Efesios 5:18 - Bible in Tzeltal Bachajón

¹⁸ Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

Nuevo Testamento Tzeltal de Amatenango

¹⁸ Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

Bible in Tzeltal de Oxchuc y Tenejapa

¹⁸ Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Efesios 5:18 Referans Kwoze

Proverbios 20:1

Ha jlabanwanej te vino, soc hach-c'op te pajubtesbil uch'balil; mayuc sp'ijil yo'tan te mach'a ya xhowiytesot yu'un.

Romanos 13:13

Lecuc me ac'a ayinucotic ta q'uinal, hich te bin ut'il ya sc'an ta c'ahc'alel; ma me ha'uc ya xbaht ta co'tantic puro we'el soc yacubel, ma me xca'iytic antsiwej soc ma me xawac' abahic ta antsinel, ma me xca'iytic chijil-o'tanil, ma me xca'iytic hach-c'op soc ti'ti'o'tantaywanej.

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

Isaías 5:22

¡Ay me swocolic te mach'atic ay yipic ta yuch'el vino, soc te winiquetic te ay yipic yu'un scapel te uch'balil,

1 Corintios 5:11

Pero ya jts'ihbabeyex te ma me xajoquinic te mach'a ya scuy sba ta hermano, teme ha j'antsiwej, o te ay st'ut'il, sch'uhunej lotil diosetic, j'ixta'c'op, jyacubel o j'elec'; ma me xajoquin abahic ta we'el soc.

Hechos 11:24

Buen lec yo'tan te Bernabé, ha nojel ta yo'tan te Ch'ul Espíritu soc ay bayel sch'uhunel yo'tan. Tsobol mach'atic tal ta stojol te Cajwaltique.

1 Tesalonicenses 5:7

Como te mach'atic ya xwayic, ta ahc'abal ya xwayic, soc te mach'atic ya xyacubic, ta ahc'abal ya xyacubic.

San Lucas 12:45

Yan te a'bat te hich ya yal ta yo'tan: Ma xtal ta ora te cajwal, teme xchihe, hich ya xhahch smajticlan te a'batetic soc te criadahetic, soc ya xhahch ta we'el uch'el soc ta yacubel,

San Lucas 11:13

Te ha'ex te chopol awo'tanic, teme yac ana'ic ya'beyel lequil mahtanil te awal-anich'anic, ¿ha'uc to balix a te Atatic ay ta ch'ulchan ya ya'be te Ch'ul Espíritu te mach'atic ya xc'ambot yu'une? xchi.

1 Corintios 6:10

j'eleq'uetic, mach'atic ay st'ut'ilic, jyacubeletic, j'ixta'c'opetic, jlo'loyej-biluquetic, ha'ic ini ma ba ya x'a'bot yich'ic te cuentahinel yu'un Dios.

Tito 1:6

Te anciano ya sc'an te mayuc bin ya sutot ta c'op yu'un, te jtuhluc nax yihnam, te sch'uhunej Dios te yal-snich'nab soc ma ba ya xhalbot sc'oblalic te ha chopol stalelic soc jc'axun-mandaretic.

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

Isaías 55:1

¡Ha'ex te taquin awo'tanic, la'ic, la'ic ta banti ay te ha'e; ha'ex te mayuc ataq'uinic, la'ic, manahic soc we'anic! ¡La'ic, ma ta taq'uinuc yac amanic, mayuc stojol te vino soc te leche!

Deuteronomio 21:20

hich ya xc'oht yalbeyic: Ha'i cal-jnich'ancotic ini mero tulan yo'tan soc toyol yac'oj sba, ma ba ya sch'uhun jc'opcotic, ha nax bahem ta yo'tan we'el soc yacubel, xchihic.

1 Corintios 11:21

Como te c'alal ya xwe'ex, tuhlutuhl ya xnahilij ta stsaquel te swe'ele; ay mach'a ay ta wi'nal, ay yan mach'a ya xyacub.

Cantares 1:4

¡Ic'awon bahel ta ora! Te ajwalil la yic'on ochel ta stsalul sna. Tse'el me co'tancotic soc bayel me yutsil co'tancotic ta atojol; c'ax me hich ya jna'cotic a te sc'uxul awo'tan te bin ut'il te vino. ¡Ha scuentahil te c'uxat ta yo'tanic!

Génesis 9:21

La yuch'be ya'lel te ts'usube, yacub yu'un, la schol sc'u' spac' ta yutil snahilpac'.

San Mateo 23:25

¡Ay me awocolic, escribanohetic, fariseohetic, jchebal-o'tanex! como yac apoquic te spat vaso soc te plato, pero ta yutil nojel ta elec' soc ta bintic ma tojuc ta pasel.

Isaías 25:6

Ta wits ini te Jehová te scuentahinej spisil ya me schahpambe bayel lequil we'elil yu'un spisil te nacionetic, bayel lequil vino, tsahbil lequil ti'bal soc tsahbil lequil vinohetic.

Salmos 69:12

Te mach'atic huculic ta yochibal te pueblo ya scontrac'optayonic, soc ya slabonic ta c'ayoj te jyacubeletique.

San Mateo 24:49

hich ya xhahch smajticlan te smohlol ta a'batil soc ya sjoquin ta we'el ta uch'el jyacubeletic,

Cantares 7:9

te apa'jaj pajaluc soc lequil vino te ya xc'oht ta stojol te mach'a c'ux ta co'tan soc c'un ya xmahl bahel ta sti'il ye te mamaletique.

Levítico 10:9

Ha'at soc anich'nab te sjoquinejat, ma me xawuch'ic vino o yan bin pajuben te bin ora ya x'ochex bahel ta Nahilpac' Templo yu'un tahojibal, scuenta yu'un ma ba ya xchamex. Ha mandaril te ma xlaj sc'oblal yu'un cajalcaj ats'umbal,

San Juan 2:10

hich la yalbe: Spisilic ha nahil ya yaq'uic te lequil vino; te c'alal bayel la yuch'iquix a, ha to ya yac' te banti ma lequil vinohuc; pero ha'at aq'uejoj te lequil vino c'alal ora, xchi.