Efesios 4:6 - Bible in Tzeltal Bachajón

⁶ junax Dios te ha Tatil cu'untic jpisiltic, te ha scuentahinej spisil, te ya x'a'tej ta jcuentatic jpisiltic soc te ay ta co'tantic jpisiltic.

Nuevo Testamento Tzeltal de Amatenango

⁶ jun nax te Dios te jaꞌ Tatil yuꞌun spisil y te stukel ay ta skuenta spisil. Ya xꞌaꞌtej ta spisil y yuꞌun ta spisil.

Bible in Tzeltal de Oxchuc y Tenejapa

⁶ soc jun nax te Diose te ja' Jtatic ta jpisiltique, te ja' cajal yu'un ta spisil, soc ay ta swenta spisil, soc ja' yu'un ta spisil.

Efesios 4:6 Referans Kwoze

Romanos 11:36

como spisil talem ta stojol, soc ha cuxul ta scuenta, soc ha nix yu'un Dios spisil bintic ay. Ay ta halbeyel yutsil sc'oblal sbahtel q'uinal stuquel. Hichuc.

1 Corintios 8:6

pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

Malaquías 2:10

¿Yu'un bal ma junuc nax Jtatic ta jpisiltic? ¿Ma bal junuc nax te Dios te la spasotique? ¿Bin yu'un nix a hiche te talel c'axel ya jlo'loy jbahtic, te hich ya jbohlobtesbe sc'oblal te chapbil-c'op la spas Dios soc te jme'jtatique?

San Juan 20:17

Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

San Mateo 6:9

Te ha'exe, hich me xac'oponic te Diose: Jtatic te ayat ta ch'ulchan, ac'a ich'otuc ta muc' ach'ul bihil.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

1 Corintios 12:6

Soc ay bayel ta chahp bintic ay ta pasel, pero junax Dios te ya spasticlambe ta stojol spisilic.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Efesios 6:23

Te Jtatic Dios soc te Cajwaltic Jesucristo ac'a ya'be lamal q'uinal soc sc'uxul yo'tan soc sch'uhunel yo'tan te quermanotactique.

Efesios 3:17

soc te yacuc xnahin ta awo'tanic te Cristo ta scuenta sch'uhunel awo'tanic, scuenta yu'un, te bin ut'il lop'inemex soc awich'oj awipic tey ta c'uxul-o'tanil,

Efesios 2:22

Ha nix hichex pajal yaquex ta ts'ahcuyel soc te yantic scuenta yu'un tey ya xnahin Dios a ta scuenta te Espíritu.

San Juan 17:26

La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Isaías 63:16

¡Pero ha'at tatilat cu'uncotic! Aunque ma sna' jbahcotic te Abraham, soc ma sna'otic te Israel, ha'at Jehová, tatilat cu'uncotic; J'ac'awat ta libre cu'uncotic, xchi te abihil c'alal ta namey.

Salmos 95:3

Como te Jehová ha muc'ul Dios, ha muc'ul Ajwalil yu'un spisil yantic diosetic.

Efesios 1:21

te ha toyol c'oht yu'un spisil ajwaliletic, te mach'atic ay ya'telic, te ay yu'elic soc jpasawetic ta mandar, soc ha toyol c'oht yu'un spisil bihililetic te ya yich'ic a'beyel, ma ha'uc nax ta ora ini, soc ta patil bahel.

Deuteronomio 6:4

A'iya me awa'iy, Israel: te Jehová te Dios cu'untic, jtuhl nax te Jehová.