Efesios 4:32 - Bible in Tzeltal Bachajón

³² Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

Nuevo Testamento Tzeltal de Amatenango

³² Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

Bible in Tzeltal de Oxchuc y Tenejapa

³² Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

Efesios 4:32 Referans Kwoze

San Marcos 11:25

Te c'alal yaquex ta sc'oponel Dios a, pasbeyahic perdón teme ay mach'a ay stahoj smul ta atojol, scuenta yu'un hich ya spasbeyex perdón yu'un amulic a te Atatic te ay ta ch'ulchan.

2 Corintios 2:10

Te mach'a yac apasbeyic perdón, ha nix hichon ya jpasbe perdón. Te bin ut'il la jpasbe perdón, teme ay nix bin la jpasbe perdón yu'un, ha'ex ta acuentahic te la jpasbe perdón ta stojol Cristo,

Efesios 5:1

Ha yu'un nopbeyahic yo'tan te Diose, te bin ut'il yal-snich'anex te bayel c'uxex ta yo'tane.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

San Lucas 6:37

Ma me xawich'o-c'optayic yan, hich ma ba yac awich'ic ich'o-c'optayel. Ma me xawalbeyic smul yan, hich ma ba ya xhalot amulic a. Pasahic perdón, hich me ya xpasbotex perdón a.

1 Corintios 13:4

Te c'uxul-o'tanil spisil ya xcuhch yu'un, bayel yutsil yo'tan; mayuc sbic'tal yo'tan, ma stoy sba;

San Lucas 17:4

Teme huqueb buelta ta jun c'ahc'al ya sta smul ta atojol, pero teme huqueb buelta ya xtal ta atojol soc ya yal: Ya jsuhtes co'tan, teme xchihe, pasbeya perdón.

San Mateo 6:12

Pasbotcotic perdón yu'un jmulcotic, hich te bin ut'il ya jpasbecotic perdón te mach'atic ay smulic ta jtojolcotic.

Salmos 145:9

Te Jehová lec bin ya spas ta stojol spisil, soc ya sc'uxultay spisil te bintic spasoje.

1 Juan 2:12

Ha'ex cal-jnich'nabex, ya jts'ihbabeyex como pasbilexix perdón yu'un amulic ta scuenta sbihil te Jesucristo.

Romanos 12:10

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

1 Juan 1:9

Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel.

2 Corintios 2:7

Ya sc'an te yac apasbeyiquix perdón soc yac awa'beyiquix smuc'ul yo'tan, scuenta yu'un ma ba ya xtsalot yu'un c'ax bayel mel-o'tan.

Santiago 5:11

Ya caltic te ha bayel yutsilic te mach'atic ya xcuhch yu'unic te swocolique. Awa'iyejic bin ut'il cuhch yu'un te Job, soc awilojic bin ut'il c'oht ta loq'uel ta patil yu'un te Cajwaltic, como te Cajwaltic bayel ya xc'uxultaywan soc ya sna'botic yo'bolil jbahtic.

2 Corintios 6:6

ya xchicnaj ta scuenta te lecubtesbil jcuxlejalcotic, te ay bin na'bil cu'uncotic, te cuhchem cu'uncotic, te ay yutsil co'tancotic, te ay Ch'ul Espíritu ta co'tancotic, ay sc'uxul co'tancotic ta melel;

San Lucas 11:4

Pasbotcotic perdón yu'un jmulcotic, como hich nix ya jpasbecotic perdón te mach'atic ay smul ta jtojolcotic. Soc ma me xawac'otcotic ta sujel ta mulil, ac'awotcotic ta libre yu'un te bin chopole, xchi te Jesús.

San Lucas 1:78

ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

Isaías 57:1

Ya xlaj te mach'a toj yo'tan, pero mayuc mach'a ay ta cuenta yu'un. Ya xlajic te mach'atic jun yo'tanic ta stojol Dios, pero mayuc mach'a c'ohem ta yo'tan te ta scaj te bin chopol ya yich' loq'uesel te mach'a toj yo'tan.

Proverbios 19:22

Te bin ya sc'an ta stojol te winique, ha te stalel jun yo'tan ta stojol yantic; ha lec xan te pobre te bin ut'il mach'a ya ya'iy lot.

Proverbios 12:10

Te mach'a toj yo'tan ya scanantay te schansbahlam, yan te yo'tan te mach'a chopol, ya x'uts'inwan.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Rut 2:20

Te Noemí la yalbe te yalibe: ¡Ac'a a'botuc bendición yu'un Jehová! Ma ba quehchaj yu'un sc'uxultayel te mach'atic cuxulic soc te mach'atic chamenic. Te winic ini, ma yanuc parte cu'untic, ha nix te mach'a ay ta scuenta te ya scoltayotic, xchi.

2 Pedro 1:7

teme la ach'uhunic ta lec, ya sc'an te jun awo'tanic soc awermanotac; teme jun awo'tanic soc awermanotac, ya sc'an te ay sc'uxul awo'tanic.

Hechos 28:2

Bayel la sc'uxultayotcotic te mach'atic nahinemic tey a, la snup'ic c'ahc' soc la yic'otcotic tal jpisiltic ta scaj te ha'al soc te sique.

2 Samuel 7:21

Spisil te bintic bayel yutsil ini apasojix ta scuenta ac'op soc te hich la sc'an awo'tan, soc la awa'be sna' te a'bat awu'une.

Proverbios 19:11

Te sp'ijil yo'tan te winic, ha ya xcombot yilimba yu'un; soc ha yutsilal ya xc'oht te ya xcuhch yu'un te il-o'tantayele.

Jeremías 38:12

Te Ebed-melec te etíope-winic, hich la yalbe: Ac'a ta ach'ehlap te c'a'-paq'uetic scuenta yu'un ma ba ya yehchentesat te lazohetic, xchi. Hich la spas te Jeremías.