Esdras 10:11 - Bible in Tzeltal Bachajón

¹¹ Ha yu'un yo'tic halbeya amulic te Jehová te Dios yu'un te ame'atatic, soc pasahic te bin ya sc'an yo'tan. Loc'anic ta stojol te jyanlumetic soc ta stojol te jyanlum-antsetic, xchi.

Bible in Tzeltal de Oxchuc y Tenejapa

¹¹ Ja' yu'un yo'tic, li' ta stojol Cajwaltic te Dios yu'un te jme'-jtatique, na'aic me ta lec te ataoj amulic ta stojol te Cajwaltique, soc ja' me xapasbeyic te sc'anjel yo'tan stuquele. Pita abaic ta stojol te mach'atic ma ba xch'uunejic te Diose, soc ta stojol te jyanlum-antsetic in to —xi' te Esdras.

Esdras 10:11 Referans Kwoze

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Esdras 10:3

Yo'tic, ya jchahp jc'optic soc te Dios cu'untic, ya jticontic suhtel spisil te jyanlum-antsetic cu'uncotic soc te yalatac, ha chican bin ya yal stuquel te cajwal soc te mach'atic ya yich'ic ta muc' te smandar te Dios cu'untique. ¡Ac'a yich' pasel hich te bin ut'il ya yal te Ley!

Josué 7:19

Ha yu'un te Josué la yalbe te Acán: Jnich'an, halbeya yutsilal Jehová te Dios yu'un Israel, halbon ca'iy te bin apasoj, ma xamucbon ta awo'tan, la yut.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

Jeremías 3:13

Na'a me hiche te achopolil, como acontrahinej te Jehová, te Dios awu'un, soc la awac' aba ta antsinel ta stojol yantic diosetic ta ye'tal spisil pimil ya'binal te'etic, ma ba la awa'iybon te jc'ope, xchi te Jehová.

Isaías 56:4

Como hich ya yal te Jehová: Te eunucohetic te ya scanantaybon te sc'ahc'alel cux-o'tan, te ya stsahic te bin ya sc'an co'tan soc te jun yo'tanic yich'ojic ta cuenta te chapbil c'op cu'une,

Salmos 32:5

La jcalbat ta jamal te jmule, ma ba la jmuc te bin chopol la jpas. Hich la jcal: Ya me cal ta jamal te jmul ta stojol Jehová, xchihon, hich la apasbon perdón yu'un te jmule. Selah

Nehemías 13:3

Ha yu'un te c'alal la ya'iyic te bin la yal te Ley, la sloq'ueslanic ta stojol Israel spisil te mach'atic scapojix sbahic soc te jyanlumetique.

Esdras 9:1

C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.

Hebreos 13:21

ac'a scoltayex ta spasel spisil bintic lec scuenta yu'un yac apasic te bin ya sc'an yo'tan, soc ta scuenta Jesucristo ac'a a'tejuc ta awo'tanic ta spasel te bin lec yo'tan yu'une; ayuc me yutsilal te Cristo scuenta sbahtel q'uinal stuquel. Hichuc.

San Juan 9:24

Ha yu'un la scha'ticonic ta iq'uel tal te winic te ts'o'sit ta nahil to, hich la yalbeyic: ¡Halbeya yutsilal te Diose! Jna'ojcotic te ha jmulawil te winique, xchihic.

2 Crónicas 30:22

Te Ezequías la ya'be xan yip yo'tanic te levitahetic te la yaq'uic ta ilel te ay sp'ijil yo'tanic ta spasel te ya'tel te Jehová. Huqueb c'ahc'al la swe'ic te milbil mahtanil ac'bil yu'un te q'uin, la yaq'uic milbil mahtaniletic scuenta lamal q'uinal soc la yalbeyic wocol te Jehová te Dios yu'un te sme'statique.

Esdras 10:10

Te sacerdote Esdras la stehc'an sba, hich la yalbe: Te ha'exe atahoj amulic ta scaj te la awic' awihnaminic jyanlum-antsetic, hich la atohytesbeyic xan smul a te Israel.

Esdras 10:12

Ta spisil te pueblo hich la sjaq'uic ta aw: Hich ya jpascotic te bin yac awale.

Nehemías 9:2

Parte yac'ojix sbahic a te sts'umbal Israel ta stojol spisil te jyanlumetique; teq'uelic a la yalic ta jamal te smulic soc te smul te sme'statique.

Jeremías 7:3

Hich yaloj te Jehová te scuentahinej spisil, te Dios yu'un Israel: Tojobtesahic te behetic awu'unic soc te awa'telique, hich ya cac' te ya xnahinex li'i.

Ezequiel 18:30

Ha yu'un, snahex Israel, ya jchahpanex ta tuhlultuhl, ha chican te behetic awu'unic, xchi te Jehová, te Ajwalil. Suhtesa awo'tanic, ihquitayahic hilel spisil te c'axuntayel mandar awu'unic, scuenta yu'un ma ba ya sjinex te bin chopole.