Efesios 5:6 - Bible in Tzeltal Bachajón

⁶ Ma me ayuc mach'a yac awac' slo'loyex ta tojol-c'opetic, como ta scuenta spasel ini ya xtal te yilimba Dios ta stojol te mach'atic jc'axun-c'opetic.

Nuevo Testamento Tzeltal de Amatenango

⁶ Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Bible in Tzeltal de Oxchuc y Tenejapa

⁶ Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

Efesios 5:6 Referans Kwoze

Romanos 1:18

Ya xchicnaj c'alal ta ch'ulchan te yilimba Dios ta stojol spisil mach'atic ma xyich'ic ta muc' te Dios soc te bintic chopol ya spasic, te ha ta scuenta schopol a'telic ya scomic te bin smelelil,

San Mateo 24:4

La sjac' te Jesús: Xawil me abahic, ma me ayuc mach'a ya slo'loyex,

Colosenses 2:8

Tsahtaya me abahic te manchuc ayuc mach'a ya slo'loyex ta scuenta biluc nax c'opil te mayuc scuentahil, te bintic ay ta nopel yu'un ants-winiquetic soc te bintic stalel ay ta na'el ta scuenta nax bahlumilal, te ma ha'uc yu'un te Cristo.

1 Juan 4:1

Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

Colosenses 3:6

Ha ta scuentahic ini te ya xtal te yilimba Dios ta stojol te jc'axun-c'opetique.

San Marcos 13:5

Te Jesús hich hahch yalbe: Tsahtaya me abahic, ma me ayuc mach'a ya slo'loyex;

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

1 Pedro 2:8

soc: Ha ton scuenta c'ohchinojibal soc ha ton te ya xyahlteswan, xchi. Ha ya sc'ohchin sbahic a ta scaj te ma ba ya sch'uhunic te c'ope. ¡Yu'un hich nix ya xc'ohtic ta loq'uel a!

2 Tesalonicenses 2:3

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht,

Colosenses 2:4

Hich ya calbeyex scuenta yu'un mayuc mach'a ya slo'loyex ta scuenta t'ujbil c'opetic te ya xlo'loywane.

San Marcos 13:22

Como ya me xchicnaj lotil cristohetic soc lotil jalwanejetic te ya yaq'uic ta ilel señahiletic soc jchahp a'teliletic yu'un ha ya slo'loyic a te mach'atic tsahbilic, te yacuc xhu' yu'unique.

Colosenses 2:18

Ma me xawac' spojbeyex te premio awu'unic te mach'a sp'isoj sba te peq'uel ay soc te ya sch'uhuntay ch'ul a'batetique. Ha ya slom ta halel te bin ma ba yiloj, tojol ya stoy sba yu'un te bin snopoj ta scuenta ch'ich'-baq'uet;

Salmos 78:31

c'alal tal ta stojolic te yilimba Dios, la yac' lajuc te mach'atic bayel yipic, la slajinlan te mach'atic tsahbilic ta Israel.

Hebreos 3:19

Ha yu'un ya quiltic te ma ba hu' yochelic ta scaj te ma ba la sch'uhunique.

Miqueas 3:5

Hich yaloj te Jehová sc'oblal te jalwanejetic te ya yac' howijuc bahel te pueblo cu'un, te hich ya yalic ta aw: Lamal q'uinal, xchihic te c'alal ay swe'elic, yan te mach'atic ma ba ya x'a'bot swe'elic yu'un ya yalbeyic sc'oblal guerra.

Jeremías 29:31

Ticona ta halbeyel spisil te mach'atic ic'otix bahel ta chuquel: Te Jehová hich yalbeyej sc'oblal te Semaías te talem ta Nehelam: Te bin ut'il la yalbeyex sc'op-jalwanej te Semaías, aunque ma ba jticonej, soc la ya'beyex smuc'ulin awo'tanic lot,

2 Reyes 18:20

Hich yac awal (pero tojol bin yac awal): Ay bin jnopoj soc ay quip yu'un guerra, xchihat. Pero ¿bin smuc'ulinej awo'tan te atoyoj aba ta jtojol a?

Jeremías 27:9

Ha yu'un ma me xawa'iybeyic sc'op te jalwanejetic awu'unic, te jna'ojeletic, jwayichijeletic, jwoyawetic soc te jmonawetic awu'unic te hich ya yalbeyex: Ma ba yac awac' abahic ta a'batinel yu'un te ajwalil yu'un Babilonia, te xchihique.

Jeremías 37:9

Hich yaloj te Jehová: Ma me xalo'loy abahic, te hich yac awalic: Ya me yihquitayotic te caldeohetic, ma me xchihuquex, como ma ba ya xbahtic.

Hebreos 13:9

Ma me xawac' slo'loyex te bintic yantic ay ta nopele. Ha lec te ya yipin co'tantic te yutsil yo'tan Dios, ma ha'uc te mandariletic scuenta we'elil, te mayuc bin la stahic a te mach'atic hich ya spasique.