Esdras 10:8 - Bible in Tzeltal Bachajón

⁸ Te mach'a ma ba ya xc'oht ta oxeb c'ahc'al, hich te bin ut'il schapojic te príncipaletic soc te mamaletic, ya sch'ay spisil sq'uinal soc ya yich' loq'uesel ta stojol te mach'atic suhtemic tal ta chuquel.

Bible in Tzeltal de Oxchuc y Tenejapa

⁸ Ta spisil te mach'atic ma ba ya xc'otic te ya yich'ic maliyel oxeb c'aale, la xchapic te jwolwanejetic soc te jtojteswanejetique te ya me yich'ic ich'el te q'uinal yu'unique soc ya me yich'ic loq'uesel bael ta stojolic te mach'atic sujt'emic tel te ac'bot yijq'uitay slumalique.

Esdras 10:8 Referans Kwoze

Esdras 7:26

Mach'ayuc a te ma ba ya sc'ohtes ta pasel te ley yu'un te Dios awu'un, soc te ley yu'un te ajwalil, ya me yich' tulan chahpanel, chican teme lajel, teme ya yich' loq'uesel, teme ya stoj multa, o ya x'och ta chuquel, xchi te scarta.

1 Corintios 5:13

Te mach'atic ma ba ayic ta iglesia ya me yich'ic chahpanel yu'un Dios. Ha yu'un loq'uesa ta awohlilic te mach'a c'ax chopol bin spasoje.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

San Juan 9:22

Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

San Mateo 18:17

Teme ma ba ya ya'iybe te sc'opique, halbeya te iglesia; teme ma ba ya ya'iybe sc'op te iglesia, hich me ya xc'ohtix awu'un a te bin ut'il jyanlum o jc'an-patan.

Nehemías 13:3

Ha yu'un te c'alal la ya'iyic te bin la yal te Ley, la sloq'ueslanic ta stojol Israel spisil te mach'atic scapojix sbahic soc te jyanlumetique.

1 Samuel 11:7

Hich la stsac cheb j'a'tel-wacaxetic, la sesen soc la spucticlan bahel ta spahmal sq'uinal Israel ta scuenta jpuc-c'opetic, hich la yal: Hich me ya yich' pasbeyel te j'a'tel-wacaxetic yu'un te mach'atic ma ba ya xloc' tal st'unic te Saúl soc te Samuel, xchi. Te xiwel yu'un Jehová c'oht ta stojol te pueblo, loq'uic tal hich te bin ut'il jtuhl winic.

Jueces 21:5

Hich la sjoc'oyic: Ta spisil te jchahpalchahp Israel ¿mach'atic a te ma ba c'ohtic ta tsoblej ta stojol Jehová? xchihic. Yu'un jc'axel yalojiquix ta jamal te mach'a ma ba ya xc'oht ta stojol Jehová ta Mizpa, ya me xlaj.

Josué 6:19

Spisil te plata, oro soc te bintic pasbil ta bronce soc ta hierro ac'otic ta stojol Jehová, ya x'ochic ta yawil sc'ulejal Jehová, xchi te Josué.

Levítico 27:28

Pero ma xhu' ya yich' chonel soc ma xhu' ya yich' manel loq'uel te bin ch'ultesbil, te jc'axel ac'bil ta stojol Jehová; ta spisil te bintic ay yu'un, teme ants-winic, chambahlam, sq'uinal te a'bibil yu'untay, spisil te bin jc'axel ac'bil ta stojol Jehová mero ch'ultesbil ta stojol Jehová.

Esdras 10:7

La yich' halel ta spisil Judá soc Jerusalén te ya me stsob sbahic ta Jerusalén spisil te mach'atic suhtemic tal ta chuquel.

Esdras 10:9

Ha yu'un spisil te winiquetic ta Judá soc ta Benjamín la stsob sbahic ta Jerusalén ta yoxebal c'ahc'al, ta jtahb (20) c'ahc'al ta sbalunebal u. Spisilic la shuhcan sbahic ta plaza yu'un te sna Dios, yaquic ta nihquel yu'un te c'op soc yu'un te ha'ale.

Nehemías 13:28

Ay jtuhl snich'nab Joiada, snich'an te muc'ul sacerdote Eliasib, la jten loq'uel ta jtojol yu'un ha snihal te Sanbalat te horon-winic.