Efesios 6:21 - Bible in Tzeltal Bachajón

²¹ Te quermanotic Tíquico te c'ux ta co'tantic soc te jun yo'tan yac'oj sba ta a'batinel yu'un te Cajwaltic, ya me xc'oht yalbeyex awa'iyic spisil bin ut'il ayon soc te bin yac jpasbele.

Nuevo Testamento Tzeltal de Amatenango

²¹ Te jTiquico, te hermano ben kꞌux ta koꞌtane y ben jun yoꞌtan te ya xkoltawan ta yaꞌtel te Kajwaltike, ya yichꞌ bael spisil te kꞌopetik te tutꞌ ayone sok te tut yipalon ta spasele.

Bible in Tzeltal de Oxchuc y Tenejapa

²¹ Te quermanotic Tíquico te bayal c'ux ta co'tantique, te jun yo'tan yac'oj sba ta coltaywanej ta swenta te Cajwaltique, ja' me ya yalbeyex awaiyic spisil te bi quilel ayon li'to soc te bila yacon ta spasele.

Efesios 6:21 Referans Kwoze

Hechos 20:4

Joquinot bahel c'alal Asia yu'un te Sópater snich'an Pirro, te talem ta Berea, Aristarco soc Segundo te talemic ta Tesalónica, Gayo te talem ta Derbe, Timoteo, soc te Tíquico soc Trófimo te talemic ta Asia.

2 Timoteo 4:12

La jticonix bahel ta Éfeso te Tíquico.

Tito 3:12

Te c'alal ya jticon tal ta atojol te Artemas o Tíquico, ayuc te ya xtal awilon ta ora ta Nicópolis, yu'un jnopoj te tey ya xc'ax cu'un a te yorahil sic.

2 Pedro 3:15

Na'ahic me, te bin ut'il te Cajwaltic yac ta smahliyel, ha scuenta colel, hich te bin ut'il te quermanotic Pablo te c'ux ta co'tantic la sts'ihbabeyex ta scuenta sp'ijil yo'tan te a'bibile.

1 Pedro 5:12

Ta scuenta te Silvano, te quermano te jun yo'tan, la jts'ihbabeyex cha'oxp'ahl c'op yu'un ya ca'beyex yip awo'tanic soc yu'un ya cal ta testigo-c'op te ha te smelelil yutsil yo'tan Dios ini, te jun awo'tanic ta stojol.

Filemón 1:16

ma hichuquix te bin ut'il moso, c'axuquix hich sc'oblal a te bin ut'il moso, hich te bin ut'il awermano te c'ux ta awo'tan, te ha nix hich bayel c'ux ya ca'iy ta co'tan te ho'one, pero c'axuc to xan hich ya xc'oht ta awo'tan, te bin ut'il jtuhl winic soc te bin ut'il awermano ta stojol Cajwaltic.

1 Timoteo 4:6

Teme hich yac awa'be snop te quermanotactic, lequil a'batat yu'un Jesucristo ya xc'ohat, te yipinej awo'tan yu'un te bintic ay ta ch'uhunel soc te lequil nohptesel te at'unoje.

Colosenses 1:7

La anopbeyic sc'oblal ta scuenta Epafras, te c'ux ta co'tancotic soc te joc jbahcotic ta a'tel, te jun yo'tan yac'oj sba ta a'batinel yu'un Cristo ta acuentahic,

1 Corintios 4:17

Ha scuentahil te la jticombeyex tal te Timoteo, ha te jnich'an te c'ux ta co'tan soc te jun yo'tan ta stojol te Cajwaltique. Ha ya ya'beyex ana'ic xan bin yilel te jcuxlejal ta stojol Cristo, bin ut'il la jcac' ta nopel ta bayuc soc ta spisil te iglesiahetique.

Filipenses 1:12

Quermanotac, ya jc'an te yac ana'ic te c'ax hich yac ta puhquel bahel te lec yach'il c'op yu'un te bin pasbilone.