Esdras 10:1 - Bible in Tzeltal Bachajón

¹ C'alal yac sc'opombel Dios a te Esdras soc ta yalel te mulil, ta oq'uel soc ta squejanel sba ta stojol te Templo yu'un Dios, bayel israeletic c'oht sjoy sbahic ta stojol, ha winiquetic, antsetic soc alaletic; yaquic ta tulan oq'uel.

Bible in Tzeltal de Oxchuc y Tenejapa

¹ Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

Esdras 10:1 Referans Kwoze

Daniel 9:20

C'alal yacon ta sc'oponel Dios soc ta yalel ta jamal te jmul soc smul te jlumal Israel, soc ta yalel wocol ta stojol Jehová te Dios cu'un yu'un te ch'ul wits yu'une;

Salmos 119:136

Muc'ul ha' ya xloc' ta jsit, yu'un ma ba ya sch'uhunic spasel te Ley awu'une.

Romanos 9:2

te bayel ya jmel co'tan soc spisil ora ay bin c'ux ya ca'iy ta co'tan,

1 Reyes 8:30

A'iybeya awa'iy te sc'op te a'bat awu'un soc te sc'op te pueblo Israel awu'un. C'alal ya sc'oponat ta lugar ini, a'iybeya sc'opic c'alal banti nahinemat ta ch'ulchan. A'iybeya soc pasbeya perdón.

San Lucas 19:41

Te c'alal c'oht ta nopol Jerusalén soc te c'alal la yil, la yoq'uetay,

Nehemías 8:9

Te gobernador Nehemías, te maestro-sacerdote Esdras soc te levitahetic te yac ya'bebelic sna'ic te pueblo, hich la yalbeyic spisil te pueblo: Ha ch'ul c'ahc'al ini yu'un te Jehová te Dios cu'untic; ma xamel awo'tanic soc ma x'oq'uex, xchihic. Como spisil te pueblo yac ta oq'uel yu'un te bin la yal te Ley.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Nehemías 10:28

Te yantic mach'atic ayic ta pueblo, ha te sacerdotehetic, levitahetic, jcanan-ti'nahiletic, jc'ayojetic, a'batetic ta Templo, soc spisil te mach'atic parte yac'oj sbahic yu'un te ants-winiquetic ta q'uinal yu'un ya yac' sbahic ta stojol te ley yu'un Dios, soc te yihnamic, queremetic soc ach'ixetic yu'unic, spisil te mach'atic ya sna'beyic scuentahil soc te ya sna'ic stsahtayel,

2 Crónicas 20:9

Teme ay bin chopol ya xtal ta jtojolcotic, teme espada scuenta castigo, o tulan chamel o wi'nal, ya xtal jtehc'an jbahcotic ta stojol ha'i Na ini soc ta atojol (como li' ay ta Na ini te abihile), ya cawtayatcotic ta scuenta te jwocolcotic, soc ha'at yac awa'iybotic jc'opcotic soc yac acoltayotcotic, te xchihique.

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Salmos 32:5

La jcalbat ta jamal te jmule, ma ba la jmuc te bin chopol la jpas. Hich la jcal: Ya me cal ta jamal te jmul ta stojol Jehová, xchihon, hich la apasbon perdón yu'un te jmule. Selah

1 Reyes 9:3

Hich halbot yu'un te Jehová: La jca'iybatix ac'op soc te bin la awalbon wocol ta jtojol. La jch'ultesix te Na te ha'at la apas scuenta yu'un tey ya x'ayin spisil ora a te jbihile. Tey ya cac' jsit soc co'tan ta spisil ora a.

Hechos 21:5

C'alal ts'acay sc'ahc'alel, loc'otcotic bahel. La sjoquinotcotic loq'uel tal ta sti'il te pueblo spisilic soc yihnamic soc yal-snich'nabic, la jquejan jbahcotic ta ti'ha', la jc'oponcotic Dios.

Hechos 10:30

La sjac' te Cornelio: Ayix ta schanebal c'ahc'al ta hichilan ora yacon ta sc'oponel Dios ta jna, ta oxeb ora suhtel c'ahc'al a la jquil te hul stehc'an sba ta jtojol jtuhl winic te ay sts'anabul sc'u' spac',

2 Crónicas 20:13

Spisil te winiquetic yu'un Judá soc antsetic, al-nich'anetic soc tut alaletic yu'unic tec'ajtic a ta stojol Jehová.

Deuteronomio 31:12

Tsoba tal te pueblo, winiquetic, antsetic, alaletic soc jyanlumetic te ayic ta pueblohetic awu'un, scuenta yu'un ya ya'iyic soc ya snopic yich'el ta muc' te Jehová te Dios awu'unic, soc tsahtaybil yu'unic ya spasic spisil te bin ya yal te Ley ini.

San Mateo 3:6

Jamal la yal smulic, hich ac'ticlambot yich'ic ha' yu'un ta muc'ul-ha' Jordán.

Esdras 10:6

Te Esdras loc' bahel ta sna Dios, baht ta scuarto te Johanán snich'an Eliasib. C'alal tey ay a ma ba la swe' pan soc ma ba la yuch' ha', como la smel yo'tan yu'un te ma junuc yo'tanic ta stojol Dios te mach'atic suhtemic tal ta chuquel.

Nehemías 1:4

C'alal la jca'iy te c'opetic ini, la juhcan jba, oc'on yu'un. Hal c'ahc'al la jmel co'tan yu'un, la jcom jwe'el soc la jc'opon te Dios ta ch'ulchan.

Nehemías 1:6

ya calbat wocol te jamaluc asit soc yacuc awa'iybe sc'op te a'bat awu'un te yacon ta yalel ta atojol c'ahc'al ahc'abal ta scuenta te snich'nab Israel te a'batetic awu'une. Ya calbat ta jamal te smul te snich'nab Israel te jtahojcotic ta atojol; ho'on soc te sna te jtat la jtahcotic jmulcotic.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Josué 8:35

Mayuc jp'ahluc te mandar yaloj Moisés te ma ba la yil te Josué ta stojol spisil te pueblo Israel, ha nix te antsetic, alaletic soc te jyanlumetic te nahinemic ta yohlilic.