Efesios 5:21 - Bible in Tzeltal Bachajón

²¹ Talel c'axel me xawich' abahic ta cuenta, ta scuenta yich'el ta muc' te Cristo.

Nuevo Testamento Tzeltal de Amatenango

²¹ Chꞌuunbeya aba amantalik ta juju-tul te tutꞌil axiꞌojik te Diose.

Bible in Tzeltal de Oxchuc y Tenejapa

²¹ Jech ich'a abaic ta muc' ta swenta bit'il awich'ojic ta muc' ta melel te Cristoe.

Efesios 5:21 Referans Kwoze

Filipenses 2:3

Ma me ayuc bin yac apasic ta scuenta te bin ya sc'an awo'tanic atuquel o ta scuenta toybahil; peq'ueluc xawac' abahic, hich me xap'is te toyol xan ay te yantic te bin ut'il te ha'ate.

Efesios 5:24

Hich te bin ut'il te iglesia ay ta cuentahinel yu'un te Cristo, ha nix hich te nuhpunem antsetic ya yac' sbahic ta cuentahinel yu'un smamalalic ta spisil.

Efesios 5:22

Te nuhpunem antsetic ac'a yac' sbahic ta cuentahinel yu'un te smamalalic, hich te bin ut'il ta stojol te Cajtwaltique,

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Hebreos 13:17

Ch'uhumbeyahic smandar te mach'atic scuentahinejex, ac'a abahic ta cuentahinel yu'unic, como hich ya scanantaybeyex ach'uhlelic te bin ut'il mach'atic ya yaq'uic cuenta te ya'telique. Hich me xapasic scuenta yu'un tse'el yo'tanic ya x'a'tejic, te ma x'aletuc yo'tanic awu'unic, como mayuc bin lec yac atahic yu'un.

1 Pedro 2:17

Ich'ahic ta muc' spisil yantic. C'ux me xawa'iy ta awo'tanic te awermanotac. Xi'ahic me te Diose. Ich'ahic me ta muc' te ajwalile.

1 Timoteo 3:4

Ya sc'an te sbehlal ya scuentahin mach'atic ay yu'un ta sna, te ya xch'uhumbot smandar yu'un te yal-snich'nab soc ich'bil ta cuenta yu'unic.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

1 Timoteo 2:11

Te ants ac'a slahman sba ta snopel soc peq'ueluc yo'tan.

1 Corintios 16:16

Ya calbeyex wocol te yacuc awac' abahic ta cuentahinel yu'un te mach'a hich yac spasbelic, soc spisil mach'atic ya xcoltaywanic soc ya x'a'tejic.

Proverbios 24:21

Jnich'an, ich'a ta muc' te Jehová soc te ajwalil, ma me xajoquin te jtoybahetique,

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

2 Crónicas 19:7

Ha yu'un, ich'ahic ta muc' te Jehová, tsahtayahic te bin yac apasic, como te Jehová te Dios cu'untic ma ha'uc te ma tojuc ya xchahpanwan, ma tsahbiluc nax mach'a ya sc'uxultay soc mayuc chahpanel yu'un ta scuenta taq'uin, xchi.

1 Pedro 2:13

Ta scuenta Cajwaltic ac'a abahic ta cuentahinel yu'un spisil mach'atic yich'oj ya'telic ta bahlumilal, hich te bin ut'il te ajwalil te muc' ya'tel,

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Nehemías 5:9

Hich la jcal xan: Ma lecuc te bin yacalex ta spasele. ¿Ma bal ha'uc lec te ya xbehenex ta scuenta yich'el ta muc' te Dios cu'untic, scuenta yu'un ma ba ya quich'tic labanel yu'un te yantic nacionetic te ha jcontratique?

1 Crónicas 29:24

Spisil te príncipaletic soc te mach'atic ay yipic, soc spisil te snich'nab te ajwalil David la yich'ic ta cuenta te ajwalil Salomón.

Génesis 16:9

Hich halbot yu'un te ch'ul a'bat yu'un Jehová: Suhtan bahel ta stojol awajwal, ac'a xan aba ta cuentahinel yu'un, xchi.

2 Corintios 5:11

Jna'ojcotic bin ut'il ay ta xi'el te Cajwaltic, ha yu'un ya cac'cotic fuersa te ha'uc ya xc'oht ta yo'tanic te ants-winiquetique. Dios sna'oj bin ut'il ayotcotic, soc co'tanuc te ha nix hich ana'ojique.