Esdras 10:5 - Bible in Tzeltal Bachajón

⁵ Ha yu'un hahch te Esdras, la yalbe te ac'a yalic ta jamal ta stojol Dios te príncipaletic yu'un te sacerdotehetic soc te levitahetic soc spisil Israel te hich me ya spasic. Hich la yalic ta jamal.

Bible in Tzeltal de Oxchuc y Tenejapa

⁵ Te Esdras jich ora la stejc'an sba. La yalbey te yacuc yalic ta jamal ta stojol Dios te jwolwanej-sacerdoteetic soc te levitaetic soc ta spisilic te israeletique te ya me yaq'uic c'otuc ta pasel te bila yalojique. Jich la yalic ta jamal te ya me yaq'uic c'otuc ta pasele.

Esdras 10:5 Referans Kwoze

Nehemías 13:25

La jtijticlan ta c'op, la jcalbe chopol sc'oblalic, la jmajticlan, la jbulticlambe stsotsel sjolic, soc la jcaq'uic ta yalel ta jamal ta stojol Dios, soc hich la jcalbe: Ma me xawa'beyic te awantsil-nich'anic te snich'nabic, soc ma me xawic'beyic yantsil-nich'nabic yu'un te aquerem-nich'anic, soc ha nix hichex ma me xawiq'uic.

Nehemías 5:12

Hich la yalic: Ya jsutbecotic, mayuc bin ya jc'ambecotic a. Hich ya jpascotic te bin ut'il la awalixe, xchihic. Ha yu'un la jquic'ticlanic tal te sacerdotehetic soc la jcalbe ac'a yalic ta jamal te hich ya spasique.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

Proverbios 27:9

Te aceite soc te perfume ya yac' yutsil-o'tanil, soc te tojobtesel yu'un te amigo ya xlecub q'uinal yu'un.

Proverbios 15:23

Tse'el yo'tan te mach'a ya stahbe lec suhtib c'op; soc buen lec te c'op te ya yich' halel ta mero yorahil.

Proverbios 9:9

A'beya snop te mach'a p'ij yo'tan, ya me xp'ijub xan yu'un; nohptesa te mach'a toj yo'tan, hich bayel xan bin ya sna' a.

Proverbios 1:5

Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Nehemías 10:29

spisilic la stsob sbahic soc te yermanotac soc te príncipaletic yu'unic, yu'un ya yalic ta jamal te ya st'unic te ley yu'un Dios te a'bot ta scuenta Moisés te a'bat yu'un Dios, soc te ya scanantayic soc ya sc'ohtesic ta pasel te mandariletic soc spisil bintic yaloj ta mandar te Jehová te Cajwaltique.

Esdras 10:3

Yo'tic, ya jchahp jc'optic soc te Dios cu'untic, ya jticontic suhtel spisil te jyanlum-antsetic cu'uncotic soc te yalatac, ha chican bin ya yal stuquel te cajwal soc te mach'atic ya yich'ic ta muc' te smandar te Dios cu'untique. ¡Ac'a yich' pasel hich te bin ut'il ya yal te Ley!