Efesios 5:23 - Bible in Tzeltal Bachajón

²³ como ha jolal yu'un ants te smamalal, hich te bin ut'il te Cristo ha jolal yu'un te iglesia, te ha sbaq'uetal soc ha Jcoltaywanej yu'un.

Nuevo Testamento Tzeltal de Amatenango

²³ Porke te mamlalile jaꞌ jolol yuꞌun te yiname jich tutꞌil te Cristo jaꞌ jolol yuꞌun te juju-tijkꞌ hermanoetike. Te Cristoe jaꞌ jkoltawanej yuꞌun te juju-tijkꞌ hermanoetike, te jaꞌ stiꞌbalul kꞌoeme.

Bible in Tzeltal de Oxchuc y Tenejapa

²³ Melel ja' sjolinejic te smamlalique; jich bit'il te Cristoe, ja' jolol yu'un te jch'uunjeletique, te ja' sbaq'uetal, soc ja' Jcoltaywanej yu'unic.

Efesios 5:23 Referans Kwoze

Colosenses 1:18

Ha jolal yu'un te iglesia, te ha sbaq'uetal; ha shahchibal, ha nahil cha'cuxaj ta yohlil te mach'atic chamenic, scuenta yu'un ha toyol ya xc'oht yu'un spisil bintic ay stuquel,

Efesios 4:15

pero smelelil ya xc'opojotic ta scuenta sc'uxul co'tantic, spisil behbehucotic me ta muc'ubel ta stojol te Jolal, ha te Cristo,

1 Tesalonicenses 1:10

soc yac amahliyic te ya xtal ta ch'ulchan te Snich'an, te cha'cuxaj tal ta yohlil mach'atic chamenic, ha te Jesús, te mach'a ya yac'otic ta libre yu'un te ilimba talel yaque.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

1 Corintios 6:13

Te we'elil ha yu'un ch'uhtul soc te ch'uhtul ha yu'un we'elil, pero Dios ya me slajin ta schebal. Pero te jbaq'uetaltic, ma ha'uc stuc yu'un antsiwej o antsinel, ha yu'un Cajwaltic, soc te Cajwaltic ha yu'un te jbaq'uetaltique.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Efesios 5:24

Hich te bin ut'il te iglesia ay ta cuentahinel yu'un te Cristo, ha nix hich te nuhpunem antsetic ya yac' sbahic ta cuentahinel yu'un smamalalic ta spisil.

Apocalipsis 19:7

Bayeluc me yutsil co'tantic, tse'eluc me co'tanic soc ac'a calbetic yutsil sc'oblal, como c'ohtix yorahil te ya xnuhpun te Jcolel Tuminchij, soc la schahpanix sba te mach'a ya xnuhpun soque.