Esdras 1:7 - Bible in Tzeltal Bachajón

⁷ Te ajwalil Ciro la sloq'ues te biluquetic te ya xtuhun ta sna Jehová, te yich'oj ta Jerusalén te Nabucodonosor te la yac'ticlan ta sna te diosetic yu'une.

Bible in Tzeltal de Oxchuc y Tenejapa

⁷ Te muc' ajwalil Ciro, ta stuquel-o'tan la yac' te biluquetic ya xtuun ta templo yu'un te Cajwaltique. Ja' te la yich' loq'uel ta Jerusalén te Nabucodonosor te la yac' ta templo yu'un te diosetic yu'une.

Esdras 1:7 Referans Kwoze

2 Crónicas 36:7

Soc te Nabucodonosor la yich' bahel ta Babilonia biluquetic te ayic ta sna Jehová, la yac' ta templo yu'un ta Babilonia.

Esdras 6:5

Ha nix hich te biluquetic pasticlambil ta oro soc ta plata yu'un te sna Dios, te la sloq'ues ta templo ta Jerusalén te Nabucodonosor, ac'a yich' suhtel ta yawil ta templo te ay ta Jerusalén, ac'a yich' aq'uel ta sna Dios, xchi.

Esdras 5:14

Soc te biluquetic pasticlambil ta oro soc ta plata ta sna Dios, te Nabucodonosor la sloq'ues ta Templo te ay ta Jerusalén, la yich' bahel ta templo ta Babilonia. Te ajwalil Ciro la sloq'ues ta templo ta Babilonia, la ya'be ta sc'ab te Sesbasar, te mach'a otsesot ta gobernador yu'un.

2 Reyes 24:13

Te Nabucodonosor la sloq'ues spisil te c'ulejalil ta sna Jehová soc ta sna ajwalil, hich te bin ut'il la yal te Jehová, soc la swuyticlan spisil te biluquetic pasticlambil ta oro te ay ta sna Jehová te pasticlambil yu'un Salomón ajwalil yu'un Israel.

2 Crónicas 36:10

Ta shahchel te ha'bil te Nabucodonosor la sticon ta iq'uel bahel ta Babilonia te Joaquín soc te biluquetic te bayel sc'oblalic ta sna Jehová, soc la yotses ta ajwalil yu'un Judá soc Jerusalén te Sedequías te stajun te Joaquín.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

2 Crónicas 36:18

Soc spisil te biluquiletic ta sna Dios, muq'uic soc tutic, te c'ulejaliletic yu'un te sna Jehová, te c'ulejaliletic yu'un te sna ajwalil soc yu'un te príncipaletic, spisil la yich' bahel ta Babilonia.

Jeremías 51:44

Hich ya yal te Jehová: Ya me ca'be castigo te Bel ta Babilonia, ya ca'be xehtay loq'uel te bin sbic'oje. Te nacionetic ma ba ya xtaliquix ta stojol; ya xjihn cohel te sts'ahcul te Babilonia.