Efesios 4:9 - Bible in Tzeltal Bachajón

⁹ ¿Bin a te mo bahel te xchihe? Yu'un nix nahil co bahel c'alal ta sc'ubulil te bahlumilale.

Nuevo Testamento Tzeltal de Amatenango

⁹ ¿Y tut xyal te moel bael”, te xchie? Jaꞌ xyal te primero a koj tal liꞌ ba balmilale.

Bible in Tzeltal de Oxchuc y Tenejapa

⁹ ¿Bi swentailuc te “mo bael” te xie? Ja' ya yal te neel coj tel c'alal ta ye'tal te balumilale.

Efesios 4:9 Referans Kwoze

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

San Mateo 12:40

Como hich te bin ut'il oxeb c'ahc'al soc oxeb ahc'abal ay ta sch'uht muc'ul chay te Jonás, ha nix hich te Nich'anil ay ta scuenta winic oxeb c'ahc'al soc oxeb ahc'abal ya x'ayin ta ye'tal lum.

San Juan 6:33

como te pan yu'un Dios, ha te mach'a cohem tal ta ch'ulchan soc te ya ya'be scuxlejal mach'atic ayic ta bahlumilal, xchi.

Proverbios 30:4

¿Mach'a mohem bahel soc cohem tal ta ch'ulchan? ¿Mach'a la snop' ta sc'ab te iq'ue? ¿Mach'a la spots ta snahtil-c'u' te ha'etic? ¿Mach'a la schahpan spisil sti'il te bahlumilale? ¿Bin sbihil, soc bin sbihil te snich'ane? Halbon ca'iy teme yac ana'e.

Salmos 63:9

Te mach'atic ya sc'an ya smilonic, ya me xyahlic cohel ta sc'ubulil q'uinal.

Hebreos 2:9

Pero ya quiltic te Jesús, te peq'uel xan ac'ot jtebuc yu'un te ch'ul a'batetic, te a'botix yutsilal soc ich'el ta muc' ta scaj te c'ax swocol ta lajel, scuenta yu'un ya ya'iy lajel yu'un jpisiltic ta scuenta yutsil yo'tan Dios.

San Juan 20:17

Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

Salmos 8:5

Jteb ma pajaluc soc ch'ul a'batetic la apas, la awa'be scoronahin yutsilal soc ich'el ta muc'.

Génesis 11:5

Te Jehová co tal ta yilel te muc'ul pueblo soc te muc'ul toyol ts'ahc te yacalic ta spasel te snich'nab winiquetic.

Hebreos 2:7

La apas jteb ma pajaluc soc ch'ul a'batetic, la awa'be scoronahin yutsilal soc ich'el ta muc'

San Juan 8:14

La sjac' te Jesús: Aunque ho'on nix yac calbel jc'oblal, yu'un nix melel a, como jna'oj banti talemon soc banti ya xbohon; pero te ha'exe ma ba yac ana'ic banti talemon soc banti ya xbohon.

San Juan 6:62

¿Ha xan teme la awilic te ya xmo bahel ta banti nix ay ta nahil to te Nich'anil ay ta scuenta winic?

San Juan 6:58

Ha me te pan cohem tal ta ch'ulchan; ma pajaluc soc te maná la swe'ic te ame'atatic soc chamic. Te mach'a ya swe' ha'i pan ini, ya xcuxaj sbahtel q'uinal yu'un, xchi.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

San Juan 6:41

Te judíohetic hahchic wulajanel ta c'op yu'un te la yal: Ho'on te panon te cohemon tal ta ch'ulchan, te xchihe.

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

Salmos 139:15

Ma ba mucul ta asit te jbaq'uetal te c'alal muquen la jquich' pasel, te c'alal jalbilon ta sc'ubulil te lumq'uinal.

Éxodo 19:20

Te Jehová co tal ta sba te wits Sinaí soc la yic' mohel te Moisés ta sba te witse. Hich mo bahel te Moisés.

Ezequiel 31:14

scuenta yu'un spisil te te'etic ta ti'ha'etic ma ba ya stoy sbahic yu'un te stoyolil, ma ba ya stoy sni'ilic ta yohlil te tocaletic, soc spisil te te'etic te ya yuch'ic ha' ma ha'uc ya smuc'ulin yo'tanic te stoyolile; como spisilic ya xbahtic ta lajel, ta sc'ubulil te lumq'uinal, ta yohlil te yal-snich'nab ants-winiquetic, ya sjoquinic te mach'atic ya xcohic bahel ta hotbil ch'en.