Efesios 5:10 - Bible in Tzeltal Bachajón

¹⁰ soc na'ahic stsahtayel te bin lec yo'tan yu'un te Cajwaltique.

Nuevo Testamento Tzeltal de Amatenango

¹⁰ Nopaik spasel te tut lek ya yil te Kajwaltike.

Bible in Tzeltal de Oxchuc y Tenejapa

¹⁰ Tsajtaya me awil te bila lec yo'tan yu'un te Cajwaltique.

Efesios 5:10 Referans Kwoze

Hebreos 12:28

Te cuentahinel yu'un Dios te yac quich'beltic ma xhu' ta niquel, ha yu'un ac'a me caltic wocol yu'un, soc ac'a cac' jbahtic ta a'batinel ta stojol Dios soc xiwel soc yich'el ta muc', hich te bin ut'il lec yo'tan yu'une.

Salmos 19:14

Lecuc me yac awa'iy te c'opetic ya xloc' ta que soc te bintic ya jnopilan ta co'tan, Jehová, muc'ul tonat soc jcoltaywanejat cu'un.

1 Pedro 2:20

Pero ¿bin awutsilalic yac atahic a teme jun awo'tanic yac ac'ases awocolic ta scaj amulic? Yan teme yac ac'ases awocolic yu'un spasel te bin leque, ha lec yo'tan Dios yu'un.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

1 Tesalonicenses 5:21

Tsahtayahic spisil, ich'ahic te bin leque.

1 Timoteo 2:3

Como ha lec ini soc ha lec yo'tan Dios yu'un, te Jcoltaywanej cu'untic,

Filipenses 1:10

scuenta yu'un hich yac atsahic a te bin lec, scuenta yu'un mayuc awa'baquilic soc mayuc bin quechel ta acuentahic a ta yorahil sc'ahc'alel te Cristo,

Romanos 14:18

como te mach'a hich ya yac' sba ta a'batinel yu'un Cristo, lec yo'tan Dios yu'un soc lec sc'oblal yu'un ants-winiquetic.

Proverbios 21:3

Te spasel bintic toj soc lec, ha lec xan ya ya'iy a te Jehová te bin ut'il yaq'uel milbil mahtanil.

1 Timoteo 5:4

Yan teme ay yalatac o teme ay yil-alatac te me'ba' antse, ha nahil ac'a snopic sc'uxultayel te mach'atic ay yu'unic soc ac'a ya'beyic bin ya xtuhun yu'un te sme'static, como ha lec soc ha lec yo'tan Dios yu'un.

Jeremías 6:20

¿Bin stuc cu'un te pom yu'un Sabá o te chi'il jalal te ya xtal ta namal q'uinal? Ma ba ya jtsac te scohtol chic'bil mahtaniletic awu'unic, soc ma lecuc co'tan yu'un te chic'bil mahtaniletic awu'unic, xchi te Jehová.

Filipenses 4:18

Yo'tic ts'acal la jquich'ix, ayix bayel bin ay cu'un; lequix ayon, te bin ut'il la jquich'beyix ta sc'ab te Epafrodito te bin la aticonic tal, ha mahtanil te sumet yic', ha milbil mahtanil te lec yo'tan Dios yu'une.

1 Samuel 17:39

Te David la schuc te espada yu'un ta sba te sc'u', la spas prueba ya'iy teme ya xhu' ya xbehen, como mayuc bin ora hich slapoj. Te David la yalbe te Saúl: Ma xhu' jbehel soc, como ma ba c'ahyemon a, xchi. Hich la sloq'ues spisil te bintic slapoje.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.