Efesios 5:5 - Bible in Tzeltal Bachajón

⁵ Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Nuevo Testamento Tzeltal de Amatenango

⁵ Yuꞌun anaꞌojikix te machꞌa ya spas te antsiwejele o ya spas te tutik skuenta balmilale, o te tut ya skꞌupin-oꞌtanile, te jaꞌ pajal sok te xchꞌuunel te lotil diosetike, ma xjuꞌ ya xkꞌot te ba ay ta ajwalil te Cristoe y sok te Diose.

Bible in Tzeltal de Oxchuc y Tenejapa

⁵ Melel ana'ojic stojol te bit'il ya xc'ot te mach'a ya xyal ta mulile, soc spisil ta jchajp chijil-o'tanil soc te bic'tal-o'tanil yu'un taq'uin te ja' pajal soc te xch'uunel loc'ombaetique. Ma xju' te ya xc'o ainuquic tey a ta banti ay ta ajwalinel te Cristoe soc te Diose.

Efesios 5:5 Referans Kwoze

Gálatas 5:21

ti'ti'o'tantaywanej, yacubel, spasel bohlq'uin, soc yantic bintic pajal soc. Ya jtsitsex yu'un spisil ini, hich te bin ut'il la jcalbeyex ta nahil to, te mach'atic hich ya spasulanic ma ba ya x'a'bot yich'ic te cuentahinel yu'un te Diose.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Colosenses 3:5

Ha yu'un ac'a chamuc te bintic scuenta bahlumilal te ay ta awo'tanic: ha te antsiwej soc antsinel, te bintic ilobtic sba, sc'anel bintic ma lecuc, smulanel spasel bin chopol, soc bic'tal-o'tanil, te ha pajal soc sch'uhunel loc'ombahetic.

Efesios 5:3

Te antsiwej soc antsinel, spisil bin ilobtic sba, o sbic'tal-o'tanil, jc'axel ma me xatahic ta halel, como ma snuhp'uc te mach'a ch'uhltesbilic.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Gálatas 5:19

Jamal chican te ya'tel te jpoco'-taleltic yu'un mulil: ha te antsiwej, antsinel, bin ilobtic sba, ma'q'uexlalil,

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

1 Timoteo 6:10

Como te slohp' spisil te bintic chopole ha te sbic'sitayel taq'uin. Ay mach'atic la sbic'sitayic taq'uin, hich la yihquitayic sch'uhunel Dios soc ha'ic nix la ya'be sba bayel swocolic yu'un.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

Éxodo 20:17

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Josué 7:21

Ta yohlil te biluquetic la jquil t'ujbil nahtil-c'u'ul talem ta Babilonia, soc lajunwinic (200) ta sehp plata soc jpehch oro te lajuneb yoxwinic (50) siclo yalal, bic'taj co'tan yu'un, hich la jtsac. Nac'bilix ta lum ta ye'tal te jnahilpac', soc ay ta ye'tal xan te taq'uine, xchi.

Hechos 8:21

Mayuc awa'tel ta spasel ini soc ma acuentahuc, como ma tojuc awo'tan ta stojol Dios.

Hechos 20:32

Yo'tic, quermanotac, ya caq'uex hilel ta stojol Dios soc te c'op yu'un te yutsil yo'tan, te ay yu'el te ya ya'beyex yip awo'tanic soc pajal ya ya'beyex awich'ic hilel soc te mach'atic ch'uhltesbilic te bin quechel yac awich'ique.

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,