Efesios 5:15 - Bible in Tzeltal Bachajón

¹⁵ Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

Nuevo Testamento Tzeltal de Amatenango

¹⁵ Jaꞌ yuꞌun, ila me abaik ta lek te tutꞌ ayexe. Ma me jichuk nax xꞌanex tutꞌil machꞌatik maꞌyuk tut snaꞌik. Pꞌijanik me.

Bible in Tzeltal de Oxchuc y Tenejapa

¹⁵ Jich yu'un, tsajtaya abaic ta lec te bit'il ya sc'an ya xcuxinex ta q'uinale. P'ijanic me. Ma me jichuquex te bit'il mach'atic ma'yuc bi sna'ique.

Efesios 5:15 Referans Kwoze

Colosenses 4:5

P'ijanic me bin ut'il ya x'ayinex soc te mach'atic ma ba sch'uhunejic te Cristo, ayuc me scuentahil bin ut'il ya xc'ax c'ahc'al awu'unic ta stojolic.

Santiago 3:13

¿Mach'a a te ay sp'ijil yo'tan ta awohlilic soc te ay bin ya sna'? Ac'a yac' ta ilel ta scuenta te lec stalel te bin ut'il ya spas ya'tel soc peq'uel yo'tan soc sp'ijil yo'tan.

Filipenses 1:27

Ha nax ya calbeyex wocol te hichuc ya x'ayinex te bin ut'il ya sc'an te lec yach'il c'op yu'un Cristo, scuenta yu'un teme ya xtal quilex o ma ba ya xtal quilex, ya me ca'iybeyex ac'oblalic te jun awo'tan abahic soc te pajal yaquex ta ya'beyel yipal yu'un sch'uhunel te lec yach'il c'op,

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

Proverbios 14:8

Te p'ijil-o'tanil yu'un te mach'a p'ij, ha te ya stsahtay te behetic yu'un, pero te tojol c'op yu'un te mach'a ma sna' q'uinal, ya xlo'loywan.

1 Timoteo 6:9

Yan te mach'atic ya sc'an ya xc'uhlejubic ya xyahlic ta sujel soc ta yaquil, soc ta banti bayel bintic chopol te ya sc'an yo'tanic soc te ya xjinawan, te ya yac' ochuc ta jinel soc ta ch'ayel te winiquetique.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

1 Tesalonicenses 5:15

Tsahtayahic te mayuc mach'a ya sutbe spacol te bin chopol ya xpasbot, pero spisil ora talel c'axel xapasbe abahic te bin lec soc nix spisil te yantique.

San Lucas 24:25

Hich halbotic yu'un te Jesús: ¡Wocol ya xc'oht ta awo'tanic, soc wocol yac ach'uhunic spisil te bintic yalojic te jalwanejetique!

Gálatas 3:3

¿Yu'un bal ma xana'ic q'uinal? Te bin ut'il hahchex ta scuenta te Espíritu, ¿yo'tic bal yac ahu'tesic ta scuenta ch'ich'-baq'uet?

Job 2:10

La yal te Job: Pajal ya xc'opojat soc antsetic te ma sna'ic q'uinal. Teme ya quich'tic te bintic lec yu'un Dios, ¿ma bal ha'uc nix hich ya quich'tic te bintic ma lecuc? xchi. Ta spisil ini ma ba la sta smul te Job yu'un te bin la yal.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

San Mateo 27:24

C'alal la yil te Pilato te mayuc bin ya xchapaj, te yac ta behbe tohyel sc'opic, la yich' tal ha', la spoc sc'ab ta stojol te ants-winiquetic, hich la yal: Te ho'one ma ba ya jmulimbe sch'ich'el te winic ini. Ila me abahic atuquelic, xchi.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

San Mateo 8:4

Ha yu'un halbot yu'un te Jesús: Ilawil, ma me ayuc mach'a xawalbe ya'iy. Bahan, ac'a aba ta ilel ta stojol te sacerdote, soc ac'a te mahtanil yaloj Moisés, scuenta testigo ya xc'oht ta stojolic, xchi sc'oblal.

Efesios 5:33

Pero jujutuhlex c'ux me xawa'iy te awihnam hich te bin ut'il c'ux yac awa'iy aba; soc te antse ac'a yich' ta cuenta te smamalale.

2 Samuel 24:10

Te c'alal laj yo'tan te David ta yahtayel te pueblo, pich'bot yo'tan yu'un, hich la yalbe te Jehová: Mero bayel la jta jmul yu'un te bin la jpas. Ya calbat wocol ta atojol, Jehová, te yacuc apasbe perdón te smul te awa'bate. Scaj jsonsohil te hich la jpase, xchi.

Éxodo 23:13

Ich'a ta cuenta spisil te bintic la jcalbeyexe. Ma me xawalbeyic sbihil yantic diosetic, ma me xloc' ta awe'ic.

Colosenses 1:9

Ha scuentahil, te c'alal hich la jca'iybeyex ac'oblalic, ma ba ya xquehchajotcotic ta sc'oponel Dios ta atojolic, ha ya jc'ambecotic te yacuc snojesbeyex ta awo'tanic sna'el bin ya sc'an yo'tan, ta scuenta spisil p'ijil-o'tanil soc snopojibal ta scuenta espíritu.

Gálatas 3:1

¡Galaciahetic, ma xana'ic q'uinal! ¿Mach'a la smombeyex awo'tanic scuenta yu'un ma ba yac ach'uhuniquix te smelelil c'op, te ha'ex te jamal a'botex awil ta asitic bin ut'il laj ta cruz te Jesucristo?

San Mateo 27:4

hich c'oht yal: La jta jmul yu'un la jcac' ta c'abal te Mach'a mayuc smul, xchi. Pero la yalbeyic: ¿Bin cochelcotic a te ho'otcotique? ¡Ila aba atuquel! la yutic.

San Mateo 25:2

Ho'tuhl ay sp'ijilic soc ho'tuhl mayuc sp'ijilic.

Salmos 73:22

Mayuc sp'ijil co'tan, ma ba la jna'be scuentahil; hichon ta atojol te bin ut'il chambahlam.

Proverbios 15:21

Te mach'a ma ba p'ij yo'tan, ay yutsil yo'tan yu'un te bintic mayuc sc'oblal; yan te mach'a p'ij yo'tan ya stsahtay te be yu'une.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.