Efesios 5:26 - Bible in Tzeltal Bachajón

²⁶ yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

Nuevo Testamento Tzeltal de Amatenango

²⁶ Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

Bible in Tzeltal de Oxchuc y Tenejapa

²⁶ Jich la spas swenta yu'un ya xch'ultes soc ya spoc ta ja' ta swenta te sc'ope.

Efesios 5:26 Referans Kwoze

San Juan 15:3

Te ha'exe pastaybilexix yu'un te jc'op la jcalbeyexe.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

San Juan 3:5

Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Efesios 6:17

Ich'ahic smahquil jolal yu'un colel soc te espada yu'un te Espíritu, ha te sc'op Diose.

1 Juan 5:6

Ha te Jesucristo te tal ta scuenta ha' soc ch'ich'. Ma ha'uc nax ta scuenta ha', ta scuenta ha' soc ch'ich'. Soc ha te Espíritu te ya yal ta testigo, como te Espíritu ha te bin smelelile.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

Hebreos 10:10

Ta scuenta te hich la sc'an yo'tan te Jesucristo, la jquich'tic lecubtesel ta scuenta te jmehl nax la yac' ta milbil mahtanil te sbaq'uetal ta scuenta sbahtel q'uinal.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

Hechos 22:16

Yo'tic, ¿bin ya scomat? Hahchan, ac'a aba ta a'beyel awich' ha' soc poca loq'uel amul, c'opona te Diose, xchi.

1 Pedro 1:2

te tsahbilic ta scuenta te nahil na'bot sbahic yu'un te Jtatic Dios, ta scuenta te ch'ultesel yu'un te Espíritu, yu'un ya sch'uhumbeyic smandar te Jesucristo soc ya yich'ic tsihtsinel ta sch'ich'el: Bayeluc me yutsil-o'tanil soc lamal q'uinal ta atojolic.

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

San Juan 17:7

Yo'tic sna'ojiquix te talem ta atojol spisil te bintic awa'beyejon,

Ezequiel 16:9

La jcatintesat, la jpocbat ach'ich'el soc la jmalbat ta aceite.

Santiago 1:18

Ta scuenta sc'anojel yo'tan la yac' te ya x'ayinotic ta scuenta te smelelil c'op, scuenta yu'un sba sit ya xc'ohotic yu'un spisil bintic pasbil yu'un.

San Juan 15:8

Ha ya x'ich'ot ta muc' Jtat yu'un teme bayel ya sitinex, hich ya xchicnaj a te ha jnopojelex cu'un.

Levítico 8:6

Te Moisés la yic' tal te Aarón soc snich'nab, la spocticlan ta ha'.

Levítico 16:30

como ha sc'ahc'alel te ya yich' pasel te stojel mulil awu'unic, hich ya xlecubex yu'un spisil amulic ta stojol Jehová.

San Juan 13:10

Halbot yu'un te Jesús: Te mach'a atinemix, ha xanix ya sc'an pocbeyel yoc, hich me scohtol pocbil ya xc'oht a. Te ha'ex pocbilexix, aunque ma apisilicuc, xchi sc'oblalic.

Romanos 10:8

Pero ¿bin ya yal? Hich ya yal: Nopol ay ta atojol te c'ope, ay ta awe soc ay ta awo'tan, xchi. Ha te c'op scuenta sch'uhunel-o'tanil ini te yacotcotic ta yalele:

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.

Hebreos 10:14

como ta scuenta junax milbil mahtanil la slecubtes sbahtel q'uinal te mach'atic ch'ultesbilique.

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

Hebreos 13:12

Ha nix scuentahil a te Jesús c'ax swocol ta sti'il te pueblo scuenta yu'un ya sch'ultes te ants-winiquetic ta scuenta te sch'ich'ele.

2 Pedro 1:9

Yan te mach'a mayuc yu'un ini, ma ba lec te site, ma xyil q'uinal, ch'ayem ta yo'tan te pocbotix loq'uel te smul la sta ta nahil to.

Levítico 14:11

Te sacerdote te ya slecubtesbe sc'oblal te jchamele, ha ya stehc'an ta stojol Jehová te mach'a ya yich' lecubtesel soc sbiluc ta stojol te yochibal Nahilpac' Templo yu'un tahojibal.