Esdras 10:18 - Bible in Tzeltal Bachajón

¹⁸ Te sacerdotehetic te yic'oj yihnaminic jyanlum-antsetic, hich ayic: Ta sts'umbal Jesúa snich'an Josadac soc te yermanotac: ha te Maasías, Eliezer, Jarib, soc Gedalías.

Bible in Tzeltal de Oxchuc y Tenejapa

¹⁸ Ja' slistaul te sacerdoteetic nujbinemic soc jyanlum-antsetic: te sts'umbal te Josué te snich'an Josadac, soc te xchapomale ja'ic te Maasías, te Eliezer, te Jarib soc te Gedalías.

Esdras 10:18 Referans Kwoze

Zacarías 3:1

Patil la ya'bon quil te muc'ul sacerdote Josué teq'uel ta stojol te ch'ul a'bat yu'un Jehová, soc te Satanás teq'uel ta swa'el-c'ab yu'un ya slehbe smul.

Hageo 1:1

Ta schebal ha'bil yochel ta ajwalil a te Darío, ta primero c'ahc'al ta swaquebal u, tal sc'op Jehová ta scuenta te jalwanej Hageo ta stojol Zorobabel snich'an Salatiel, gobernador yu'un Judá, soc ta stojol Josué snich'an Josadac, te muc'ul sacerdote.

Esdras 5:2

Ha yu'un te Zorobabel snich'an Salatiel, soc Jesúa snich'an Josadac, hahchic ta scha'pasel xan te sna Dios te ay ta Jerusalén; soc joquimbilic yu'un te jalwanejetic yu'un Dios te coltayotic yu'unique.

Esdras 3:2

Te Jesúa snich'an Josadac soc te yermanotac sacerdotehetic, soc Zorobabel snich'an Salatiel soc te yermanotac, hahch spasic te scajtajib ta chiq'uel mahtanil yu'un te Dios yu'un Israel scuenta yu'un ya yich' aq'uel scohtol chic'bil mahtanil tey a hich te bin ut'il ts'ihbabil hilel ta ley yu'un Moisés te winic yu'un Dios.

Esdras 2:2

Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

1 Timoteo 3:11

Ha nix hich te antsetic, ya sc'an te lec sc'oblalic, ma xlehawanic ta c'op, ya sc'an ya sna'ic stsahtayel sbahic soc jun yo'tanic ta stojol spisil bintic ay ta scuentahic spasele.

Ezequiel 44:22

Ma me xnuhpun soc me'ba' ants o ants te ihquitaybil hilel yu'un te smamalal, ya xnuhpun soc ach'ix te ha sts'umbal Israel, o me'ba' ants yu'un jtuhl sacerdote.

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.

Jeremías 23:11

Te jalwanej soc te sacerdote ma lecuc sc'oblalic; ta templo cu'un la jta te schopolilique, xchi te Jehová.

Nehemías 13:28

Ay jtuhl snich'nab Joiada, snich'an te muc'ul sacerdote Eliasib, la jten loq'uel ta jtojol yu'un ha snihal te Sanbalat te horon-winic.

Nehemías 12:10

Te snich'an Jesúa ha te Joiacim, te snich'an Joiacim ha te Eliasib, te snich'an Eliasib ha te Joiada,

Nehemías 8:7

Te levitahetic Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán soc Pelaía la ya'beyic sna' te pueblo bin ya yal te Ley; tey lamalic ta ya'iyel a te pueblohe.

Nehemías 8:4

Te maestro Esdras ay ta toyol limbil te' te ha stuc te yich'oj pasele. Tey ta swa'el ay te Matatías, Sema, Anías, Urías, Hilcías soc Maasías; ta sq'uexam ay te Pedaías, Misael, Malquías, Hasum, Hasbadana, Zacarías soc Mesulam.

Esdras 9:1

C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.

Levítico 21:7

Ma xhu' ya xnuhpunic soc j'antsinel-ants o te mach'a yich'oj tsaquel, o te mach'a ihquitaybilix yu'un smamalal, como te sacerdote ch'ultesbil ta stojol te Dios yu'une.

Esdras 9:2

Como yic'beyejic yihnaminic te yantsil-nich'nabic soc hich nix la spasic te snich'nabique. Hich la scap sbahic te ch'ultesbil ts'umbalil soc te ants-winiquetic ta q'uinal. Te mach'atic nahil la spasic te mulil ini, ha'ic te príncipaletic soc te gobernadoretic, xchihic.

Esdras 10:17

Ta sba c'ahc'alil ta shachel u laj yo'tanic ta schahpanel spisil te mach'atic yic'oj yihnaminic jyanlum-antsetic.

Hageo 1:12

Hich te Zorobabel snich'an Salatiel, soc te Josué snich'an Josadac, te muc'ul sacerdote, soc jayeb xan te ants-winiquetic la sch'uhunic spasel te bin la yal te Jehová te Dios yu'unic soc te sc'op te jalwanej Hageo, hich te bin ut'il ticombil yu'un te Jehová te Dios yu'une. Xiw te pueblo ta stojol Jehová.

Hageo 2:4

Pero ayuc me yip awo'tan, Zorobabel, xchi te Jehová; soc ayuc me yip awo'tan, Josué snich'an Josadac, muc'ul sacerdotehat; ayuc me yip awo'tanic apisilic, ants-winiquetic ta q'uinal, xchi te Jehová. A'tejanic, como joquinejex, xchi te Jehová te scuentahinej spisil.

Zacarías 6:11

Ich'a te plata soc te oro, pasa corona a, a'beya ta sjol te muc'ul sacerdote Josué snich'an Josadac.

Esdras 2:36

Te sacerdotehetic hich ay: te sts'umbal Jedaías, ha te mach'atic ay yu'un te Jesúa, ho'winic yoxbahc' soc oxlajuneb schanwinic (973);

Esdras 3:8

Ta schebal u ta schebal ha'bil shulelic ta Jerusalén a, te Zorobabel snich'an Salatiel, Jesúa snich'an Josadac, soc te yantic yermanotac, ha te sacerdotehetic, levitahetic soc spisil te mach'atic bahemic ta chuquel te ayiquix ta Jerusalén, hahchic ta a'tel; la ya'beyic ya'tel te levitahetic te c'axemix jtahb (20) ya'bilal te ya scuentahinic te a'tel ta sna Jehová.

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.