Efesios 4:8 - Bible in Tzeltal Bachajón

⁸ Ha scuentahil te hich ya yal: C'alal mo bahel ta toyol, la yic' bahel jchuqueletic, soc la yac'ticlambe mahtaniletic te winiquetic, te xchihe.

Nuevo Testamento Tzeltal de Amatenango

⁸ Jaꞌ yuꞌun te jich ya yal te Sjun Diose: “Mo bael ta chꞌulchan, yikꞌoj bael te machꞌatik chukajtike, y la yaꞌbe majtanil te winketike”, te xchie.

Bible in Tzeltal de Oxchuc y Tenejapa

⁸ Ja' swentail te jich la yal ta Sjun te Diose: “Mo bael ta ch'ulchan, yic'oj bael jchuqueletic soc la yac'bey majt'aniletic te ants-winiquetic”, te xie.

Efesios 4:8 Referans Kwoze

Salmos 68:18

Mohat bahel ta toyol, la awic'ticlan bahel jchuqueletic; la awich'be mahtaniletic yu'un te ants-winiquetic, soc yu'un te mach'atic stoyoj sbahic, scuenta yu'un tey ya xnahinat a, Jehová Dios.

Colosenses 2:15

La spojbe yu'el te principaletic soc te mach'atic ay ya'telic, la yac'ticlan ta ilel ta comonsitil c'alal la stsalticlan ta cruz.

1 Samuel 30:26

C'alal c'oht ta Siclag te David, te bintic la spoj talel ay la sticombe bahel te mamaletic ta Judá te sc'uxultaywanej sba soc, hich la yal: Li' ay amahtanic te pojbil tal ta stojol te scontratac Jehová, xchi.

Ester 2:18

Te ajwalil la spasbe muc'ul q'uin yu'un Ester spisil te príncipaletic soc a'batetic yu'une. Soc la spehc'an te pataniletic ta jujusehp q'uinal soc la spucticlan bayel mahtaniletic, ha chican bin yilel yutsil o'tanil yu'un te ajwalil.

Jueces 5:12

¡Cuxa awo'tan, cuxa awo'tan, Débora! ¡Cuxa awo'tan, cuxa awo'tan, c'ayojtaya c'ayoj! ¡Hahchan, Barac, ic'a bahel te jchuqueletic awu'un, ha'at snich'anat Abinoam!

Proverbios 30:4

¿Mach'a mohem bahel soc cohem tal ta ch'ulchan? ¿Mach'a la snop' ta sc'ab te iq'ue? ¿Mach'a la spots ta snahtil-c'u' te ha'etic? ¿Mach'a la schahpan spisil sti'il te bahlumilale? ¿Bin sbihil, soc bin sbihil te snich'ane? Halbon ca'iy teme yac ana'e.

Efesios 4:11

Ha nix te la yac' te ay jpuc-c'opetic, jalwanejetic, te mach'atic ya yalic te lec yach'il c'op, pastoretic soc p'ijubteswanejetic,