Esdras 3:11 - Bible in Tzeltal Bachajón

¹¹ C'ayojinic, la yalbeyic yutsil soc la yalbeyic wocol te Jehová, hich la yalic: Como ha lec yo'tan, sbahtel q'uinal c'ux ta yo'tan te Israel, xchihic. Spisil te pueblo awonic ta scuenta yutsil yo'tanic, la yalbeyic yutsil sc'oblal te Jehová como yac ta otsesel te yich'o-ip te sna Jehová.

Bible in Tzeltal de Oxchuc y Tenejapa

¹¹ Yan mach'atic yacal ta sc'ajintayel yutsilal te Cajwaltique, yacal sjac'belic te yantique: “Albeyaic wocol te Cajwaltique, melel mero lec yo'tan, melel sbajt'el q'uinal c'ux ta yo'tan te Israele”, xiic. Spisil te yajwal te lume, awunic ta swenta sbujts' yo'tanic, soc yacalic ta yalel yutsil sc'oplal te Cajwaltic ta swenta te bit'il jajch'ix ta cha'pasel te templo yu'une.

Esdras 3:11 Referans Kwoze

1 Crónicas 16:34

Halbeyahic wocol te Jehová, como lec yo'tan; como sbahtel q'uinal te sc'uxul yo'tan.

Salmos 106:1

¡Aleluya! ¡Halbeyahic wocol te Jehová, como lec yo'tan; como sbahtel q'uinal ay te sc'uxul yo'tan!

Salmos 107:1

Halbeyahic wocol te Jehová, como lec yo'tan, sbahtel q'uinal ay te sc'uxul yo'tane.

Salmos 103:17

Yan te sc'uxul yo'tan Jehová sbahtel q'uinal ay ta stojol te mach'atic ya yich'ic ta muc', soc stojil bin ya spas ta stojol te cajalcaj yal-snich'nabic,

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Salmos 135:3

Halbeyahic yutsil sc'oblal te Jehová, como lec yo'tan; c'ayojtayahic c'ayojetic ta stojol, como ay yutsil yo'tan,

Salmos 118:1

Halbeyahic wocol te Jehová, como lec stuquel, sbahtel q'uinal ay te sc'uxul yo'tan.

2 Crónicas 7:3

C'alal la yilic spisil te snich'nab Israel te co tal c'ahc' soc te yutsilal te Jehová ta stojol te Na, la spahcan sbahic c'alal ta lum, la yich'ic ta muc' te Jehová soc la yalbeyic wocol, hich la yalic: Ha lec yo'tan stuquel, soc te sc'uxul yo'tan sbahtel q'uinal ay, xchihic.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Nehemías 12:24

Te príncipaletic yu'un te levitahetic: ha te Hasabías, Serabías, Jesúa snich'an Cadmiel soc te yermanotac sitinej sbahic soc, yu'un ya sc'ayojtaybeyic yutsilal soc yalbeyel wocol te Dios, chahpalchahp ya xc'axic, hich te bin ut'il yaloj David te winic yu'un Dios.

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

Éxodo 15:21

Hich la yal ta c'ayoj te María: C'ayojtayahic te Jehová, yu'un ay bayel yutsilal; la sch'oj ochel ta mar te cawu soc mach'a cajal tey a, xchi ta c'ayoj.

San Lucas 1:50

soc te sc'uxul yo'tan ya xc'oht ta stojol te cajalcaj mach'atic ya yich'ic ta muc'!

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Salmos 47:1

¡Pac'a ac'abic apisilic, pueblohetic! ¡Soc yutsil awo'tanic halbeyahic yutsil sc'oblal te Diose!

1 Crónicas 16:41

Soc la yihquitay hilel te Hemán, Jedutún soc te yantic te tsahbilic ta scuenta sbihilic yu'un sc'ayojtaybeyel yutsilal te Jehová, como sbahtel q'uinal ay te sc'uxul yo'tan.

Nehemías 12:40

Patil te cheb corohetic bahtic ta sna Dios; ha nix hichon soc j'ohlil te mach'atic ay ya'telic te sjoquinejonic,

Salmos 47:5

¡Te Dios mohix bahel soc aw scuenta yutsil q'uinal, mo bahel Jehová soc yoq'uel corneta!

Josué 6:5

Te c'alal ya xhalaj ta oq'uesinel te xulub tat tuminchij, te c'alal yac awa'iybeyic yoq'uel, tulan ya x'awonic spisil te pueblo, hich ya xjihn cohel te sts'ahcul te pueblohe; tuhlultuhl toj me ya x'ochic bahel, xchi.

Josué 6:16

Ta shuquebal buelta, te c'alal la yoq'uesinic te xulubiletic te sacerdotehetic, te Josué la yalbe te pueblo: ¡awonanic, como te Jehová ya'beyejex te pueblohe!

Josué 6:10

Te Josué hich la spas ta mandar te pueblo: Ma me x'awonex, ma me xc'opojex, ma me xloc' jp'ahluc c'op ta awehic ha to bin ora hich ya calbeyex: awonanic, teme xchihone, ha to me ya x'awonex a, xchi.

2 Crónicas 5:13

Ta spisilic junax la yac' sbahic ta yoq'uesinel te cornetahetic soc ta c'ayoj ta yalbeyel yutsil sc'oblal soc ta yalel wocol ta stojol te Jehová. Yaquic ta yoq'uesinel te cornetahetic soc ta stijel te platillohetic soc te yantic a'tejibaletic yu'un música, hich la yalbeyic ta c'ayoj te Jehová: Lec yo'tan stuquel, como sbahtel q'uinal ay te sc'uxul yo'tan, xchihic. C'alal hich yac spasbelic a, noj ta tocal te sna Jehová.

Salmos 100:5

Como lec yo'tan te Jehová, sbahtel q'uinal ay te sc'uxul yo'tan, soc stalel jun yo'tan ta stojol cajalcaj ts'umbalil.

Salmos 131:1

Jehová, ma ba ya stoy sba co'tan, ma ba toyba ya yac' sba te jsite; ma ba ay ta co'tan te bintic muc' sc'oblal, o te bintic c'ax toyol sc'oblal.

Zacarías 4:7

Ha'at muc'ul witsat, ¿mach'ayat a? Ya xc'atp'ujat ta spamlej ta stojol Zorobabel. Ha ya sloq'ues te ton te bayel sc'oblal te c'alal hich yacalic ta aw: ¡Mero t'ujbil! ¡Mero t'ujbil! te xchihique.

Hageo 2:3

¿Mach'a hilem ta awohlilic te yilbeyej yutsilal te templo ini ta nahil to? ¿Bin yilel yac awilic ta ora ini? ¿Ma bal hichuc yac awilic te mayuc sc'oblale?