Efesios 5:4 - Bible in Tzeltal Bachajón

⁴ Soc ma me xawalic c'opetic te ma stojiluc, o loca-c'op, lomlom-c'op, te ma hichuc ya sc'an halel, ha lec yac awo'tantayic yalbeyel wocol te Diose.

Nuevo Testamento Tzeltal de Amatenango

⁴ Sok ma xꞌawalikix te bol kꞌopetike sok te tut puru lote te ma xtuune. Mas jaꞌ lek albeyaik kola yal te Diose.

Bible in Tzeltal de Oxchuc y Tenejapa

⁴ Ma me xawalic bol c'op, soc te jowil c'ope, soc te bila ma ich'biluc swentail ta alele. Ja' lec bajt'uc me ta awo'tanic yalel wocol ta stojol te Diose.

Efesios 5:4 Referans Kwoze

Colosenses 3:8

Pero yo'tic ihquitayahic spisil ini: ilimba, c'ahc'ubel, snopel spasel bin chopol, bohlc'optaywanej soc ixta'c'op.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

1 Tesalonicenses 5:18

Halbeyahic wocol Dios ta spisil bintic ya xc'oht ta pasel ta atojol, yu'un hich ya sc'an yo'tan Dios ta atojolic ta scuenta Cristo Jesús.

Proverbios 15:2

Ya xloc' p'ijil c'op ta ye te mach'atic p'ij yo'tanic, pero te ye te mach'atic ma sna'ic q'uinal ya yal te bin mayuc sc'oblal.

Eclesiastés 10:13

Te sc'op ta shahchibal mayuc scuentahil; te slajibal te bin ya yal jc'axel ma xtuhun.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

Judas 1:10

Pero te winiquetic ini ya yixta'c'optayic te bintic ma sna'beyic scuentahil; soc te bintic stalel ay ta na'el yu'unic, ya sbohlobtes sbahic a, hich te bin ut'il chambahlametic te ma sna'ic q'uinal.

2 Corintios 9:15

¡Wocol yal Dios yu'un te smahtan te mayuc bin c'an spajbe yutsil stuquele!

San Marcos 7:22

xbic'bon yo'tan, uts'inwanej, lo'loywanej, chijil-o'tanil, bic'tal-o'tanil, ixta'c'op, toybahil soc te ma sna' q'uinale.

Salmos 92:1

Lec te ya xhalbotat awutsilal, Jehová, te ya yich' c'ayojtayel abihil, Ha'at te mero toyol ayat;

Judas 1:13

Ha tulan stselajan mar te capal soc sbuhl ya scuch tal te sq'uexlalic; ha howiyem eq'uetic te chapal sc'oblalic te ha yawilic sbahtel q'uinal ya xc'oht te mero yihc'al q'uinale.

2 Corintios 1:11

Ha scuentahil ya jc'ancotic te yacuc ac'opombotcotic Dios; yu'un hich te bin ut'il ay tsobolic te ya sc'opombotcotic Dios, ha nix hich ay tsobolic te ya yalbeyic wocol Dios ta jcuentacotic yu'un te mahtanil a'bibilotcotique.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Proverbios 12:23

Te mach'a ay sp'ijil ya smuc te bin ya sna', yan te mach'atic ma sna'ic q'uinal, ya spuquic ta halel bin ma sna'ic.

2 Pedro 2:7

Pero la scoltay loq'uel te Lot, te toj ta winiquil, te bayel la smel yo'tan yu'un te bintic chopol la spasic te mach'atic chopol yo'tanic,

Salmos 33:1

Tse'eluc me awo'tanic ta stojol Jehová, ha'ex te toj awo'tanique; ha t'ujbil te ya yalbeyic yutsil sc'oblal te mach'atic lec yo'tanique.

Filemón 1:8

Ha yu'un, aunque ya xhu' ya jpasat ta mandar ta scuenta Cristo yu'un spasel te bin lec ya sc'an pasele,

1 Tesalonicenses 3:9

Ha yu'un ¿bin ya xhu' ya calcotic xan ta yalbeyel wocol Dios ta acuentahic, yu'un bayel stse'elil co'tancotic ta acuentahic ta stojol te Dios cu'untique?

Efesios 1:16

ma ba ya jquehchan yalbeyel wocol Dios awu'unic, yac jna'belex te c'alal ya jc'opon te Diose.

San Juan 6:23

Pero ay yan barcohetic talemic ta Tiberias te tey hulemic a ta nopol banti la swe'ic te pan te la yalbe wocol Dios yu'un te Cajwaltique.

Daniel 6:10

Te c'alal la ya'iy te Daniel te yich'oj firma te mandare, baht ta sna, la sjam te ventanahetic ta banti ya xway, te ayic ta stojol bahel te Jerusalén, la squejan sba oxeb buelta jujun c'ahc'al, la sc'opon Dios soc la yalbe wocol, hich te bin ut'il ya spasulan spisil ora.

Proverbios 26:19

hich ay te mach'a ya slo'loy te spat-xuhc soc patil hich ya yal: Ixta' nax la jpas, xchi.