Efesios 4:5 - Bible in Tzeltal Bachajón

⁵ junax Cajwaltic, junax te bin ay ta ch'uhunel, junax ich'ha';

Nuevo Testamento Tzeltal de Amatenango

⁵ Jtul nax te ajwalil awuꞌunik, jun nax te tut achꞌuunejike, jun nax te ichꞌjaꞌ awichꞌojike,

Bible in Tzeltal de Oxchuc y Tenejapa

⁵ Jun nax te Cajwaltique, soc jun nax te xch'uunjel co'tantique, soc jun nax te ich'ja'e,

Efesios 4:5 Referans Kwoze

1 Corintios 8:6

pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

1 Corintios 12:13

Como ta scuenta junax Espíritu te junax baq'uet c'ohotic ta scuenta ich'-ha', teme ha judíohetic, griegohetic, mosohetic o mach'atic libre ayic; ta jpisiltic ac'ot cuch'tic junax Espíritu.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

Romanos 3:30

como jtuhl nax Dios ay, soc ha me ya yal te toj ay ta scuenta sch'uhunel yo'tanic te mach'atic yich'ojic circuncisión soc ha nix hich ta scuenta sch'uhunel yo'tanic te mach'atic ma ba yich'ojic circuncisión.

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

1 Corintios 1:13

¿Yu'un bal sjatoj sba te Cristo? ¿Ha bal cham ta cruz awu'unic te Pablo? ¿La bal awich'ic ha' ta scuenta sbihil te Pablo?

Judas 1:3

Ha'ex te c'uxex ta co'tan, aunque tulan sc'oblal ta co'tan te ya jts'ihbabeyex sc'oblal te jcoleltique, hich la jc'an te ya jts'ihbabeyex yu'un ya ca'beyex yip awo'tanic yu'un yacuc xc'opojex yu'un te bintic jch'uhunejtic, te jc'axel a'bibil te mach'atic ch'ultesbilique.

2 Corintios 11:4

Como teme ay mach'a ya xtal yalbe sc'oblal yan Jesús, te ma ha'uc te Jesús la jcalbeyexcotic sc'oblale, o teme yan espíritu yac awich'ic, te ma ha'uc te Espíritu te awich'ojic, o teme ay yan yach'il c'op te bin ut'il awich'ojic, ora nax yac awich'ic.

Zacarías 14:9

Ha ajwalil ya xc'oht te Jehová ta swohlol bahlumilal. Ta hich ora stuquel ay te Jehová, soc stuquel ay te sbihile.

Filipenses 2:11

soc spisilic ya me yalic ta jamal te ha Ajwalil te Jesucristo, scuenta yutsil sc'oblal ya xc'oht te Jtatic Dios yu'une.

Efesios 4:13

ha to teme pajal ay sch'uhunel co'tantic ta jpisiltic soc te pajal ya jna'betic sba te Snich'an Dios, te ha muc'ul ants-winicotic ya xc'ohotic, te ya jtahtic c'ohel te stalel te Cristo.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

1 Corintios 12:5

Ay bayel ta chahp a'teliletic, pero jtuhl nax te Ajwalil.

1 Corintios 1:2

ya jpatbecotic yo'tanic te iglesia yu'un Dios te ay ta Corinto, te mach'atic ch'uhltesbilic ta scuenta Cristo Jesús, te ic'bilic yu'un pajal ya yich'ic ch'ultesel soc spisil yantic ta bayuc te ya yalbeyic wocol ta scuenta sbihil te Cajwaltic Jesucristo, te Ajwalil yu'unic soc cu'untic.

Judas 1:20

Yan te ha'ex te c'uxex ta co'tan, ac'a yipin awo'tanic te sch'uhunel awo'tanic te mero ch'ultesbil; c'oponahic Dios ta scuenta te Ch'ul Espíritu,

Hebreos 13:7

Na'ahic me te jcanan awu'unic, te la yalbeyex te sc'op Diose. Na'ahic me bin ut'il c'ohtic ta loq'uel yu'un te bin yilel te scuxlejalic, soc nopbeyahic te sch'uhunel yo'tanique.

Hebreos 6:6

teme ya xcha'yahlic, ma xhu'ix ta suhtesbeyel yo'tanic, como ha'ic nix la scha'aq'uic xan ta lajel ta cruz te Snich'an Dios soc la yaq'uic xan ta labanel ta comonsitil.

Tito 1:4

Ta stojol Tito, te mero jnich'an ta scuenta te bin ay ta ch'uhunel ta comon. Ayuc me ta atojol te yutsil-o'tanil, xc'uxul-o'tanil soc lamal q'uinal yu'un te Jtatic Dios soc te Cajwaltic Jesucristo, te Jcoltaywanej cu'untique.

Tito 1:1

Pablo, a'bat yu'un Dios soc jpuc-c'op yu'un te Jesucristo yu'un ya sta sch'uhunel yo'tanic a te mach'atic tsahbilic yu'un Dios soc yu'un ya sna'ic te smelelil c'op te hich toj ya sc'an ch'uhunel te Diose,

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

Hechos 2:36

Spisil Israel, na'ahic me ta mero melel: Te Jesús te la amilic ta cruz, Dios la yac' te ha Ajwalil soc ha Cristo c'oht, xchi te Pedro.

2 Pedro 1:1

Simón Pedro, a'bat soc jpuc-c'op yu'un te Jesucristo, ta stojol te mach'atic ta scuenta stojil yo'tan te Jesucristo te Dios soc Jcoltaywanej cu'untic, stahojic sch'uhunel yo'tanic te pajal st'ujbilal soc te cu'uncotique:

Santiago 2:18

Pero ay mach'a ya yal: Te ha'ate ay sch'uhunel awo'tan, te ho'one, ay ca'tel, xchi. A'bon quil te sch'uhunel awo'tan te mayuc ya'telul, te ho'one, ya ca'bat awil ta scuenta ca'tel te sch'uhunel co'tane.