Efesios 6:12 - Bible in Tzeltal Bachajón

¹² Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

Nuevo Testamento Tzeltal de Amatenango

¹² Porke ma jaꞌuk ya jtsal jbajtik sok te gente te pajal genteotik soke. Yuꞌun jaꞌ ya jtsal jbajtik sok te spuersa pukujetik te ma tsaꞌamuk yaꞌtele. Jaꞌik ya xmantalejik, ay yaꞌtelik, y ya skuentainik te balmilal to te ay ta ijkꞌal kꞌinale.

Bible in Tzeltal de Oxchuc y Tenejapa

¹² Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Efesios 6:12 Referans Kwoze

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Colosenses 2:15

La spojbe yu'el te principaletic soc te mach'atic ay ya'telic, la yac'ticlan ta ilel ta comonsitil c'alal la stsalticlan ta cruz.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

Efesios 1:21

te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Romanos 8:38

Ha yu'un ni ha'uc te lajel, te cuxlejal, ch'ul a'batetic, principaletic, te bin ay ta ora ini, te bin ya xc'oht ta pasel ta patil,

Efesios 3:10

scuenta yu'un ta ora ini, ta scuenta te iglesia, spisil mach'atic ayic ta ch'ulchan te ay yu'elic soc te ay ya'telic ya me x'a'bot sna'ic te c'ax bayel sp'ijil yo'tan te Diose,

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

1 Corintios 15:50

Pero ya calbeyex, quermanotac, te ch'ich'-baq'uet ma xhu' ya x'a'bot yich' te cuentahinel yu'un Dios, soc te bin scuenta c'a'el ma xhu' ya x'a'bot yich' te bin ma xc'a'e.

1 Pedro 3:22

te mach'a mohix ta ch'ulchan soc te ayix ta swa'el-c'ab te Diose; ha scuentahinej ch'ul a'batetic soc te mach'atic ay ya'telic soc te ay yu'elique.

Hebreos 12:1

Ha yu'un, te bin ut'il joytaybilotic yu'un tsobol ta tuhl testigohetic, ac'a quihquitaytic hilel spisil te bin ya smacotic soc te bin mulil ya sbech'otic, junuc co'tantic ac'a ahnumajucotic bahel te banti bahel yacotic,

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

San Juan 16:11

soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

Job 2:2

Hich joc'obot yu'un Jehová te Satanás: ¿Banti talat? xchi sc'oblal. Te Satanás la sjac'be te Jehová: Ayon ta behel ta yocliyel swohlol te bahlumilal, xchi.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

2 Timoteo 2:5

Ha nix hich te mach'a ya ya'iy tsaltamba ta ixta', ma xhu' ya yich' spremio teme ma stojiluc ya spase.

San Mateo 16:17

Hich halbot yu'un te Jesús: Bayel awutsil, Simón snich'anat Jonás, como ma ha'uc la ya'bat ana' te mach'a ch'ich'-baq'uet, ha la ya'bat ana' te Jtat te ay ta ch'ulchan.

Hebreos 12:4

como ma to ayuc amaloj ach'ich'elic yu'un scontrahinel te mulile.

Gálatas 1:16

te ya ya'bon jna'be sba te Snich'an scuenta yu'un ho'on ya calbe sc'oblal ta yohlil te jyanlumetic, ma ba la joc'obe te mach'a ch'ich'-baq'uet,

San Marcos 4:19

pero te sna'el bintic ay ta bahlumilal, te lo'loyel yu'un te c'uhlejalil soc te bic'sitayel biluquetic, ha ya stenic te c'ope, hich ma ba ya yac' sitinuc.

2 Corintios 11:14

Ma me yanuc yac awa'iyic a, como ha nix hich te Satanás ya sp'is sba ta ch'ul a'bat yu'un sacal q'uinal.