Esdras 2:70 - Bible in Tzeltal Bachajón

⁷⁰ Te sacerdotehetic, levitahetic, te mach'atic yu'un te pueblo, te jc'ayojetic, jcanan-ti'nahiletic soc a'batetic ta templo nahinic ta pueblohetic yu'unic. Hich spisil Israel nahinic ta pueblo yu'unic.

Bible in Tzeltal de Oxchuc y Tenejapa

⁷⁰ Te sacerdoteetic, te levitaetic, soc jtebuc te yajwal lume jilic ta nainel ta Jerusalén. Te jc'ayojetic, jcanan-ti'nailetic, abatetic yu'un templo, soc te yantic israeletique, jilic ta slumal stuquelic.

Esdras 2:70 Referans Kwoze

Nehemías 7:73

Te sacerdotehetic, levitahetic, jcanan-ti'nahiletic, jc'ayojetic, te mach'atic yu'un te pueblo, te a'batetic yu'un te Templo soc spisil Israel nahinic ta jujuntic pueblo yu'unic. Ta shuquebal u, te snich'nab Israel ayiquix ta pueblohetic yu'unic.

1 Crónicas 11:2

Ta nahil to, te c'alal ay ta ajwalil te Saúl, ha'at la awic' loq'uel ta guerra te Israel soc la awic' suhtel tal. Soc hich yalbeyejat te Jehová te Dios awu'un: Ha'at yac acanantay soc ha ajwalil ya xc'ohat ta stojol Israel, te pueblo cu'un, xchihic.

1 Crónicas 9:2

Te mach'atic nahil suhtic tal ta nahinel ta sq'uinal ta pueblohetic yu'unic, ha israeletic, sacerdotehetic, levitahetic, soc a'batetic ta templo.

2 Reyes 7:10

Hich bahtic, la yawtayic te jcananetic yu'un te yochibal te pueblo, hich la yalbeyic: C'ohotcotiquix ta campamento yu'un te siriahetic, mayuc mach'a tey ay a, ni sc'op winic; ha nax chucajtic te cawuhetic soc burrohetic, soc te campamento hich nix hilem te bin ut'il pasbil yu'unic, xchihic c'ohel.

Esdras 2:1

Ha sbihilic ini te mach'atic hahchemic ta sq'uinal Judá te suhtic tal ta chuquel, ha te mach'atic chucotic bahel ta Babilonia yu'un te Nabucodonosor ajwalil yu'un Babilonia, te suhtic tal ta Jerusalén soc Judá, jujutuhl ta pueblo yu'un.