Efesios 5:17 - Bible in Tzeltal Bachajón

¹⁷ Ha yu'un ma me biluc nax xalomic ta pasel, na'ahic me te bin ya sc'an yo'tan te Cajwaltique.

Nuevo Testamento Tzeltal de Amatenango

¹⁷ Jaꞌ yuꞌun, ma me yuꞌunuk ma pꞌijukex. Nopaik me te tut skꞌan yoꞌtan te Kajwaltike.

Bible in Tzeltal de Oxchuc y Tenejapa

¹⁷ Jich yu'un ma me boluquex. Na'aic me spasel te bila ya sc'an yo'tan te Cajwaltique.

Efesios 5:17 Referans Kwoze

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

1 Tesalonicenses 5:18

Halbeyahic wocol Dios ta spisil bintic ya xc'oht ta pasel ta atojol, yu'un hich ya sc'an yo'tan Dios ta atojolic ta scuenta Cristo Jesús.

Colosenses 1:9

Ha scuentahil, te c'alal hich la jca'iybeyex ac'oblalic, ma ba ya xquehchajotcotic ta sc'oponel Dios ta atojolic, ha ya jc'ambecotic te yacuc snojesbeyex ta awo'tanic sna'el bin ya sc'an yo'tan, ta scuenta spisil p'ijil-o'tanil soc snopojibal ta scuenta espíritu.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

1 Pedro 4:2

hich te jayeb xan c'ahc'al cuxul ta bahlumilal ma ba ya spas te bintic ya smulan spasel te bin scuenta ch'ich'-baq'uet, ha ya spas te bintic ya sc'an yo'tan te Diose.

Colosenses 4:5

P'ijanic me bin ut'il ya x'ayinex soc te mach'atic ma ba sch'uhunejic te Cristo, ayuc me scuentahil bin ut'il ya xc'ax c'ahc'al awu'unic ta stojolic.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Salmos 111:10

Te shahchibal te p'ijil-o'tanil ha te yich'el ta muc' te Jehová; spisil te mach'atic ya spasic te mandariletic yu'un ya sna'ic q'uinal ta lec. ¡Ay ta halbeyel yutsil sc'oblal sbahtel q'uinal!

Job 28:28

Hich la yalbe te ants-winiquetic: Ha p'ijil-o'tanil te yich'el ta muc' te Cajwaltique, soc ha lequil nohptesel te yihquitayel te bin chopole, xchi.

Proverbios 14:8

Te p'ijil-o'tanil yu'un te mach'a p'ij, ha te ya stsahtay te behetic yu'un, pero te tojol c'op yu'un te mach'a ma sna' q'uinal, ya xlo'loywan.

Proverbios 2:5

hich me yac ana' a te xi'el te Jehová soc hich me yac ana'be sba a te Diose.

Deuteronomio 4:6

Canantayahic soc pasahic, como hich ya sna'ic a te nacionetic te ay sp'ijil awo'tanic soc te yac ana'be scuentahil; ya me ya'iyic spisil te mandariletic ini, hich me ya yalic: Melel ay sp'ijil yo'tan soc ya sna'be scuentahil ta lec te muc'ul nación ini, xchihic me.

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

Salmos 119:27

A'bon jna' te sbehlal te mandariletic awu'un, hich ya jna'ulan te yutsil a'teliletic awu'une.