Esdras 1:2 - Bible in Tzeltal Bachajón

² Hich ya yal te Ciro ajwalil yu'un Persia: Te Jehová te Dios ta ch'ulchan, ya'beyejon ta jcuenta spisil ta ban c'alal smacoj te ajwaliletic ta bahlumilal; soc ha la yalbon mandar te ya jpasbe sna ta Jerusalén te ay ta sq'uinal Judá.

Bible in Tzeltal de Oxchuc y Tenejapa

² “Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Esdras 1:2 Referans Kwoze

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Jeremías 10:11

Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

2 Crónicas 2:12

Soc hich la yal xan: Bayel me yutsil te Jehová, te Dios yu'un Israel, te la spas te ch'ulchan soc te bahlumilal, soc te la ya'be te ajwalil David jtuhl snich'an te ay sp'ijil yo'tan, te ya sna' soc stsahtayel spisil, te ha ya spas na yu'un te Jehová soc muc'ul na yu'un ajwalil.

1 Reyes 8:27

Pero ¿melel bal te ya xnahin Dios ta bahlumilal? Como te ch'ulchan, soc te stoyolil ch'ulchan, ma xhu' ya x'ochat a, ¿ha'uc to balix a te Na te la jpase?

Esdras 1:5

Ha yu'un hahchic te jtsobawetic yu'un jujun sna sme'stat yu'un Judá soc Benjamín, soc te sacerdotehetic soc levitahetic, spisil te mach'atic tijbot yo'tanic yu'un Dios te ya xmohic bahel ta spasel te sna Jehová te ay ta Jerusalén.

Esdras 3:7

La ya'beyic taq'uin te albañiletic soc te carpinterohetic, soc la ya'beyic we'el-uch'elil soc aceite te mach'atic yu'un Sidón soc Tiro scuenta yu'un ya yich'ic tal cedrohetic ta mar c'alal Líbano c'alal ta Jope, hich te bin ut'il la yal ta mandar te Ciro ajwalil yu'un Persia.

Esdras 4:3

Pero te Zorobabel, te Jesúa soc te yantic jtsobawetic yu'un jujuchahp sna sme'static ta Israel hich la yalic: Ma spas te ya joquin jbahtic ta spasel te sna te Dios cu'uncotic. Ta jtuquelcotic ya jpascotic te sna Jehová te Dios yu'un Israel, hich te bin ut'il la spasotcotic ta mandar te Ciro ajwalil yu'un Persia, xchihic.

Salmos 136:26

¡Halbeyahic wocol te Dios yu'un te ch'ulchan, como sbahtel q'uinal ay te sc'uxul yo'tane!

Isaías 41:2

¿Mach'a la stij hahchel te mach'a toj yo'tan te talem ta banti ya xloc' tal c'ahc'al, te la yic' tal yu'un ya xt'unot yu'un, te la ya'be ta sc'ab nacionetic soc la ya'be scuentahin ajwaliletic? ¿Mach'a la sutp'imbe ta ts'u'lum ta espada yu'un, te ta ya'tejibalul st'ihmalte' la spucbe bahel hich te bin ut'il suhlil trigo?

Isaías 44:28

Ho'on me te ya calbe sc'oblal te Ciro: Ha jcanan-tuminchij cu'un, ya spas spisil te bintic ya sc'an co'tan, hich ya yalbe te Jerusalén: Ya me awich' xan pasel, xchi, soc hich ya yalbe te templo: Ya me yich' pasel awich'o-ip, xchi.

Isaías 45:1

Te Jehová hich ya yalbe te Ciro, te mach'a tsahbil yu'un, te la jtsac ta swa'el-c'ab yu'un ya cac' scuentahin te nacionetic soc yu'un ya spojbe ya'tejibic yu'un guerra te ajwaliletic; yu'un ya jambe puertahetic ta stojol, puertahetic te ma ba ya yich'ic maquel:

Daniel 6:25

Hich te ajwalil Darío la sts'ihbabe spisil te pueblohetic, nacionetic soc c'opiletic ta spisil q'uinal, hich la yal: Ayuc bayel lamal q'uinal yac awa'iyic.

Jonás 1:9

La sjac' te Jonás: Te ho'one hebreohon, quich'oj ta muc' te Jehová te Dios ta ch'ulchan, te la spas te mar soc te lumq'uinal, xchi.

Esdras 5:15

Hich la yalbe: Ich'a bahel ta Templo te ay ta Jerusalén te biluquetic ini, soc ac'a yich' cha'pasel te na yu'un Dios ta yawil, xchi.

Esdras 6:3

Ta shahchibal ha'bil ya'tel ta ajwalil te Ciro, ha nix te ajwalil Ciro la yal ta mandar sc'oblal te sna Dios te ay ta Jerusalén te ac'a yich' cha'pasel te Na te banti ya yich' a'beyel milbil mahtaniletic, soc ac'a yich' pasel te yich'o-ip; ha oxwinic (60) xuhc'ubil stoyolil soc oxwinic xuhc'ubil sjamalil;

Esdras 6:10

scuenta yu'un ya ya'beyic milbil mahtaniletic te lec yo'tan yu'un te Dios ta ch'ulchan, soc te yacuc sc'opombeyic Dios yu'un te ajwalil soc te yal-snich'nabe.

Esdras 7:12

Te Artajerjes, ajwalil yu'un ajwaliletic, ya spatbe yo'tan te Esdras, sacerdote soc maestro yu'un te ley yu'un te Dios ta ch'ulchan.

Nehemías 1:4

C'alal la jca'iy te c'opetic ini, la juhcan jba, oc'on yu'un. Hal c'ahc'al la jmel co'tan yu'un, la jcom jwe'el soc la jc'opon te Dios ta ch'ulchan.

Nehemías 1:5

Hich la jcal: Jehová, Dios ta ch'ulchan, te ha muc' soc te ay ta xi'el, te ya sc'ohtes ta pasel te chapbil-c'op soc te ya sc'uxultay te mach'atic c'ux ya ya'iy ta yo'tanic soc te ya sch'uhunic te mandariletic yu'une,

Salmos 85:2

La apasbe perdón yu'un smul te pueblo awu'un; la amucbe ta asit spisil te smulique. Selah

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Jeremías 27:5

Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

Jeremías 29:10

Como hich yaloj te Jehová: C'alal ya sts'acay te lajuneb schanwinic (70) ha'bil ta Babilonia, ya xtal jc'ohtes ta pasel te bin t'ujbil caloj ta atojolic, ya cac' te ya suhtex talel ta lugar ini.

Daniel 1:21

Tey hil a te Daniel ha to c'alal ta shahchibal ha'bil ay ta ajwalil te Ciro.