaliquix a te la yilic te sbabial templo, mero tulan oq'uic yu'un te la yilic te yac ta jajch'el ta pasel te yach'il templo. Tsobol xan yantic yacalic ta aw ta swenta sbujts' yo'tanic.

Esdras 3:12 Referans Kwoze

Hageo 2:3

¿Mach'a hilem ta awohlilic te yilbeyej yutsilal te templo ini ta nahil to? ¿Bin yilel yac awilic ta ora ini? ¿Ma bal hichuc yac awilic te mayuc sc'oblale?

Zacarías 4:10

Te mach'atic la sp'ajic te sc'ahc'alel te tut shahchibal te ya'tele, tse'el me yo'tanic yu'un c'alal ya yilic te plomo ta sc'ab te Zorobabel. (Te huqueb sit ini, ha sit te Jehová te ya yil spisil te q'uinale.)

Isaías 60:22

Te mach'a tut, ta mil ya xc'oht; te ihts'inal ya xc'oht ta jun nación te ay yip. Ho'on Jehovahon, ta yorahil ya jc'ohtes ta pasel ta ora.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Salmos 126:6

Te mach'a yac ta oq'uel a ya xbehen bahel, te yich'oj bahel te sbac' sts'unub, tse'el yo'tan ya me suht talel, stombeyejix ya xtal te site. C'ayoj yu'un mohel bahel ta Jerusalén; yu'un Salomón.

Job 8:7

Aunque tut te shahchibal awu'un, muc' ya xc'oht ta patil.

Esdras 3:13

Ma ba a'iybaj q'uinal te pueblo yu'un tulan aw yu'un yutsil q'uinal soc te aw yu'un oq'uel, como yaquic ta aw te pueblo, namal chican ta a'iyel.

Jeremías 50:4

Ta hich sc'ahc'alel, ta hich ora, xchi te Jehová, ya xtalic te yal-snich'nab Israel soc te yal-snich'nab Judá, yacalic ta oq'uel a ya xtal slehic te Jehová te Dios yu'unique.

Salmos 147:1

¡Halbeya yutsil sc'oblal te Jehová! como lec ta c'ayojtaybeyel c'ayojetic te Dios cu'untic, coomo t'ujbil soc hich ya sc'an te ya yich' halbeyel yutsil sc'oblal.