Esdras 10:3 - Bible in Tzeltal Bachajón

³ Yo'tic, ya jchahp jc'optic soc te Dios cu'untic, ya jticontic suhtel spisil te jyanlum-antsetic cu'uncotic soc te yalatac, ha chican bin ya yal stuquel te cajwal soc te mach'atic ya yich'ic ta muc' te smandar te Dios cu'untique. ¡Ac'a yich' pasel hich te bin ut'il ya yal te Ley!

Bible in Tzeltal de Oxchuc y Tenejapa

³ Ya me cal jbajtic te ya me jticuntic bael ta spisil te jyanlum-antsetic cu'untique, soc nix te yalataquique. Ac'a cac'tic c'otuc ta pasel te mandaliletique, jich te bit'il awo'tan te ja'ate soc te mach'atic ya yich'ic ta muc' te smandal te Cajwaltic te ya stojtesotique.

Esdras 10:3 Referans Kwoze

Esdras 9:4

Spisil te mach'atic la xi'ic te sc'op te Dios yu'un Israel la stsob sbahic ta jtojol ta scaj te ma junuc yo'tanic te mach'atic suhtic tal ta chuquel. Pero te ho'one, huculon ta tulan mel-o'tan ha to c'alal la sta yorahil te ya yich' aq'uel milbil mahtanil ta tibiltic.

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

Salmos 119:59

La jnop ta co'tan bin yilel te behetic cu'un, hich suhton tal ta stojol te testigo-c'op awu'une.

Nehemías 9:38

Ta scaj spisil ini, ya jchap jc'optic soc ya jts'ihbaytic hilel ta hun, ya spasic firmar te príncipaletic, levitahetic soc te sacerdotehetic cu'uncotic.

2 Crónicas 34:21

Bahanic, joc'obeyahic te Jehová ta jcuenta soc ta scuenta te mach'atic hilemic yu'un Israel soc yu'un Judá sc'oblal te libro te la yich' tahele. Como muc' te yilimba Jehová te talem ta jtojoltic ta scaj te ma ba la scanantaybeyic te sc'op Jehová te jme'jtatic ta spasel spisil bintic ts'ihbabil ta libro ini, xchi.

Deuteronomio 29:12

yu'un ya x'ochat a tey ta chapbil-c'op yu'un Jehová te Dios awu'un te ya schap soc ha'at ta scuenta yalel ta jamal,

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

Isaías 66:2

Ha pasticlambil ta jc'ab spisil ini, hich chicnaj spisil, xchi te Jehová. Pero ha ya quil te mach'a pobre soc te ya xnihc yu'un te jc'ope.

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

Nehemías 8:14

Tey ts'ihbabil la stahic a te ley te Jehová yaloj ta scuenta Moisés, te ya me xnahinic ta yaxnahetic te snich'nab Israel ta shuquebal u;

Esdras 10:44

Ta spisilic ini yic'oj yihnaminic jyanlum-antsetic, pero la sticonic suhtel soc te yalataque.

2 Crónicas 34:27

te nihc awo'tan yu'un soc te la apehc'an aba ta stojol Dios te c'alal la awa'iy te bin ya yalbe sc'oblal te lugar ini soc te mach'atic nahinemic tey a, soc te la apehc'an aba ta jtojol, la ach'i' ac'u' yu'un soc oc'at ta jtojol, ha nix hichon la jca'iybat ac'op, xchi te Jehová.

2 Crónicas 30:12

Ha nix hich ta Judá tijbot yo'tanic yu'un Dios te jun yo'tanic ya spasic te bin la yal ta mandar te ajwalil soc te príncipaletic, hich te bin ut'il yaloj te Jehová.

2 Crónicas 29:10

Ha yu'un yo'tic ho'on jnopoj te ya jchap jc'op soc Jehová te Dios yu'un Israel scuenta yu'un hich ya xloc' bahel a te yilimba ta jtojoltic.

2 Reyes 11:17

Patil te Joiada la schap sc'op soc Jehová, te ajwalil soc te pueblo te ha pueblo yu'un Jehová ya xc'ohtic. Soc la schap sc'opic te ajwalil soc te pueblo.

Josué 9:6

C'alal c'ohtic ta stojol Josué ta campamento ta Gilgal, hich la yalbeyic soc te winiquetic yu'un Israel: Talemotcotic ta mero namal q'uinal; ya me jchap jc'optic, xchihic c'ohel.

Esdras 10:9

Ha yu'un spisil te winiquetic ta Judá soc ta Benjamín la stsob sbahic ta Jerusalén ta yoxebal c'ahc'al, ta jtahb (20) c'ahc'al ta sbalunebal u. Spisilic la shuhcan sbahic ta plaza yu'un te sna Dios, yaquic ta nihquel yu'un te c'op soc yu'un te ha'ale.

Esdras 10:11

Ha yu'un yo'tic halbeya amulic te Jehová te Dios yu'un te ame'atatic, soc pasahic te bin ya sc'an yo'tan. Loc'anic ta stojol te jyanlumetic soc ta stojol te jyanlum-antsetic, xchi.

Nehemías 10:1

Te mach'atic la spasic firmar hich ay: Nehemías snich'anon Hacalías, te gobernador; Sedequías,