Efesios 5:11 - Bible in Tzeltal Bachajón

¹¹ Ma me xajoquinic ta spasel te a'teliletic yu'un te yihc'al q'uinal te mayuc stuc, ha lec xan te yac awaq'uic ta ilel te ay smulic,

Nuevo Testamento Tzeltal de Amatenango

¹¹ Ma me ajoyin abaik ta spasel te tutik lom nax ya spasik te machꞌatik yuꞌun te yijkꞌal kꞌinale. Jaꞌ lek albeyaik ta jamal.

Bible in Tzeltal de Oxchuc y Tenejapa

¹¹ Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

Efesios 5:11 Referans Kwoze

Romanos 13:12

C'uhbenix ahc'abal, nopol ya sacub te q'uinale. Ha yu'un ac'a jch'aytic hilel te bin scuenta te yihc'al q'uinal, ha ac'a jchahpan jbahtic soc te a'tejibaletic yu'un te sacal q'uinale.

1 Timoteo 5:20

Te mach'atic ya ya'telinic spasel mulil, tsitsa ta comonsitil, scuenta yu'un hich me ya xiwic a te yantique.

2 Tesalonicenses 3:6

Quermanotac, ya jpasexcotic ta mandar ta scuenta te Cajwaltic Jesucristo te yacuc apit abahic ta stojol spisil quermanotic te ma sc'an ya x'a'tejic soc te ma ba ya spasic te bin la jca'beyexcotic anopic.

Romanos 16:17

Quermanotac, ya calbeyex wocol, te yacuc atsahtay abahic ta stojol te mach'atic ya ya'beyex ajat abahic soc te ya yaq'uic c'ohchinojibaletic te ya scontrahinic te nohptesel awich'ojique. Parte me xawac' abahic soc,

Apocalipsis 18:4

La jca'iy yan mach'a c'opoj tal ta ch'ulchan, hich la yal: Loc'anic tal ta stojol, pueblo cu'un, scuenta yu'un ma pajaluc yac ata amulic soc, scuenta yu'un ma pajaluc yac awich'ic castigo soc a.

Tito 2:15

Ha me xawalbe ya'iyic, ya me atsits soc ya me acom ta scuenta spisil yip awa'tel. Ma me ayuc mach'a ya sp'ajat.

2 Tesalonicenses 3:14

Teme ay mach'a ma ba ya sch'uhun spasel te bin ya calcotic ta scuenta te carta ini, na'beyahic sba mach'a a soc ma me xajoquinic, scuenta yu'un hich ya xq'uexawan a.

Romanos 6:21

Pero ¿bin la atahic a te yo'tic ya xq'uexawexix yu'un? Como ya yaq'uex ta lajel stuquel.

2 Timoteo 4:2

hala te sc'op Dios, a'telina spasel ta yorahil o teme ma yorahiluc. A'iya comaw, coma soc tsitsa ta scuenta lamal awo'tan soc ta scuenta nohptesel;

2 Timoteo 3:5

sjel te stojil yaquic ta sch'uhunel Dios yilel, pero ya smuc ta yo'tanic te ay yu'el. Jc'axel ma me xajoquin.

Gálatas 6:8

Te mach'a ya sts'un ta scuenta spoco'-talel, ha nix ya stsobe sit te spoco'-talel te ya xjinawane; yan te mach'a ya sts'un ta scuenta te Espíritu, ta scuenta Espíritu ya stsobe scuxlejal sbahtel q'uinal.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Proverbios 13:18

Te mach'a ya sp'aj te tojobtesel, pobre ya xc'oht soc ya sta q'uexlal, yan te mach'a ya sch'uhun te tojobtesel, ya me x'ich'ot ta muc'.

Levítico 19:17

Ma xawil-o'tantay te awermano. Ya me atsits apat-axuhc scuenta yu'un ma pajaluc yac ata amul soc.

1 Tesalonicenses 5:7

Como te mach'atic ya xwayic, ta ahc'abal ya xwayic, soc te mach'atic ya xyacubic, ta ahc'abal ya xyacubic.

San Lucas 3:19

Te Herodes te tetrarca, la yich' tijel ta c'op yu'un Juan ta scaj te Herodías te yihnam Felipe, te yihts'in Herodes, soc ta scaj spisil bintic chopol spasoj.

Efesios 5:7

Ha yu'un ma me xajoquinic ta slehel smulic.

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Isaías 29:21

te mach'atic ta scuenta jp'ahl nax c'op ya yalbeyic ay smul te winique, te mach'atic ya schahpambeyic syacol te mach'a ya xchahpanwan ta ochibal, soc ta scuenta lotil c'op ya yac' te ma tojuc ya yich' chahpanel te mach'a mayuc smule.

Proverbios 25:12

Hich te bin ut'il ch'ocowil pasbil ta oro, o te uhalil pasbil ta t'ujbil oro, hich ay te tsitsel yu'un te mach'a ay sp'ijil yo'tan ta stojol te mach'a ya sna' ya'iyel.

Salmos 141:5

Ac'a ya'bon castigo te mach'a toj yo'tan, lec ya ca'iy; pero ma me xyich' malel ta jol te aceite yu'un mach'atic chopolic, yu'un spisil ora ya jc'opon Dios ta scontrahinel te chopol ya'telique.

Génesis 20:16

Soc la yalbe te Sara: La jca'beyix lajunwinic yoxbahc' (1,000) ta sehp plata te abanquile, ha smahquil aq'uexlal ya xc'oht awu'un ta sit spisil yantic mach'atic ajoquinej, hich lec ac'oblal ya xc'ohat, xchi.

Proverbios 19:25

Maja te jlabanwanej, hich ya yich' sp'ijil te mach'a ma sna' q'uinal; teme yac atojobtes te mach'a p'ij yo'tan, hich ya snop xan a te bin ay ta na'el yu'un.

Proverbios 15:12

Te jlabanwanej ma lecuc yo'tan yu'un te mach'a ya xtsitsot yu'un; ma ba ya sjoquin te mach'atic p'ij yo'tanique.

San Mateo 18:15

Ha yu'un teme ay la sta smul ta atojol te awermano, bahan, a'beya sna' te smul ta stuquel. Teme lec la ya'iybat te ac'ope, lec ayat soc a te awermanohe.

Jeremías 15:17

Ma ba la joquin ta huclej te mach'atic ha nax ya spasic te bin ya smulanic, ma ba la joquinlan ta tse'ej; jtuquel huculon ta scaj te ay ta atojol te ac'ab soc la anojesbon co'tan ta ilimba.

Proverbios 1:31

hich ya me swe'beyic sit te be yu'unic soc ya xnojic ta bin chopol snopoj ta yo'tanic.

1 Timoteo 6:5

soc te tulan ya stsac sbahic ta c'op te mach'atic chopol spensaric, te ma sna'ic bin ut'il ay te smelelil c'op, te ha ya spasic ganar a te bin stojil ay ta ch'uhunel te Diose.

Proverbios 1:10

Jnich'an, teme ya sc'an ya slo'loyat te jmulawiletic, ma me xawac' awo'tan a.

Proverbios 28:4

Te mach'atic ya yihquitayic te ley ya yalbe lec sc'oblal te mach'atic chopolic, yan te mach'atic ya sch'uhunic te ley ya scontrahinic te mach'atic chopolic.

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

Efesios 5:12

como q'uexlaltic sba ta halel te bin ya spasic ta muquen.

Colosenses 1:12

soc tse'el awo'tanic yac awalbeyic wocol te Tatil, te la yac' te pajal ya xhu' yac awich'ic hilel te bin ay yu'un Dios soc te mach'atic ch'uhltesbilic te ayic ta sacal q'uinale.

1 Timoteo 5:22

Ma me ayuc mach'a te ora nax yac acajan ac'ab ta stojol, soc ma me xawac' aba a te mach'a ay smul; tojuc me x'ayinat.